ಜಿಯೋ ಫೈಬರ್‌ನ ಹೊಸ ಆಫರ್‌ಗೆ ಬಳಕೆದಾರರು ಫುಲ್ ಖುಷ್!

ಹೌದು, ಜಿಯೋ ಸಂಸ್ಥೆಯು ತನ್ನ 849ರೂ. ಬೆಲೆಯ ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನಿನಲ್ಲಿಗ ಜನಪ್ರಿಯ OTT- ಇಂಟರ್ನೆಟ್ ಆಧಾರಿತ ಮನರಂಜನಾ ಸೇವೆಗಳ ಸೌಲಭ್ಯಗಳ ಚಂದಾದಾರಿಕೆ ಒದಗಿಸಲು ಮುಂದಾಗಿದೆ. ಜಿಯೋ ಫೈಬರ್‌ ಚಂದಾದಾರರಿಗೆ ಜಿಯೋದ OTT ಪ್ರಯೋಜನಗಳ ಜೊತೆಗೆ ಇತರೆ ಟಾಪ್‌ ವಿಡಿಯೊ ಸ್ಟ್ರೀಮಿಂಗ್ ಆಪ್ಸ್‌ಗಳು ಸಹ ಲಭ್ಯವಾಗಲಿವೆ ಈ ಸೇವೆಗಳಿಗಾಗಿ ಚಂದಾದಾರರು ಯಾವುದೇ ಹೆಚ್ಚುವರಿ ಶುಲ್ಕ ತೆರಬೇಕಾಗಿಲ್ಲ.

ಜಿಯೋದ ಆರಂಭಿಕ ಬ್ರಾಡ್‌ಬ್ಯಾಂಡ್ ಪ್ಲ್ಯಾನಿನಲ್ಲಿ ಜನಪ್ರಿಯ OTT ಸೇವೆಗಳ ಚಂದಾದಾರಿಕೆ ಅಲಭ್ಯವಾಗಿದ್ದವು. ಆದ್ರೆ ಇದೀಗ ಜಿಯೋ ಫೈಬರ್ ಬೇಸ್‌ ಪ್ಲ್ಯಾನಿನಲ್ಲಿಯೂ ಸಹ ಜಿಯೋ ಸಿನಿಮಾ, ಹಾಟ್‌ಸ್ಟಾರ್, ವೂಟ್, ಸೇರಿದಂತೆ ಇತ್ತೀಚಿನ ಜನಪ್ರಿಯ ವಿಡಿಯೊ ಸ್ಟ್ರೀಮಿಂಗ್ ಆಪ್ಸ್‌ಗಳ ಸೇವೆಗಳ ಚಂದಾದಾರಿಕೆ ದೊರೆಯಲಿವೆ. ಹಾಗೆಯೇ ಜಿಯೋ ಸಂಸ್ಥೆಯು ಈಗ 4K ಸೆಟ್‌ಟಾಪ್ ಬಾಕ್ಸ್‌ ಅನ್ನು ಸಹ ಪರಿಚಯಿಸಲು ಮುಂದಾಗಿದೆ.

ಜಿಯೋದ 699ರೂ. ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನಿನಲ್ಲಿ ಮೊದಲ ಮೂರು ಬಾರಿ ಜಿಯೋ ಸಿನಿಮಾ, ಜಿಯೋ ಸಾವನ್ ಸೇವೆಗಳು ಲಭ್ಯ ಇವೆ. ಅದೇ ರೀತಿ ಜಿಯೋ 849ರೂ. ಬ್ರಾಡ್‌ಬ್ಯಾಂಡ್‌ ಪ್ಲ್ಯಾನಿನಲ್ಲಿ ಮೊದಲ ಮೂರು ಬಾರಿ ಎಲ್ಲ OTT ಸೇವೆಗಳು ಚಂದಾದಾರರಿಗೆ ಲಭ್ಯವಾಗಲಿವೆ. ಹಾಟ್‌ಸ್ಟಾರ್, ಸೋನಿಲೈವ್, ವೂಟ್ ಮತ್ತು ಜಿಯೋ ಸಿನಿಮಾ OTT ಸೇವೆಗಳು ಈಗ ಜಿಯೋ ಫೈಬರ್ ಸೇರಿಕೊಂಡಿವೆ.

ಹಾಗೆಯೇ ಮುಂದಿನ ದಿನಗಳಲ್ಲಿ ಜಿಯೋ ಫೈಬರ್‌ನಲ್ಲಿ ಸನ್‌ನೆಕ್ಟ್ಸ್‌, ಜೀ5 ಚಂದಾದಾರಿಕೆ ಸಹ ಲಭ್ಯವಾಗಲಿದೆ ಎನ್ನಲಾಗಿದೆ. ಇನ್ನು ಜಿಯೋದ 849ರೂ. ಪ್ಲ್ಯಾನ್‌ ನೋಡುವುದಾದರೇ, ಈ ಪ್ಲ್ಯಾನ್ 200GB ಡೇಟಾ ಸೌಲಭ್ಯ ಹೊಂದಿದೆ. ಆದರೆ ಹೊಸ ಗ್ರಾಹಕರಿದ್ದರೇ ಮೊದಲ ಆರು ತಿಂಗಳ 200GB ಅಡಿ‍ಷನಲ್‌ ಡೇಟಾ ಲಭ್ಯವಾಗಲಿದ್ದು, ಹೀಗಾಗಿ ಒಟ್ಟು 400GB ಸಿಗಲಿದೆ. ಇಂಟರ್ನೆಟ್‌ ವೇಗವು 100Mbps ಆಗಿದೆ. ಉಳಿದಂತೆ ಅನಿಯಮಿತ ಉಚಿತ ಲ್ಯಾಂಡ್‌ಲೈನ್ ಕರೆಗಳು ಹಾಗೂ ಉಚಿತ ಜಿಯೋ ಸಿನಿಮಾ, ಜಿಯೋ ಸಾವನ್, ಉಚಿತ OTT ಆಪ್ಸ್‌ಗಳ ಸೇವೆಯು ದೊರೆಯಲಿದೆ.