ನೋಕಿಯಾ 5 ಮತ್ತು ನೋಕಿಯಾ 8 ಗೆ ಭಾರತದಲ್ಲಿ ಲಭಿಸಿದೆ ಶಾಶ್ವತ ಬೆಲೆ ಕಡಿತ!

Posted By: Tejaswini P G

    ನೋಕಿಯಾ ಆಭಿಮಾನಿಗಳಿಗೊಂದು ಸಿಹಿ ಸುದ್ದಿ! ನೋಕಿಯಾ ತನ್ನ ನೋಕಿಯಾ 5 ಮತ್ತು ನೋಕಿಯಾ 8 ಸ್ಮಾರ್ಟ್ಫೋನ್ಗಳಿಗೆ ನೀಡಿದೆ ಭಾರತದಲ್ಲಿ ಬೆಲೆ ಕಡಿತ! ನೋಕಿಯಾ 8 ರ ಬೆಲೆಯಲ್ಲಿ ರೂ 8000 ದಷ್ಟು ಕಡಿತ ನೀಡಿದ್ದರೆ, ನೋಕಿಯಾ 5 ಪಡೆದಿದೆ ರೂ 1000 ದ ಬೆಲೆ ಕಡಿತ. ನೀವು ನೋಕಿಯಾ ದ ಫ್ಲ್ಯಾಗ್ಶಿಪ್ ಮೊಬೈಲ್ ಖರೀದಿಸುವ ಇರಾದೆ ಹೊಂದಿದ್ದರೆ ಇದೇ ಅದಕ್ಕೆ ಸರಿಯಾದ ಸಮಯ. ಇದೇ ಬೆಲೆಯ ಶ್ರೇಣಿಯಲ್ಲಿ ಚೀನಾದ ಮಧ್ಯಮ ಶ್ರೇಣಿಯ ಮೊಬೈಲ್ಗಳು ಲಭ್ಯವಿದ್ದು ನೀವು ಬಯಸಿದರೆ ಆ ಮೊಬೈಲ್ಗಳನ್ನೂ ಬಳಸಬಹುದು.

    ನೋಕಿಯಾ 5 ಮತ್ತು ನೋಕಿಯಾ  8 ಗೆ ಭಾರತದಲ್ಲಿ ಲಭಿಸಿದೆ ಶಾಶ್ವತ ಬೆಲೆ ಕಡಿತ!

    ರೂ 13,499 ಬೆಲೆಯಲ್ಲಿ ಲಾಂಚ್ ಆಗಿದ್ದ ನೋಕಿಯಾ 5(3 GB ಆವೃತ್ತಿ) ಈಗ ರೂ 12,499 ಕ್ಕೆ ಲಭ್ಯವಿದೆ.ಹಾಗೆಯೇ ರೂ 36,999 ಬೆಲೆಗೆ ಲಾಂಚ್ ಆಗಿದ್ದ ರೂ 28,999 ಕ್ಕೆ ಲಭ್ಯವಿದೆ. ವರದಿಗಳ ಅನುಸಾರ ಈ ಹೊಸ ಬೆಲೆ ಫೆಬ್ರವರಿ 1 ರಿಂದ ಜಾರಿಗೆ ಬರಲಿದೆ. ಆದರೆ ಈ ಲೇಖನ ಬರೆಯುವ ವೇಳೆಗೆ ಖ್ಯಾತ ಇ-ಕಾಮರ್ಸ್ ವೆಬ್ಸೈಟ್ಗಳಲ್ಲಿ ಬೆಲೆ ಇಳಿಕೆಯಾಗಿರಲಿಲ್ಲ. ಆಫ್ಲೈನ್ ಮಾರಾಟದಲ್ಲೂ ಈ ಹೊಸ ಬೆಲೆ ಜಾರಿಯಾಗಬೇಕಿದೆ.

    MWC 2018 ಪ್ರಾರಂಭವಾಗುವ ಮೊದಲು ನೋಕಿಯಾ ಈ ಬೆಲೆ ಕಡಿತವನ್ನು ಘೋಷಿಸಿದ್ದು, HMD ಗ್ಲೋಬಲ್ ಈ ಸಮ್ಮೇಳನದಲ್ಲಿ ನೋಕಿಯಾ ದ ಹೊಸ ಮಾಡೆಲ್ ಗಳನ್ನು ಮಾರುಕಟ್ಟೆಗೆ ಲಾಂಚ್ ಮಾಡಲಿದೆ. ಹಳೆಯ ಮೊಬೈಲ್ಗಳ ಬೆಲೆ ಇಳಿಸುವ ಮೂಲಕ ಹೊಸ ಮೊಬೈಲ್ಗಳಿಗೆ ದಾರಿ ಸುಗಮವಾಗಿಸಲು ಹೊರಟಿದೆ.

    ಈ ಎರಡು ಮೊಬೈಲ್ಗಳ ಫೀಚರ್ಗಳನ್ನು ಮತ್ತೊಮ್ಮೆ ಮೆಲುಕು ಹಾಕೋಣ

    ನೋಕಿಯಾ 5 ಮತ್ತು ನೋಕಿಯಾ  8 ಗೆ ಭಾರತದಲ್ಲಿ ಲಭಿಸಿದೆ ಶಾಶ್ವತ ಬೆಲೆ ಕಡಿತ!

    ನೋಕಿಯಾ 5

    ನೋಕಿಯಾ 5 5.2 ಇಂಚ್ HD(720X1080 ಪಿಕ್ಸೆಲ್) IPS LCD ಪ್ಯಾನಲ್ ಹೊಂದಿದ್ದು, 2.5D ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ರಕ್ಷಣಾ ಕವಚ ಹೊಂದಿದೆ. ಒಕ್ಟಾ-ಕೋರ್ ಕ್ವಾಲ್ಕಮ್ ಸ್ನ್ಯಾಪ್ಡ್ರ್ಯಾಗನ್ 430 SoC ಪ್ರಾಸೆಸರ್ ಹೊಂದಿರುವ ನೋಕಿಯಾ 5 3GB RAM ಹೊಂದಿದೆ. 16GB ಆಂತರಿಕ ಸ್ಟೋರೇಜ್ ಇದ್ದು, ಇದನ್ನು ಮೈಕ್ರೋSD ಕಾರ್ಡ್ ಬಳಸಿ 128GB ವರೆಗೆ ವಿಸ್ತರಿಸಬಹುದಾಗಿದೆ.

    ನೋಕಿಯಾ 5 13MP ಪ್ರೈಮರಿ ಕ್ಯಾಮೆರಾ ಸೆನ್ಸರ್ ಹೊಂದಿದ್ದು f/2.0 ಅಪರ್ಚರ್, PDAF ಲೆನ್ಸ್ ಮತ್ತು ಡ್ಯುಯಲ್ ಟೋನ್ ಫ್ಲ್ಯಾಶ್ ಹೊಂದಿದೆ. ಇನ್ನು ಫೋನಿನ ಮುಂಭಾಗದಲ್ಲಿ 8MP ಆಟೋಫೋಕಸ್ ಕ್ಯಾಮೆರಾ ಸೆನ್ಸರ್ ಇದ್ದು, f/2,0 ಅಪರ್ಚರ್, 84 ಡಿಗ್ರೀ ಫೀಲ್ಡ್-ಆಫ್-ವ್ಯೂ ಲೆನ್ಸ್ ಹೊಂದಿದೆ. 3000mAh ಸಾಮರ್ಥ್ಯದ ಬ್ಯಾಟರಿ ಹೊಂದಿರುವ ನೋಕಿಯಾ 5 ಆಂಡ್ರಾಯ್ಡ್ 7.1.1 ನುಗಾಟ್ ಹೊಂದಿದ್ದು, ಈಗ ಆಂಡ್ರಾಯ್ಡ್ ಓರಿಯೋ ಅಪ್ಡೇಟ್ ಪಡೆಯುತ್ತಿದೆ.

    Nokia 6 - ಚೀನಾ ಕಂಪೆನಿಗಳಿಗೆ ಸೆಡ್ಡು ಹೊಡೆಯುವ ಏಕೈಕ ಫೋನ್ 'ನೋಕಿಯಾ 6'!!
    ಡ್ಯುಯಲ್ ಸಿಮ್ ಹ್ಯಾಂಡ್ಸೆಟ್ ಆದ ನೋಕಿಯಾ 5 4G VoLTE, ವೈಫೈ 802.11 a/b/g/n, ಬ್ಲೂಟೂತ್ v4.1, ಜಿಪಿಎಸ್/ ಎ-ಜಿಪಿಎಸ್, ಮೈಕ್ರೋ-USB OTG ಯೊಂದಿಗೆ ಮತ್ತು 3.5mm ಹೆಡ್ಫೋನ್ ಜ್ಯಾಕ್ ಹೊಂದಿದೆ. ಆಕ್ಸೆಲರೋಮೀಟರ್, ಆಮ್ಬಿಯೆಂಟ್ ಲೈಟ್ ಸೆನ್ಸರ್, ಡಿಜಿಟಲ್ ಕಂಪಾಸ್, ಗೈರೋಸ್ಕೋಪ್, ಪ್ರಾಕ್ಸಿಮಿಟಿ ಸೆನ್ಸರ್ ಮೊದಲಾದ ಸೆನ್ಸರ್ಗಳನ್ನು ಕೂಡ ಹೊಂದಿದೆ.

    ನೋಕಿಯಾ 5 ಮತ್ತು ನೋಕಿಯಾ  8 ಗೆ ಭಾರತದಲ್ಲಿ ಲಭಿಸಿದೆ ಶಾಶ್ವತ ಬೆಲೆ ಕಡಿತ!

    ನೋಕಿಯಾ 8

    ನೋಕಿಯಾ 8 ನೋಕಿಯಾದ ಫ್ಲ್ಯಾಗ್ಶಿಪ್ ಮೊಬೈಲ್ ಆಗಿದೆ.ನೋಕಿಯಾ 8 5.3ಇಂಚ್ QHD(1440X2560 ಪಿಕ್ಸೆಲ್ಗಳು) IPS ಡಿಸ್ಪ್ಲೇ ಹೊಂದಿದ್ದು 2.5D ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ರಕ್ಷಣಾ ಕವಚ ಹೊಂದಿದೆ. ಒಕ್ಟಾ-ಕೋರ್ ಕ್ವಾಲ್ಕಮ್ ಸ್ನ್ಯಾಪ್ಡ್ರ್ಯಾಗನ್ 835 SoC ಪ್ರಾಸೆಸರ್ ಹೊಂದಿರುವ ನೋಕಿಯಾ 8 4GB LPDDR4X RAM ಹೊಂದಿದೆ. 64GB ಆಂತರಿಕ ಸ್ಟೋರೇಜ್ ಇದ್ದು, ಇದನ್ನು ಮೈಕ್ರೋSD ಕಾರ್ಡ್ ಬಳಸಿ 256GB ವರೆಗೆ ವಿಸ್ತರಿಸಬಹುದಾಗಿದೆ.

    ನೋಕಿಯಾ 8 ರ ಕ್ಯಾಮೆರಾ ಕುರಿತು ಹೇಳುವುದಾದರೆ, ಇದರಲ್ಲಿ ಡ್ಯುಯಲ್ ರೇರ್ ಕ್ಯಾಮೆರಾ ಸೆಟಪ್ ಇದ್ದು, ಎರಡು 13MP ಇಮೇಜ್ ಸೆನ್ಸರ್ಗಳನ್ನು ಹೊಂದಿದೆ. ಈ ಪೈಕಿ ಒಂದು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್(OIS) ಹೊಂದಿರುವ RGB ಸೆನ್ಸರ್ ಆದರೆ ಮತ್ತೊಂದು ಮೋನೋಕ್ರೋಮ್ ಸೆನ್ಸರ್ ಆಗಿದೆ. ಈ ಎರಡೂ ಸೆನ್ಸರ್ಗಳು f/2.0 ಅಪರ್ಚರ್,PDAF,76.9 ಡಿಗ್ರೀ ವೈಡ್ ಆಂಗಲ್ ಲೆನ್ಸ್,ಡ್ಯುಯಲ್ ಟೋನ್ ಫ್ಲ್ಯಾಶ್ ಮತ್ತು IR ರೇಂಜ್ ಫೈಂಡರ್ ಹೊಂದಿದೆ.

    ನೋಕಿಯಾ 3310-ಜಿಯೋ ಫೋನ್:ಯಾವುದು ಬೆಸ್ಟ್..?

    ಇದರ ಫ್ರಂಟ್ ಕ್ಯಾಮೆರಾ 13MP ಇಮೇಜ್ ಸೆನ್ಸರ್ ಹೊಂದಿದ್ದು f/2.0 ಅಪರ್ಚರ್,PDAF,78.4 ಡಿಗ್ರೀ ವೈಡ್ ಆಂಗಲ್ ಲೆನ್ಸ್ ಹೊಂದಿದೆ.ಈ ಮೂರೂ ಕ್ಯಾಮೆರಾಗಳು ಕಾರ್ಲ್ ಝೆಯ್ಸ್ ಆಪ್ಟಿಕ್ಸ್ ಹೊಂದಿದೆ. ನೋಕಿಯಾ 8 'ಬೋತೀ' ಪೀಚರ್ ಹೊಂದಿದ್ದು, ಏಕಕಾಲಕ್ಕೆ ಫ್ರಂಟ್ ಮತ್ತು ರೇರ್ ಕ್ಯಾಮೆರಾಗಳೆರಡರಲ್ಲೂ ಫೋಟೋ ಮತ್ತು ವೀಡಿಯೋ ಸೆರೆಹಿಡಿಯಬಹುದಾಗಿದೆ. OZO ಆಡಿಯೋ ಟೆಕ್ ಹೊಂದಿರುವ ನೋಕಿಯಾ 8 ರಲ್ಲಿ ಸ್ಪೇಶಿಯಲ್ 360-ಡಿಗ್ರೀ ಆಡಿಯೋ ರೆಕಾರ್ಡಿಂಗ್ ಮಾಡಬಹುದಾಗಿದೆ.

    ನೋಕಿಯಾ 8 3090mAh ಸಾಮರ್ಥ್ಯದ ಬ್ಯಾಟರಿ ಹೊಂದಿದ್ದು ಆಂಡ್ರಾಯ್ಡ್ 7.1 ನುಗಾಟ್ ಹೊಂದಿದೆ. ಇತ್ತೀಚೆಗೆ ನೋಕಿಯಾ ಸಂಸ್ಥೆಯು ನೋಕಿಯಾ 8 ಗೆ ಆಂಡ್ರಾಯ್ಡ್ 8.0 ಓರಿಯೋ ಬೀಟಾ ಟೆಸ್ಟಿಂಗ್ ಪ್ರಾರಂಭಿಸಿದೆ.ಡ್ಯುಯಲ್ ಸಿಮ್ ಹ್ಯಾಂಡ್ಸೆಟ್ ಆದ ನೋಕಿಯಾ 8 4G VoLTE, ವೈಫೈ 802.11 a/b/g/n/ac, ಬ್ಲೂಟೂತ್ v5.0, ಜಿಪಿಎಸ್/ ಎ-ಜಿಪಿಎಸ್, USB ಟೈಪ್-ಸಿ(v3.1) ಮತ್ತು 3.5mm ಹೆಡ್ಫೋನ್ ಜ್ಯಾಕ್ ಹೊಂದಿದೆ. ಆಕ್ಸೆಲರೋಮೀಟರ್, ಆಮ್ಬಿಯೆಂಟ್ ಲೈಟ್ ಸೆನ್ಸರ್,ಬ್ಯಾರೋಮೀಟರ್, ಡಿಜಿಟಲ್ ಕಂಪಾಸ್, ಗೈರೋಸ್ಕೋಪ್, ಪ್ರಾಕ್ಸಿಮಿಟಿ ಸೆನ್ಸರ್ ಮೊದಲಾದ ಸೆನ್ಸರ್ಗಳನ್ನು ಕೂಡ ಹೊಂದಿದೆ. ನೋಕಿಯಾ 8 IP54-ರೇಟೆಡ್ ಬಿಲ್ಡ್ ಹೊಂದಿದ್ದು Splash-ರೆಸಿಸ್ಟೆಂಟ್ ಆಗಿದೆ.

    Read more about:
    English summary
    Nokia has now revised the prices of Nokia 5 and Nokia 8 in India. The two devices are receiving a price cut of up to Rs. 8,000 on Nokia 8 and Rs. 1,000 on Nokia 5.
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more