ಹೊಸ VR ಹೆಡ್‌ಸೆಟ್ ಡೆಮೋ ವೀಡಿಯೋ ಶೇರ್‌ ಮಾಡಿದ ಮಾರ್ಕ್‌ ಜುಕರ್‌ ಬರ್ಗ್‌!

ಹೌದು, ಮಾರ್ಕ್‌ ಜುಕರ್‌ ಬರ್ಗ್‌ "ಪ್ರಾಜೆಕ್ಟ್ ಕ್ಯಾಂಬ್ರಿಯಾ" ಎಂಬ ಕೋಡ್ ನೇಮ್ ಇರುವ ಹೆಡ್‌ಸೆಟ್‌ ಬಗ್ಗೆ ಶಾರ್ಟ್‌ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ಹೆಡ್‌ಸೆಟ್‌ ಉನ್ನತ-ಮಟ್ಟದ VR ಹೆಡ್‌ಸೆಟ್ ಆಗಿದ್ದು, ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ಈ ಕಿರಿ ವಿಡಿಯೋದಲ್ಲಿ ಕಾಣಬಹುದಾಗಿದೆ. ಇನ್ನು ಈ ಫೇಸ್‌ಬುಕ್ ವೀಡಿಯೊ "ದಿ ವರ್ಲ್ಡ್ ಬಿಯಾಂಡ್" ಎಂಬ ಡೆಮೊವನ್ನು ಒಳಗೊಂಡಿದೆ. ಹೆಡ್‌ಸೆಟ್ ಫುಲ್‌-ಕಲರ್‌ ಪಾಸ್‌ಥ್ರೂ ಕ್ಯಾಮೆರಾಗಳ ಸಹಾಯದಿಂದ ಹೇಗೆ ಮರ್ಜ್‌ ರಿಯಾಲಿಟಿ ಅನುಭವವನ್ನು ನೀಡುತ್ತದೆ ಅನ್ನೊದನ್ನು ಕಾಣಬಹುದಾಗಿದೆ. ಇನ್ನುಳಿದಂತೆ ಈ ವೀಡಿಯೋದಲ್ಲಿ ಏನಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ವರ್ಚುವಲ್‌ ಜಗತ್ತಿನ ಅನುಭವವನ್ನು ನೀಡುವ ಹೊಸ ಹೆಡ್‌ಸೆಟ್‌ ಬಗ್ಗೆ ಮೆಟಾ ಸಂಸ್ಥಾಪಕ ಮಾರ್ಕ್‌ ಜುಕರ್‌ ಬರ್ಗ್‌ ಡೆಮೋ ವಿಡಿಯೋವನ್ನು ಶೇರ್‌ ಮಾಡಿದ್ದಾರೆ. ಈ ಹೆಡ್‌ಸೆಟ್‌ ರಿಯಲ್‌ ಮತ್ತು ವರ್ಚುವಲ್ ಪ್ರಪಂಚಗಳನ್ನು ವಿಲೀನಗೊಳಿಸಲು ಸಹಾಯ ಮಾಡುತ್ತದೆ. ಇನ್ನು ಈ ಹೆಡ್‌ಸೆಟ್ ಕಂಪನಿಯ ಪ್ರೆಸೆನ್ಸ್ ಪ್ಲಾಟ್‌ಫಾರ್ಮ್ ಅನ್ನು ಬಳಸುತ್ತದೆ. ಆದರೆ, ಹೆಡ್ ಸೆಟ್ ಅನ್ನು ಜಾಣತನದಿಂದ ಮರೆಮಾಚುವ ಮೂಲಕ ಇದೆಲ್ಲವನ್ನೂ ಮಾಡಲಾಗುತ್ತದೆ. ಇನ್ನು ಪ್ರಾಜೆಕ್ಟ್ ಕ್ಯಾಂಬ್ರಿಯಾ ಟೀಸರ್ ವೀಡಿಯೊವು ಹೆಡ್‌ಸೆಟ್ ಹೇಗಿರುತ್ತದೆ ಎಂಬುದರ ಬಗ್ಗೆ ಬೆಳಕನ್ನು ಚೆಲ್ಲಿದೆ. ಇದು "ಉನ್ನತ-ಮಟ್ಟದ ವಿಆರ್ ಅನುಭವ" ಆಗಿರುತ್ತದೆ, ಆದ್ದರಿಂದ, ಇದರ ಬೆಲೆಯು ಕೂಡ ಉನ್ನತ ಮಟ್ಟದಲ್ಲಿರಲಿದೆ.

ಇನ್ನು ಈ ಡೆಮೊ ವೀಡಿಯೋವನ್ನು ಮಾರ್ಕ್‌ ಜುಕರ್‌ಬರ್ಗ್ ಶೇರ್‌ ಮಾಡಿದ್ದಾರೆ. ಇದರಲ್ಲಿ ಸ್ವತಃ ತಾವೇ ಹೆಡ್‌ಸೆಟ್‌ ಅನ್ನು ಧರಿಸಿ ವರ್ಚುವಲ್‌ ಜಗತ್ತಿನ ಕಾರ್ಟೂನ್ ಪಾತ್ರದೊಂದಿಗೆ ಸಂವಹನ ನಡೆಸುವುದನ್ನು ಇದರಲ್ಲಿ ಕಾಣಬಹುದು. ವಾಸ್ತವ ಪ್ರಪಂಚದೊಂದಿಗೆ ವರ್ಚುವಲ್ ಪ್ರಪಂಚವನ್ನು ಹೇಗೆ ಅತಿಕ್ರಮಿಸಬಹುದು ಅನ್ನೊದನ್ನ ಇದರಲ್ಲಿ ನೋಡಬಹುದಾಗಿದೆ. ಈ ಹೆಡ್‌ಸೆಟ್ ಕೇವಲ ಗೇಮಿಂಗ್‌ಗಾಗಿ ಅಲ್ಲ, ವರ್ಚುವಲ್‌ ಜಗತ್ತಿನಲ್ಲಿ ಅನೇಕ ಕೆಲಸಗಳನ್ನು ಸುಲಭವಾಗಿ ಮಾಡುವುದಕ್ಕೆ ಇದನ್ನು ಬಳಸಬಹುದು.

ಮೆಟಾ ಕಂಪೆನಿ ಆಕ್ಯುಲಸ್ ಕ್ವೆಸ್ಟ್ 2 ಗೆ ಹೋಲಿಸಿದರೆ "ಪ್ರಾಜೆಕ್ಟ್ ಕ್ಯಾಂಬ್ರಿಯಾ" ಹೆಡ್‌ಸೆಟ್ ಹೆಚ್ಚು ಸುಧಾರಿತ ತಂತ್ರಜ್ಞಾನಗಳೊಂದಿಗೆ ಬರುತ್ತದೆ. ಹೆಡ್‌ಸೆಟ್‌ನ ಪಾಸ್‌ಥ್ರೂ ಕ್ಯಾಮೆರಾಗಳು ಕಪ್ಪು ಮತ್ತು ಬಿಳಿ ಕಲರ್‌ ಛಾಯೆಗಳನ್ನು ಮಾತ್ರ ತೋರಿಸುತ್ತವೆ. ಈ ಹೆಡ್‌ಸೆಟ್‌ನ "ಫೋಟೋರಿಯಾಲಿಸ್ಟಿಕ್" ಅಲ್ಲದಿದ್ದರೂ, ಇದು ಯೋಗ್ಯ ಗುಣಮಟ್ಟ ಮತ್ತು ಕಡಿಮೆ ಜರ್ರಿಂಗ್ ಎಂದು ಹೇಳಲಾಗುತ್ತದೆ. ಅಲ್ಲದೆ ಪ್ರೆಸೆನ್ಸ್ ಪ್ಲಾಟ್‌ಫಾರ್ಮ್‌ನ ಪ್ರಿವ್ಯೂ ವೀಡಿಯೊ ಕೂಡ ಇದೆ, ಇದು ಕ್ವೆಸ್ಟ್ 2 ಹೆಡ್‌ಸೆಟ್ ನಡುವಿನ ವ್ಯತ್ಯಾಸವನ್ನು ನೋಡಬಹುದು. ಇನ್ನು ಪ್ರೆಸೆನ್ಸ್ ಪ್ಲಾಟ್‌ಫಾರ್ಮ್‌ನ ಅನುಭವ ಮುಂಬರುವ ಹೆಡ್‌ಸೆಟ್‌ಗೆ ಸೀಮಿತವಾಗಿರುವುದಿಲ್ಲ. ಇದನ್ನು ಇನ್ನು ಹೆಚ್ಚಿನ ಡೆವಲಪರ್‌ಗಳು ಪ್ರಯತ್ನಿಸವುದಕ್ಕೆ ಅವಕಾಶ ನೀಡಲು ಮೆಟಾ ಕಂಪೆನಿ ಶೀಘ್ರದಲ್ಲೇ ಅಪ್ಲಿಕೇಶನ್ ಲ್ಯಾಬ್‌ನಲ್ಲಿ ಬಿಡುಗಡೆ ಮಾಡಲು ಪ್ಲಾನ್‌ ಮಾಡಿದೆ.