ದತ್ತಾಂಶ ಸೋರಿಕೆ ಪ್ರಕರಣ ಕುರಿತು ಬಹಿರಂಗ ಕ್ಷಮೆಯಾಚಿಸಿದ ಮಾರ್ಕ್​!!

ಬಳಕೆದಾರರ ದತ್ತಾಂಶವನ್ನು ದುರ್ಬಳಕೆ ಮಾಡಿಕೊಂಡು ಚುನಾವಣೆಗಳ ಮೇಲೆ ಪ್ರಭಾವ ಬೀರಲು ಯತ್ನಿಸಿದ ಆರೋಪವನ್ನು ಎದುರಿಸುತ್ತಿರುವ ಜನಪ್ರಿಯ ಸಾಮಾಜಿಕ ಜಾಲತಾಣ ಫೇಸ್‌ಬುಕ್ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಒ) ಮಾರ್ಕ್​ ಝುಕರ್​ಬರ್ಗ್​ ಗುರುವಾರ ಬಳಕೆದಾರರ ಬಳಿ ಬಹಿರಂಗವಾಗಿ ಕ್ಷಮೆಯಾಚಿಸಿದ್ದಾರೆ.!!

ವಿಶ್ವದಾಧ್ಯಂತ ಭಾರೀ ಸದ್ದು ಮಾಡುತ್ತಿರುವ ಕೇಂಬ್ರಿಜ್​ ಅನಾಲಿಟಿಕಾ ಪ್ರಕರಣ ಕುರಿತು ಇದೀಗ ಮೌನ ಮುರಿದಿರುವ ಮಾರ್ಕ್​ ಝುಕರ್​ಬರ್ಗ್ 'ಬಳಕೆದಾರರ ದತ್ತಾಂಶ ಕಾಪಾಡುವುದು ಫೇಸ್​ಬುಕ್​ನ ಕರ್ತವ್ಯ. ಇದರಲ್ಲಿ ನಾವು ಸೋತಿದ್ದರೆ ನಾವು ನಿಮಗೆ ಸೇವೆ ನೀಡಲು ಅನರ್ಹರು' ಎಂದು ತಮ್ಮ ಅಫಿಷಿಯಲ್ ಫೇಸ್​ಬುಕ್​ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ.!!

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಕೇಂಬ್ರಿಜ್​ ಅನಾಲಿಟಿಕಾದ ಮುಖ್ಯಸ್ಥ ಅಲೆಕ್ಸಾಂಡರ್​ ನಿಕ್ಸ್​ರನ್ನು ಬುಧವಾರ ಅಮಾನತುಗೊಳಿಸಲಾಗಿದೆ. ಈ ರೀತಿ ಪ್ರಕರಣಗಳು ಮತ್ತೆ ನಡೆಯದಂತೆ ಈಗಾಗಲೇ ಹಲವಾರು ಪ್ರಮುಖ ನಿರ್ಣಯಗಳನ್ನು ತೆಗೆದುಕೊಂಡಿದ್ದೇವೆ ಎಂದು ಕೈಗೊಳ್ಳಲಿರುವ ಕ್ರಮಗಳ ಕುರಿತು ಝುಕರ್​ಬರ್ಗ್ ಮಾಹಿತಿ ನೀಡಿದ್ದಾರೆ.!!

2016ರಲ್ಲಿ ನಡೆದ ಅಮೆರಿಕಾ ಚುನಾವಣೆಯಲ್ಲಿ ಫೇಸ್​ಬುಕ್ ಬಳಕೆದಾರರ ದತ್ತಾಂಶ ಬಳಸಿಕೊಂಡು ಟ್ರಂಪ್ ಪರ ಕೆಲಸ ಮಾಡಿದ ಆರೋಪವನ್ನು ಫೇಸ್​ಬುಕ್ ಕಾರ್ಯವ್ಯಾಪ್ತಿಯಲ್ಲಿ ಬರುವ ಕೇಂಬ್ರಿಜ್ ಅನಾಲಿಟಿಕಾ ಎಂಬ ಸಂಸ್ಥೆ ಎದುರಿಸುತ್ತಿದೆ. ಇದು ನೇರವಾಗಿ ಫೇಸ್‌ಬುಕ್ ಮೇಲೆಯೇ ಪರಿಣಾಮ ಬೀರಿ ಸಾಕಷ್ಟು ಸಮಸ್ಯೆಗಳನ್ನು ಮುಂದಿಟ್ಟಿದೆ.!!

ಲಂಡನ್​ನ ದಿ ಅಬ್ಸರ್ವರ್ ಮತ್ತು ನ್ಯೂಯಾರ್ಕ್ ಟೈಮ್ಸ್​ನ ವರದಿಗಾರರು ಕುಟುಕು ಕಾರ್ಯಾಚರಣೆ ನಡೆಸಿ ಪ್ರಕಟಿಸಿದ ವರದಿ ಪ್ರಕಾರ, ಬಳಕೆದಾರರ ಅನುಮತಿ ಇಲ್ಲದೆ ಕೇಂಬ್ರಿಜ್ ಅನಾಲಿಟಿಕಾ ಸಂಸ್ಥೆ ಸುಮಾರು 5 ಕೋಟಿಗೂ ಹೆಚ್ಚು ಬಳಕೆದಾರರ ದತ್ತಾಂಶ ಸಂಗ್ರಹಿಸಿ ಡೊನಾಲ್ಡ್ ಟ್ರಂಪ್ ಪರ ಅಭಿಪ್ರಾಯ ಮೂಡಿಸಲು ಪ್ರಯತ್ನಿಸಿತ್ತು ಎಂದು ಆರೋಪಿಸಲಾಗಿತ್ತು.!!

ಓದಿರಿ: ಗೂಗಲ್‍ ಫೋಟೋಸ್‌ನಲ್ಲಿರುವ ಚೆಂದದ ವೈಶಿಷ್ಟ್ಯಗಳನ್ನು ಉಪಯೋಗಿಸಿ!!