ನಿಮ್ಮ ಆಂಡ್ರಾಯ್ಡ್ ಫೋನಿನಲ್ಲಿ ಈ 24 ಆಪ್‌ಗಳಲ್ಲಿ ಒಂದಿದ್ದರೂ ಸಹ ಡಿಲೀಟ್ ಮಾಡಿ!

ಹೌದು, ಬಹಳಷ್ಟು ಆಂಡ್ರಾಯ್ಡ್ ಫೋನ್‌ಗಳಲ್ಲಿ ವ್ಯಾಪಕವಾಗಿ ಡೌನ್‌ಲೋಡ್ ಮಾಡಲಾಗಿರುವ 24 ಅಪ್ಲಿಕೇಶನ್‌ಗಳಲ್ಲಿ ಜೋಕರ್ ಮಾಲ್‌ವೇರ್ ಇರುವ ಬಗ್ಗೆ ಗೂಗಲ್ ಕಂಡುಹಿಡಿದಿದೆ ಮತ್ತು ಅವುಗಳನ್ನು ಪ್ಲೇ ಸ್ಟೋರ್‌ನಿಂದ ತೆಗೆದುಹಾಕಿದೆ. ಜೋಕರ್ ದಾಳಿಗೆ ಗುರಿಯಾಗಿರುವ ಅಪ್ಲಿಕೇಶನ್‌ಗಳನ್ನು ಸುಮಾರು ಅರ್ಧ ಮಿಲಿಯನ್ ಬಾರಿ ಡೌನ್‌ಲೋಡ್ ಮಾಡಲಾಗಿದ್ದು, ಇದರರ್ಥ ಗೂಗಲ್ ಈ ಅಪ್ಲಿಕೇಶನ್‌ಗಳನ್ನು ಪ್ಲೇ ಸ್ಟೋರ್‌ನಿಂದ ತೆಗೆದುಹಾಕಿದ್ದರೂ ಸಹ, ನೈಜ ಜಗತ್ತಿನಲ್ಲಿ ಬೆದರಿಕೆ ಇನ್ನೂ ಹೆಚ್ಚಿದೆ ಎಂದು ಟೆಕ್ ವರದಿಗಳು ಎಚ್ಚರಿಕೆ ನೀಡಿವೆ.

ಆಂಡ್ರಾಯ್ಡ್ ಬಳಕೆದಾರರ ಡೇಟಾ ಗೌಪ್ಯತೆಗೆ ಈ ಜೋಕರ್ ಮಾಲ್ವೇರ್ ತುಂಬಾ ಅಪಾಯಕಾರಿ ಮತ್ತು ಇದು ಬಹಳಷ್ಟು ಹಾನಿಯನ್ನುಂಟುಮಾಡುತ್ತದೆ ಎಂದು ವರದಿಗಳು ತಿಳಿಸಿವೆ. ಜನರು ಪ್ರೀಮಿಯಂ ಚಂದಾದಾರಿಕೆ ಸೇವೆಗಳಿಗೆ ಜನರನ್ನು ರಹಸ್ಯವಾಗಿ ಸೈನ್ ಅಪ್ ಮಾಡಲು, SMS ಸಂದೇಶಗಳು, ಸಂಪರ್ಕಗಳನ್ನು ಕದಿಯಲು ಮತ್ತು ಸರಣಿ ಮತ್ತು IMEI ಸಂಖ್ಯೆಗಳಂತಹ ಸಾಧನದ ಮಾಹಿತಿಯನ್ನು ಸಂಗ್ರಹಿಸುತ್ತಿದೆ. ಇದರಿಂದಾಗಿ ಈ ಜೋಕರ್ ಮಾಲ್ವೇರ್ ಆಂಡ್ರಾಯ್ಡ್ ಬಳಕೆದಾರರಿಗೆ ಸಾಕಷ್ಟು ಅಪಾಯಕಾರಿಯಾಗಿ ಕಂಡುಬಂದಿದೆ ಎಂದು ಹೇಳಲಾಗಿದೆ.

ನೀವು ಕೂಡ ಆಂಡ್ರಾಯ್ಡ್ ಫೋನ್ ಅನ್ನು ಬಳಸಿದರೆ ಮತ್ತು ಪರಿಣಾಮ ಬೀರುವ ಅಪ್ಲಿಕೇಶನ್‌ಗಳ ಬಗ್ಗೆ ಕಾಳಜಿವಹಿಸಿದರೆ, ಈ ಕೆಳಗೆ ನೀಡಿರುವ ಸೋಂಕಿತ ಅಪ್ಲಿಕೇಶನ್‌ಗಳ ಪಟ್ಟಿಯನ್ನು ನೋಡಿ. ವ್ಯಾಪಕವಾಗಿ ಡೌನ್‌ಲೋಡ್ ಮಾಡಲಾಗಿರುವ ಈ ಕೆಳಗೆ ನೀಡಲಾಗಿರುವ ಯಾವುದೇ ಒಂದು ಅಪ್ಲಿಕೇಶನ್‌ ಅನ್ನು ನೀವು ಬಳಸುತ್ತಿದ್ದರೆ, ಅದನ್ನು ತಕ್ಷಣ ನಿಮ್ಮ ಆಂಡ್ರಾಯ್ಡ್ ಫೋನಿನಿಂದ ಅನ್‌ ಇನ್‌ಸ್ಟಾಲ್ ಮಾಡಿ. ಅದನ್ನು ಇನ್‌ಸ್ಟಾಲ್ ಮಾಡಿದ ನಂತರ ನಿಮ್ಮ ಸ್ಮಾರ್ಟ್‌ಫೋನಿನ ಫ್ಯಾಕ್ಟರಿ ರೀಸ್ಟಾರ್ಟ್ ಮಾಡುವುದನ್ನು ಮಾತ್ರ ಮರೆಯದಿರಿ.

--Advocate Wallpaper--Age Face--Altar Message--Antivirus Security - Security Scan--Beach Camera--Board picture editing--Certain Wallpaper--Climate SMS--Collate Face Scanner--Cute Camera--Dazzle Wallpaper--Declare Message--Display Camera--Great VPN--Humour Camera--Ignite Clean--Leaf Face Scanner--Mini Camera--Print Plant scan--Rapid Face Scanner--Reward Clean--Ruddy SMS--Soby Camera--Spark Wallpaper