ಬಂದೇ ಬಿಡ್ತು 'ಮೊಟೊ ರೇಜರ್‌ 2022 ಫೋಲ್ಡಬಲ್‌' ಸ್ಮಾರ್ಟ್‌ಫೋನ್‌!..ಏನಿದರ ವಿಶೇಷ!

ಹೌದು, ಮೊಟೊರೊಲಾ ಸಂಸ್ಥೆ ತನ್ನ ಹೊಸದಾಗಿ ಬಿಡುಗಡೆ ಮಾಡಿರುವ ಮೊಟೊ ರೇಜರ್‌ 2022 ಫೋಲ್ಡಬಲ್‌ ಸ್ಮಾರ್ಟ್‌ಫೋನ್‌ ಡಿಸೈನ್‌ ಹಾಗೂ ಕೆಲವು ಆಕರ್ಷಕ ಫೀಚರ್ಸ್‌ಗಳಿಂದ ಗಮನ ಸೆಳೆದಿದೆ. ಇನ್ನು ಈ ಫೋನ್ ಆಕ್ಟಾ 6.7 ಇಂಚಿನ OLED ಮುಖ್ಯ ಡಿಸ್‌ಪ್ಲೇಯನ್ನು ಒಳಗೊಂಡಿದ್ದು, ಡಿಸ್‌ಪ್ಲೇಯು 144Hz ರಿಫ್ರೆಶ್‌ ರೇಟ್‌ ಸಾಮರ್ಥ್ಯವನ್ನು ಪಡೆದಿದೆ. ಇನ್ನುಳಿದಂತೆ ಈ ಮೊಟೊ ರೇಜರ್‌ 2022 ಫೋಲ್ಡಬಲ್‌ ಫೋನ್‌ ಯಾವೆಲ್ಲಾ ಫೀಚರ್ಸ್‌ಗಳನ್ನ ಒಳಗೊಂಡಿದೆ ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

ಡಿಸ್‌ಪ್ಲೇ ರಚನೆ ಹಾಗೂ ವಿನ್ಯಾಸ

ಮೊಟೊ ರೇಜರ್‌ 2022 ಫೋಲ್ಡಬಲ್‌ ಸ್ಮಾರ್ಟ್‌ಫೋನ್‌ 6.7 ಇಂಚಿನ ಮಡಿಸಬಹುದಾದ OLED ಹೋಲ್-ಪಂಚ್ ಮುಖ್ಯ ಡಿಸ್‌ಪ್ಲೇ ಹೊಂದಿದೆ. ಜೊತೆಗೆ ಮೇಲ್ಭಾಗದ ಮಧ್ಯದಲ್ಲಿ ಕಟೌಟ್ ಅನ್ನು ಹೊಂದಿದೆ. ಹಾಗೆಯೇ ಇದು 144Hz ರಿಫ್ರೆಶ್ ದರ, 10 ಬಿಟ್ ಬಣ್ಣಗಳಿಗೆ ಬೆಂಬಲ, HDR10+ ಮತ್ತು DC ಮಬ್ಬಾಗಿಸುವಿಕೆಯೊಂದಿಗೆ ಬರುತ್ತದೆ. ಇನ್ನು 2.7 ಇಂಚಿನ OLED ಔಟರ್ ಕವರ್ ಡಿಸ್‌ಪ್ಲೇ ಅನ್ನು ಇದು ಹೊಂದಿದ್ದು, ನೋಟಿಫಿಕೇಶನ್‌ಗಳನ್ನು, ಹವಾಮಾನ ಪರಿಶೀಲಿಸಲು ಇದನ್ನು ಬಳಕೆ ಮಾಡಬಹುದು.

ಪ್ರೊಸೆಸರ್‌ ಸಾಮರ್ಥ್ಯ

ಮೊಟೊ ರೇಜರ್‌ 2022 ಫೋಲ್ಡಬಲ್‌ ಸ್ಮಾರ್ಟ್‌ಫೋನ್‌ ಕ್ವಾಲ್ಕಮ್‌ ಸ್ನ್ಯಾಪ್‌ಡ್ರಾಗನ್‌ 8+ ಜೆನ್‌ 1 SoC ಪ್ರೊಸೆಸರ್‌ ಪವರ್‌ ಅನ್ನು ಒಳಗೊಂಡಿದೆ. ಇದಕ್ಕೆ ಪೂರಕವಾಗಿ ಈ ಫೋನ್‌ ಆಂಡ್ರಾಯ್ಡ್‌ 12 ಓಎಸ್‌ ಸಪೋರ್ಟ್‌ ಸಹ ಪಡೆದಿದೆ. ಇನ್ನು ಈ ಫೋನ್ 12GB ಯ RAM ನೊಂದಿಗೆ ಜೋಡಿಸಲ್ಪಟ್ಟಿದ್ದು, 512GB ಸ್ಟೋರೇಜ್‌ ವರೆಗೂ ಸಪೋರ್ಟ್ ಪಡೆದಿದೆ.

ಕ್ಯಾಮೆರಾ ರಚನೆ ವಿನ್ಯಾಸ

ಮೊಟೊ ರೇಜರ್‌ 2022 ಫೋಲ್ಡಬಲ್‌ ಸ್ಮಾರ್ಟ್‌ಫೋನ್‌ ಡ್ಯುಯಲ್‌ ಕ್ಯಾಮೆರಾ ರಚನೆಯೊಂದಿಗೆ ಬರುತ್ತದೆ. ಇದರ ಮುಖ್ಯ ಕ್ಯಾಮೆರಾ 50 ಮೆಗಾ ಪಿಕ್ಸೆಲ್ ಸೆನ್ಸಾರ್‌ ಅನ್ನು ಹೊಂದಿದೆ. ಇದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ (OIS) ಹೊಂದಿರುವ ಲೆನ್ಸ್‌ ಹೊಂದಿದೆ. ಸೆಕೆಂಡರಿ ಕ್ಯಾಮೆರಾವು 13 ಮೆಗಾ ಪಿಕ್ಸಲ್‌ ಸೆನ್ಸಾರ್ ಸಾಮರ್ಥ್ಯವನ್ನು ಹೊಂದಿದೆ. ಸೆಕೆಂಡರಿ ಕ್ಯಾಮರಾ ಕೂಡ ಮ್ಯಾಕ್ರೋ ಫೋಟೋಗಳನ್ನು ಶೂಟ್ ಮಾಡಬಹುದು. ಹಾಗೆಯೇ ಈ ಸ್ಮಾರ್ಟ್‌ಫೋನ್ 32 ಮೆಗಾ ಪಿಕ್ಸೆಲ್ ಮುಂಭಾಗದ ಕ್ಯಾಮೆರಾದೊಂದಿಗೆ ಬರುತ್ತದೆ.

ಬ್ಯಾಟರಿ ಮತ್ತು ಇತರೆ ಸೌಲಭ್ಯಗಳು

ಮೊಟೊ ರೇಜರ್‌ 2022 ಫೋಲ್ಡಬಲ್‌ ಸ್ಮಾರ್ಟ್‌ಫೋನ್‌ 3,500mAh ಸಾಮರ್ಥ್ಯದ ಬ್ಯಾಟರಿ ಪ್ಯಾಕ್‌ಅಪ್ ಅನ್ನು ಹೊಂದಿದ್ದು, ಇದು 33W ವೇಗದ ಚಾರ್ಜಿಂಗ್‌ಗೆ ಬೆಂಬಲಿಸಲಿದೆ. ಇನ್ನು ಸಂಪರ್ಕ ಆಯ್ಕೆಗಳಲ್ಲಿ ಇದು 5G (19 5G ಬ್ಯಾಂಡ್‌ಗಳು), 4G, Wi-Fi 6E, ಬ್ಲೂಟೂತ್ ಮತ್ತು USB ಟೈಪ್-C ಪೋರ್ಟ್ ಅನ್ನು ಒಳಗೊಂಡಿದೆ. ಜೊತೆಗೆ ಡಾಲ್ಬಿ ಆಟ್ಮೋಸ್‌ (Dolby Atmos) ಸರೌಂಡ್ ಸ್ಪೀಕರ್‌ಗಳು ಲಭ್ಯ.

ಬೆಲೆ ಎಷ್ಟು ಹಾಗೂ ಲಭ್ಯತೆ

ಮೊಟೊ ರೇಜರ್‌ 2022 ಫೋಲ್ಡಬಲ್‌ ಸ್ಮಾರ್ಟ್‌ಫೋನ್‌ 8GB RAM + 128GB ಸ್ಟೋರೇಜ್ ರೂಪಾಂತರಕ್ಕಾಗಿ CNY 5,999 (ಭಾರತದಲ್ಲಿ ಅಂದಾಜು 70,750ರೂ.) ನಿಗದಿಪಡಿಸಲಾಗಿದೆ. 8GB RAM + 256GB ಸ್ಟೋರೇಜ್ ಆವೃತ್ತಿಯ ಬೆಲೆ CNY 6,499 (ಭಾರತದಲ್ಲಿ ಅಂದಾಜು 76,650ರೂ) ಮತ್ತು ಟಾಪ್-ಆಫ್-ಲೈನ್ 12GB RAM + 512GB ಸ್ಟೋರೇಜ್ ರೂಪಾಂತರವು CNY 7,299 (ಭಾರತದಲ್ಲಿ ಅಂದಾಜು 86,000ರೂ) ಬೆಲೆಯನ್ನು ಪಡೆಯುತ್ತದೆ. ವೆಬ್‌ಸೈಟ್‌ನಲ್ಲಿ ಕಪ್ಪು ಬಣ್ಣದ ಆಯ್ಕೆಯಲ್ಲಿ ಪೂರ್ವ-ಬುಕಿಂಗ್ ಮಾಡಲು ಮೊಟೊರೊಲಾ ಫೋನ್ ಪಟ್ಟಿಮಾಡಲಾಗಿದೆ. ಸದ್ಯಕ್ಕೆ ಇತರ ಮಾರುಕಟ್ಟೆಗಳಲ್ಲಿ ಇದರ ಬಿಡುಗಡೆಯ ಬಗ್ಗೆ ಯಾವುದೇ ಮಾಹಿತಿ ಇಲ್ಲ.