ನಂಬಿದರೆ ನಂಬಿ...ಇಲ್ಲೋರ್ವ 3500 ಹಳೆ ಮೊಬೈಲ್‌ಗಳನ್ನು ಸಂಗ್ರಹಿಸಿಟ್ಟಿದ್ದಾನೆ.!!

26 ವರ್ಷದ ಯುವಕ ಸ್ಟೆಫನ್ ಪೊಲ್ಗರಿ!

ಸ್ಲೊವೇಕಿಯಾ ದೇಶದ 26 ವರ್ಷದ ಸ್ಟೆಫನ್ ಪೊಲ್ಗರಿ ಎಂಬ ಯುವಕನೋರ್ವ ಬೇಸಿಕ್ ಫೋನ್‌ಗಳನ್ನು ಸಂಗ್ರಹಿಸಿ ಫೋನ್ ಸಂಗ್ರಹಾಲಯ ನಿರ್ಮಿಸಿದ್ದಾರೆ.!ಜಗತ್ತಿನ ಸುಮಾರು 1500 ಮಾದರಿಗಳ ಸುಮಾರು 3500 ಬೇಸಿಕ್ ಫೋನ್‌ಗಳನ್ನು ಸಂಗ್ರಹಿಸಿ ಫೋನ್ ಸಂಗ್ರಹಾಲಯ ಮಾಡಿದ್ದಾರೆ.

ಎಲ್ಲಿದೆ ಸಂಗ್ರಹಾಲಯ?

ಸ್ಲೊವೇಕಿಯಾ ದೇಶದ ಪೂರ್ವದಲ್ಲಿರುವ ಡಾಬ್ಸಿನಾದಲ್ಲಿನ ತನ್ನ ಮನೆಯ ಎರಡು ಕೊಠಡಿಗಳನ್ನು ಸ್ಟೆಫನ್ ಪೊಲ್ಗರಿ ವಸ್ತುಸಂಗ್ರಹಾಲಯವಾಗಿ ಪರಿವರ್ತಿಸಿದ್ದಾರೆ. ಸಂಗ್ರಹಾಲಯ ಚಿಕ್ಕದಾಗಿದ್ದರೂ ಅತ್ಯದ್ಬುತವಾಗಿ ಮೊಬೈಲ್‌ಗಳ ಜೋಡಣೆಯಿಂದಾಗಿ ಸಂಗ್ರಹಾಲಯ ಎಲ್ಲರನ್ನು ಸೆಳೆಯುತ್ತಿದೆ.

ಇಟ್ಟಿಗೆ ಗಾತ್ರದ ಫೋನ್‌ಗಳಿವೆ.!

ಸ್ಟೆಫನ್ ಪೊಲ್ಗರಿ ಸಂಗ್ರಹಾಲಯದಲ್ಲಿ ಇಟ್ಟಿಗೆ ಗಾತ್ರದ ಫೋನ್‌ಗಳಿಂದ ಹಿಡಿದೂ ಪ್ರಸಿದ್ದ ನೋಕಿಯಾ ಬೇಸಿಕ್ ಮೊಬೈಲ್‌ಗಳೂ ಕೂಡ ಸ್ಥಾನ ಪಡೆದಿವೆ.! ಸ್ಟೆಫನ್ ಪೊಲ್ಗರಿ ಅವರು ಆನ್‌ಲೈನ್‌ನಲ್ಲಿ ಹಳೆ ಮೊಬೈಲ್‌ಗಳನ್ನು ಖರೀದಿಸಿ ಈ ಸಂಗ್ರಹಾಲಯ ನಿರ್ಮಿಸಿದ್ದಾರೆ.

ವಾರದಲ್ಲಿ ಒಂದು ದಿನ ಮಾತ್ರ!

ಲಕ್ಷಾಂತರ ರೂಪಾಯಿ ಖರ್ಚು ಮಾಡಿ ಮೊಬೈಲ್ ಸಂಗ್ರಹಾಲಯ ನಿರ್ಮಿಸಿರುವ ಸ್ಟೆಫನ್ ಪೊಲ್ಗರಿ ವಾರದಲ್ಲಿ ಒಂದು ದಿನ ಮಾತ್ರ ಸಾರ್ವಜನಿಕರಿಗೆ ನೋಡಲು ಅವಕಾಶ ನೀಡಿದ್ದಾರೆ.!! ಬೇರೆ ದಿನ ನೋಡಬೇಕಿದ್ದರೆ ಅವರಿಗೆ ಮೊದಲೇ ತಿಳಿಸಿ ಒಪ್ಪಿಗೆ ಪಡೆದು ಸಂಗ್ರಹಾಲಯ ನೋಡಬಹುದು.

ಬಳಕೆ ಮಾಡುವುದು ಮಾತ್ರ ಐಫೋನ್

ಹಳೆ ಮೊಬೈಲ್ ಸಂಗ್ರಹದ ಹವ್ಯಾಸವಿರುವ ಸ್ಟೆಫನ್ ಪೊಲ್ಗರಿ ಅವರು ಯಾವ ಪೋನ್ ಉಪಯೋಗಿಸುತ್ತಾರೆ ಎಂಬ ಕುತೋಹಲ ಎಲ್ಲರಿಗೂ ಇದ್ದೇ ಇರುತ್ತದೆ.!! ಹಳೆ ಮೊಬೈಲ್‌ಗಳ ಮೇಲೆ ಅವರಿಗೆ ಪ್ರೀತಿ ಇದ್ದರೂ ಸಹ ಅವರು ಬಳಕೆ ಮಾಡುವ ಫೋನ್ ಮಾತ್ರ ಐಫೋನ್.