13MP ಸೆಲ್ಫೀ ಕ್ಯಾಮೆರಾದೊಂದಿಗೆ ಬರಲಿದೆ ನೋಕಿಯಾ 8!

By Tejaswini P G

    ಈಗಾಗಲೇ ಬಹಳಷ್ಟು ಹವಾ ಸೃಷ್ಟಿಸಿರುವ ಹೆಚ್ ಎಮ್ ಡಿ ಗ್ಲೋಬಲ್ ನ ಹೊಸ ಫ್ಲ್ಯಾಗ್ಶಿಪ್ ಸ್ಮಾರ್ಟ್ಫೋನ್ ನೋಕಿಯಾ 8 ಆಗಸ್ಟ್ 16ರಂದು ಬಿಡುಗಡೆಗೆ ಸಜ್ಜಾಗಿ ನಿಂತಿದೆ.ಇದರ ಲಾಂಚ್ ಗೆ ಇನ್ನೂ ಒಂದು ವಾರದ ಸಮಯವಿದ್ದರೂ ಇದರ ಬೆಲೆ ಮತ್ತು ಫೀಚರ್ಗಳ ಕುರಿತು ಸಾಕಷ್ಟು ವಿಷಯಗಳು ಈಗಾಗಲೇ ಆನ್ಲೈನ್ ನಲ್ಲಿ ಸೋರಿಕೆಯಾಗಿದೆ.

    13MP ಸೆಲ್ಫೀ ಕ್ಯಾಮೆರಾದೊಂದಿಗೆ ಬರಲಿದೆ ನೋಕಿಯಾ 8!

    ನೋಕಿಯಾ 8 ಡ್ಯುಯಲ್ ಲೆನ್ಸ್ ಪ್ರೈಮರಿ ಕ್ಯಾಮೆರಾ ಹೊಂದಿರಲಿದ್ದು ಕಾರ್ಲ್ ಝೈಸ್ ಎಂಬ ಪ್ರಸಿದ್ಧ ಬ್ರ್ಯಾಂಡ್ ನ ಲೆನ್ಸ್ ಉಪಯೋಗಿಸಲಿದೆ ಎಂದು ತುಂಬಾ ಮಂದಿಗೆ ಈಗಾಗಲೇ ತಿಳಿದಿದೆ.ಆದರೆ ಅದರ ರೆಸೊಲ್ಯೂಶನ್ ಕುರಿತಾಗಿ ಸ್ಪಷ್ಟ ಮಾಹಿತಿ ಇರಲಿಲ್ಲ.

    ಈಗ ಫೋನ್ ಎರೇನಾ ಸೈಟ್ನಲ್ಲಿ ಲಭ್ಯವಿರುವ ಮಾಹಿತಿ ಅನುಸಾರ ನೋಕಿಯಾ 8 ನ ಕ್ಯಾಮೆರಾ ರೆಸೊಲ್ಯುಶನ್ 13MP ಇರಲಿದೆ. ಚೀನಾದ ವೆಬ್ಸೈಟ್ ವಿಟೆಕ್ಗ್ರಫಿಯಲ್ಲೂ ಈ ಕುರಿತು ಮಾಹಿತಿ ಇದೆಯಂತೆ.ಈ ವರದಿಗಳ ಅನ್ವಯ ನೋಕಿಯಾ 8 ರಲ್ಲಿ 2 13MP ಪ್ರೈಮರಿ ಕ್ಯಾಮೆರಾ ಸೆನ್ಸರ್ಗಳು ಮತ್ತು ಒಂದು 13MP ಸೆಲ್ಫೀ ಕ್ಯಾಮೆರಾ ಕೂಡ ಇರಲಿದೆ!!

    ನಿಮ್ಮ ಫೋನಿನಲ್ಲಿ ಈ ಆಪ್ ಇದ್ದರೇ ಮೊದಲು ತೆಗೆದು ಬಿಡಿ..!!

    ನೋಕಿಯಾ 8ರ ಡ್ಯುಯಲ್ ರೇರ್/ಪ್ರೈಮರಿ ಕ್ಯಾಮೆರಾ ದ ವಿಶೇಷತೆಯೇನೆಂದರೆ ಇದರ 2 13MP ಸೆನ್ಸರ್ ಗಳಲ್ಲಿ ಒಂದು RGB ಸೆನ್ಸರ್ ಆಗಿದ್ದು ಮತ್ತೊಂದು ಮೊನೋಕ್ರೋಮ್ಯಾಟಿಕ್ ಸೆನ್ಸರ್ ಆಗಿರಲಿದೆ. ಇದರ ಇತರ ಫೀಚರ್ಗಳ ಕುರಿತು ಹೇಳುವುದಾದರೆ ,ಈ ಸ್ಮಾರ್ಟ್ಫೋನ್ ಕ್ವಾಲ್ಕಮ್ ಸ್ನ್ಯಾಪ್ಡ್ರ್ಯಾಗನ್ 835 SoC ಹೊಂದಿರಲಿದ್ದು 4GB RAM ಮತ್ತು 64GB ಮೆಮೋರಿಯಂದಿಗೆ ಬರಲಿದೆ.ಅಲ್ಲದೆ ನೋಕಿಯಾ 8 5.3 ಇಂಚ್ ಕಾರ್ಲ್ ಝೈಸ್ ಬ್ರ್ಯಾಂಡ್ ನ ಡಿಸ್ಪ್ಲೇ ಪ್ಯಾನಲ್ ಹೊಂದಿರಲಿದೆ.

    ನೋಕಿಯಾ 8 13MP ಯ ಶ್ರೇಷ್ಠ ಗುಣಮಟ್ಟದ ಸೆಲ್ಫೀ ಕ್ಯಾಮೆರಾ ಹೊಂದಿದ್ದು 4K ವೀಡಿಯೋ ಜೊತೆಗೆ ಉತ್ತಮ ಸೆಲ್ಫೀಗಳನ್ನು ಸೆರೆಹಿಡಿಯುವ ಸಾಮರ್ಥ್ಯವನ್ನೂ ಪಡೆದಿದೆ.

    ನೋಕಿಯಾ 8 ಆಂಡ್ರಾಯ್ಡ್ ಓ ಜೊತಗೆ ಬರುವ ಸಾಧ್ಯತೆ ಕಡಿಮೆಯಾದರೂ, ಆಂಡ್ರಾಯಡ್ ಓ ಬಳಸಿ ನೋಕಿಯಾ 8 ರನ್ ಆಗುವುದನ್ನು ಕಂಡವರಿದ್ದಾರೆ. ಹೆಚ್ ಎಮ್ ಡಿ ಗ್ಲೋಬಲ್ ಈ ಕರಿತು ಕೆಲವು ಟೆಸ್ಟ್ಗಳನ್ನು ನಡೆಸುತ್ತಿದೆ ಎಂಬ ವದಂತಿಗಳಿಗೆ ಈ ಸುದ್ದಿ ಆಧಾರವಾಗಿದೆ.

    ಇತ್ತೀಚೆಗೆ ನೋಕಿಯಾ 8 ರ ಬೆಲೆ ಕುರಿತು ಹಲವು ಮಾಹಿತಿಗಳು ಸುದ್ದಿ ಜಾಲದಲ್ಲಿ ಕಂಡುಬಂದಿದ್ದು, ಇದರ ಬೆಲೆ ರೂ 40,000ಕ್ಕಿಂತ ಕಡಿಮೆ ಇರಲಿದೆ ಎಂದು ಹೇಳಲಾಗುತ್ತಿದೆ.

    ಈ ಮಾಹಿತಿ ನಿಜವಾದರೆ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಫ್ಲ್ಯಾಗ್ಶಿಪ್ ಸ್ಮಾರ್ಟ್ಫೋನ್ಗಳ ಪೈಕಿಯಲ್ಲಿ ನೋಕಿಯಾ 8 ಎಲ್ಲರಿಗೂ ಕೈಗೆಟಕುವ ಶ್ರೇಣಿಯಲ್ಲಿರಲಿದೆ.ಈ ಕುರಿತು ಹೆಚ್ ಎಮ್ ಡಿ ಗ್ಲೋಬಲ್ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲವಾದ್ದರಿಂದ ಈ ವದಂತಿಗಳ ಸತ್ಯಾಸತ್ಯತೆ ಬಗ್ಗೆ ಏನೂ ಹೇಳಲಾಗದು. ಇನ್ನೇನು ನೋಕಿಯಾ 8 ಸಧ್ಯದಲ್ಲೇ ಲಾಂಚ್ ಆಗಲಿದೆ..ಕಾದು ನೋಡೋಣ.

    Read more about:
    English summary
    Nokia 8 slated to be launched on August 16 might arrive with a 13MP selfie camera on board, claims a recent report.
    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more