2018ರಲ್ಲಿ ಬರಲಿರುವ ನೋಕಿಯಾ ಫೋನ್ಗಳ ಹೆಸರು ಬಿಚ್ಚಿಟ್ಟ ನೋಕಿಯಾ ಕ್ಯಾಮೆರಾ ಆಪ್

Posted By: Tejaswini P G

    2017ರಲ್ಲಿ HMD ಗ್ಲೋಬಲ್ ಸಂಸ್ಥೆಯು ನೋಕಿಯಾ 6, ನೋಕಿಯಾ 5, ನೋಕಿಯಾ 3, ನೋಕಿಯಾ 8, ನೋಕಿಯಾ 7 ಮತ್ತು ನೋಕಿಯಾ 2 ಮೊದಲಾದ ಸ್ಮಾರ್ಟ್ಫೋನ್ಗಳನ್ನು ಬಿಡುಗಡೆಮಾಡಿತ್ತು. ಇನ್ನು ಈ ತಿಂಗಳು ನೋಕಿಯಾ 9 ಮತ್ತು ನೋಕಿಯಾ 6(2018) ಅನ್ನು ಲಾಂಚ್ ಮಾಡುವ ಮೂಲಕ ಈ ವರ್ಷದ ಬಿಡುಗಡೆಗಳ ಶುಭಾರಂಭವನ್ನು ಮಾಡಲಿದೆ.

    2018ರಲ್ಲಿ ಬರಲಿರುವ ನೋಕಿಯಾ ಫೋನ್ಗಳ ಹೆಸರು ಬಿಚ್ಚಿಟ್ಟ ನೋಕಿಯಾ ಕ್ಯಾಮೆರಾ ಆಪ್

    ಸಧ್ಯಕ್ಕೆ ಈ ಎರಡೇ ಮಾಡೆಲ್ಗಳ ಬಗ್ಗೆ ಮಾತ್ರ ತಿಳಿದಿದ್ದು, HMD ಗ್ಲೋಬಲ್ 2018ರಲ್ಲಿ ಈ ಎರಡು ಮಾಡೆಲ್ಗಳನ್ನು ಮಾತ್ರ ಲಾಂಚ್ ಮಾಡಲಿದೆ ಎಂದು ಇದರ ಅರ್ಥವಲ್ಲ.

    ಇತ್ತೀಚೆಗೆ ಸೋರಿಕೆಯಾದ ನೋಕಿಯಾ ಕ್ಯಾಮೆರಾ ಆಪ್ ಕೂಡ ಇದನ್ನೇ ಅನುಮೋದಿಸುತ್ತಿದೆ. ಗಿಜ್ಮೋಚೈನಾದ ಮೂಲಕ ಐಟಿಹೋಮ್ ಪ್ರಕಟಿಸಿರುವ ಚೀನಾ ದ ವರದಿಯೊಂದರ ಅನುಸಾರ ನೋಕಿಯಾ ಕ್ಯಾಮೆರಾ ಆಪ್ ನ APK ಹಲವು ನೋಕಿಯಾ ಸ್ಮಾರ್ಟ್ಫೋನ್ಗಳ ಪಟ್ಟಿಯನ್ನು ಬಹಿರಂಗಪಡಿಸಿದ್ದು, ಅವುಗಳ ಪೈಕಿ ಕೆಲವನ್ನು HMD ಗ್ಲೋಬಲ್ ಈಗಾಗಲೇ ಲಾಂಚ್ ಮಾಡಿದ್ದರೆ ಇನ್ನು ಕೆಲವು ಇನ್ನೂ ಬಿಡುಗೆಡೆಯಾಗಿಲ್ಲ.

    ಮುಂದೆ ಬರಲಿರುವ ನೋಕಿಯಾ ಸ್ಮಾರ್ಟ್ಫೋನ್ಗಳ ಕುರಿತು ಹೇಳುವುದಾದರೆ, ನೋಕಿಯಾ ಕ್ಯಾಮೆರಾ ಆಪ್ ನೋಕಿಯಾ 4, ನೋಕಿಯಾ 7 ಪ್ಲಸ್ ಮತ್ತು ನೋಕಿಯಾ 1 ಎಂಬ ಹೆಸರುಗಳನ್ನು ಬಹಿರಂಗ ಪಡಿಸಿದೆ. ಇವುಗಳ ಪೈಕಿ ನೋಕಿಯಾ 1 HMD ಗ್ಲೋಬಲ್ ಸಂಸ್ಥೆಯ ಆಂಡ್ರಾಯ್ಡ್ ಒನ್ ಫೋನ್ ಆಗಲಿದ್ದು ಈ ವರ್ಷ ಮಾರ್ಚ್ ತಿಂಗಳಲ್ಲಿ ಲಾಂಚ್ ಆಗಬಹುದು. ಆದರೆ ನೋಕಿಯಾ 4 ಮತ್ತು ನೋಕಿಯಾ 7 ಪ್ಲಸ್ ಕುರಿತು ಯಾವುದೇ ಮಾಹಿತಿ ಸಧ್ಯಕ್ಕೆ ಲಭ್ಯವಿಲ್ಲ.

    ಸ್ಫೋಟಕ ವರದಿ: ವಾಟ್ಸ್‌ಆಪ್‌ನಲ್ಲಿ ರೂ.500ಕ್ಕೆ 100 ಕೋಟಿ ಆಧಾರ್ ಮಾಹಿತಿ ಮಾರಾಟ.!

    ಸಧ್ಯಕ್ಕೆ ಈ ಮೊಬೈಲ್ಗಳು ಯಾವಾಗ ಬಿಡುಗಡೆಯಾಗಬಹುದು ಎಂಬ ಅಂದಾಜು ಮಾಹಿತಿ ಇದೆ. HMD ಗ್ಲೋಬಲ್ ಸಂಸ್ಥೆಯು ನೋಕಿಯಾ 9 ಮತ್ತು ನೋಕಿಯಾ 6(2018) ಅನ್ನು ಜನವರಿ 19 ರಂದು ನಡೆಯಲಿರುವ ಒಂದು ಸಮಾರಂಭದಲ್ಲಿ ಬಿಡುಗಡೆ ಮಾಡಲಿದೆ. ಹೀಗಾಗಿ HMD ಗ್ಲೋಬಲ್ ಸಂಸ್ಥೆಯು ಈ ವರ್ಷ ಇನ್ನೂ ಐದಾರು ಮೊಬೈಲ್ಗಳನ್ನು ಲಾಂಚ್ ಮಾಡುವ ಸಂಭವವಿದೆ.

    How to Sharing a Mobile Data Connection with Your PC (KANNADA)

    ಇತ್ತೀಚೆಗಷ್ಟೆ ಸ್ನ್ಯಾಪ್ಡ್ರಾಗನ್ 845 SoC ಹೊಂದಿರುವ ನೋಕಿಯಾ 10 ಸ್ಮಾರ್ಟ್ಫೋನ್ ಆಗಸ್ಟ್ ತಿಂಗಳಲ್ಲಿ ಬಿಡುಗಡೆಯಾಗಲಿರುವ ಕುರಿತು ಮಾಹಿತಿ ಕೇಳಿಬಂದಿತ್ತು.ಆದರೆ ಈ ಫ್ಲ್ಯಾಗ್ಶಿಪ್ ಮೊಬೈಲ್ ಕುರಿತು ಹೆಚ್ಚಿನ ಮಾಹಿತಿ ಇನ್ನೆಲ್ಲೂ ಕೇಳಿಬಂದಿಲ್ಲ.

    ನೋಕಿಯಾ ಕ್ಯಾಮೆರಾ ಆಪ್ ಈ ಸ್ಮಾರ್ಟ್ಫೋನ್ಗಳ ಹೆಸರು ಬಿಟ್ಟರೆ ಬೇರೇನೂ ಮಾಹಿತಿಯನ್ನು ಬಹಿರಂಗಪಡಿಸಿಲ್ಲ. ಅಲ್ಲದೆ ನೋಕಿಯಾ 7 ಪ್ಲಸ್ ಈಗಾಗಲೇ ಲಭ್ಯವಿರುವ ನೋಕಿಯಾ 7 ನ ಸುಧಾರಿತ ಆವೃತ್ತಿಯಾಗಿರಬಹುದೆಂಬ ಊಹೆಯಿದ್ದು, ಕ್ವಾಲ್ಕಮ್ ಸ್ನ್ಯಾಪ್ಡ್ರಾಗನ್ 660 SoC ಪ್ರಾಸೆಸರ್ ಬಳಸುವ ಸಾಧ್ಯತೆಯಿದೆ.

    ಇಲ್ಲಿ ಹೇಳಿರುವ ಎಲ್ಲಾ ಮಾಡೆಲ್ಗಳು ಈ ವರ್ಷವೇ ಬಿಡುಗಡೆಯಾಗಲಿದೆ ಎಂದು ಖಂಡಿತವಾಗಿ ಹೇಳಲು ಸಾಧ್ಯವಿಲ್ಲ. ಇಲ್ಲಿ ನೀಡಿರುವ ಮಾಹಿತಿಯೆಲ್ಲವೂ ಸೋರಿಕೆಯಾದ ಮಾಹಿತಿಗಳಾಗಿದ್ದು, ನಿಜವಾದ ಮಾಹಿತಿ ಸಿಗುವವರೆಗೆ ಇದನ್ನು ಊಹೆಯಾಗಿಯೇ ಪರಿಗಣಿಸಬೇಕು.

    Read more about:
    English summary
    Nokia Camera app APK information has leaked the details of upcoming smartphones - Nokia 4, Nokia 7 Plus and Nokia 1. Nokia 1 is likely to be the company’s Android One smartphone to be launched this year. But we have not heard about the other two. We can expect the Nokia 7 Plus to use the Snapdragon 660 SoC.
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more