ಜಿಯೋ ಮಾನ್ಸೂನ್ ಆಫರ್: ಕೇವಲ 501 ರೂ.ಗೆ 'ಜಿಯೋ ಫೋನ್ 2' ಪಡೆಯುವುದು ಹೇಗೆ?

ವಿನ್ಯಾಸ ಮತ್ತು ಡಿಸ್‌ಪ್ಲೇ

ಹೊಸ ಜಿಯೋ ಫೋನ್ 2 ವಿನ್ಯಾಸ ಮತ್ತು ಡಿಸ್‌ಪ್ಲೇನಲ್ಲಿ ಜಿಯೋ ಫೋನ್‌ಗಿಂತಲೂ ವಿಭಿನ್ನವಾಗಿದೆ. QWERTY ಕೀಪ್ಯಾಡ್‌ ಜತೆಗೆ 4 ವೇ ನ್ಯಾವಿಗೇಷನ್ ಪ್ಯಾಡ್‌ನ್ನು ಜಿಯೋ ಫೋನ್ 2 ಹೊಂದಿದೆ. ಆದರೆ, ಜಿಯೋ ಫೋನ್ ಮತ್ತು ಜಿಯೋ ಫೋನ್ 2 ಎರಡು 2.4 ಇಂಚ್ ಡಿಸ್‌ಪ್ಲೇ ಹೊಂದಿವೆ.

ಕ್ಯಾಮೆರಾ ಹೇಗಿದೆ?

ಜಿಯೋ ಫೋನ್ 2 ಜಿಯೋ ಫೋನ್‌ನಂತೆಯೇ ಕ್ಯಾಮೆರಾ ಫೀಚರ್‌ ಹೊಂದಿದ್ದು, 2 MP ಹಿಂಬದಿ ಕ್ಯಾಮೆರಾ ಮತ್ತು 0.3 MP (VGA) ಕ್ಯಾಮೆರಾವನ್ನು ಮುಂಬದಿಯಲ್ಲಿ ಹೊಂದಿದೆ. ಎರಡು ಫೋನ್‌ಗಳು ವಿಡಿಯೋ ರೆಕಾರ್ಡಿಂಗ್ ಮಾಡುವ ಸೌಲಭ್ಯ ಹೊಂದಿದ್ದು, ಫೀಚರ್ ಫೋನ್‌ಗಳಲ್ಲಿ ಉತ್ತಮ ಫೀಚರ್ಸ್‌ ಅನ್ನು ಹೊಂದಿದೆ.

ಮೆಮೊರಿ ಮತ್ತು ಒಎಸ್

ಜಿಯೋ ಫೋನ್ 2 ಮೆಮೊರಿ ವಿಚಾರದಲ್ಲೂ ವಿಭಿನ್ನವಾಗಿಲ್ಲ. ಜಿಯೋ ಫೋನ್‌ನಂತೆಯೇ 512MB RAM ಮತ್ತು 4GB ಆಂತರಿಕ ಸ್ಟೊರೇಜ್ ಹೊಂದಿದೆ. ಮೈಕ್ರೋ ಎಸ್‌ಡಿ ಕಾರ್ಡ್‌ ಮೂಲಕ 128GB ವರೆಗೂ ಮೆಮೊರಿಯನ್ನು ವಿಸ್ತರಿಸಬಹುದಾದ ಆಯ್ಕೆ ನೀಡಲಾಗಿದೆ. ಸಾಫ್ಟ್‌ವೇರ್‌ನಲ್ಲಿ ನೋಡುವುದಾದರೆ ಎರಡು ಫೋನ್‌ಗಳು KaiOS ಹೊಂದಿವೆ.

ಸಂಪರ್ಕ ಮತ್ತು ಬ್ಯಾಟರಿ

ಸಂಪರ್ಕದ ವಿಚಾರಕ್ಕೆ ಬಂದರೆ ಜಿಯೋ ಫೋನ್ 2 ವಿಭಿನ್ನವಾಗಿದ್ದು, ಡ್ಯುಯಲ್ ಸಿಮ್‌ಗೆ ಬೆಂಬಲ ಮತ್ತು ವೋವೈ-ಫೈ ಫೀಚರ್ ಹೊಂದಿದೆ. ಜಿಯೋ ಫೋನ್‌ನ ಉಳಿದ ಫೀಚರ್‌ಗಳಾದ 4G ವೋಲ್ಟ್ ಬೆಂಬಲ, ಎಫ್‌ಎಂ ರೇಡಿಯೋ, ವೈ-ಫೈ, ಜಿಪಿಎಸ್ ಮತ್ತು ಎನ್‌ಎಫ್‌ಸಿ ಫೀಚರ್‌ಗಳನ್ನು ಹೊಂದಿದೆ. ಇನ್ನು 2000 mAh ಬ್ಯಾಟರಿ ಸಾಮರ್ಥ್ಯ ಹೊಂದಿದೆ.

ಆಪ್‌ಗಳು

ಜಿಯೋ ಫೋನ್ ಮತ್ತು ಜಿಯೋ ಫೋನ್ 2 ಎರಡು ಮೊಬೈಲ್‌ಗಳು ಜಿಯೋ ಆಪ್‌ಗಳಾದ ಮೈ ಜಿಯೋ, ಜಿಯೋ ಮ್ಯೂಸಿಕ್, ಜಿಯೋ ಟಿವಿಯಂತಹ ಆಪ್‌ಗಳನ್ನು ಒಳಗೊಳ್ಳಲಿವೆ. ಆದರೆ ಜಿಯೋ ಫೋನ್‌ 2 ರಲ್ಲಿ ಈ ಆಪ್‌ಗಳನ್ನು ಹೊರತುಪಡಿಸಿ ಜನಪ್ರಿಯ ಆಪ್‌ಗಳಾದ ಫೇಸ್‌ಬುಕ್‌, ವಾಟ್ಸ್‌ಆಪ್ ಮತ್ತು ಯೂಟ್ಯೂಬ್‌ನಂತಹ ಆಪ್‌ಗಳು ಇರಲಿವೆ ಎಂದು ಮುಖೇಶ್ ಅಂಬಾನಿ ಹೇಳಿದ್ದಾರೆ.

ಎಕ್ಸ್‌ಚೇಂಜ್ ಸೀಕ್ರೇಟ್ಸ್!

ಜಿಯೋ ಫೋನ್ 2 ಮೊಬೈಲ್‌ನ ಆರಂಭಿಕ ಬೆಲೆ 2,999 ರೂ.ಇದ್ದು, ಕೇವಲ 501 ರೂಪಾಯಿಗಳನ್ನು ಪಾವತಿಸಿ ಈ ಮೊದಲಿನ ರಿಲಾಯನ್ಸ್ ಜಿಯೋ ಪೋನ್ ಅನ್ನು ನೂತನ ಫೋನ್‌ಗೆ ಬದಲಾವಣೆ ಮಾಡಿಕೊಳ್ಳಬಹುದಾಗಿದೆ. ಇದೇ ತಿಂಗಳ 21 ರಿಂದ ಎಕ್ಸ್‌ಚೇಂಜ್ ಸೇವೆಯನ್ನು ಜಾರಿಗೊಳಿಸುವುದಾಗಿ ಜಿಯೋ ತಿಳಿಸಿದೆ. ಹಾಗಾಗಿ, ಜಿಯೋ ಅಫಿಷಿಯಲ್ ವೆಬ್‌ಸೈಟ್ ಮೂಲಕ ಪ್ರಸ್ತುತ ಜಿಯೋ ಬಳಕೆದಾರರು ಹೊಸ ಫೋನ್ ಬದಲಾವಣೆಗೆ ರಿಜಿಸ್ಟರ್ ಆಗಬೇಕು ಎಂದು ಕೆಲವು ಮಾಧ್ಯಮಗಳು ತಿಳಿಸಿವೆ.