ನಿಮ್ಮ ಆಕೌಂಟ್ ಪಾಸ್‌ವರ್ಡ್‌ಗಳು ಇದೇನಾ ನೋಡಿ..? ಇದೇ ಆಗಿದ್ರೆ ಈ ಕ್ಷಣನೇ ಬದಲಾವಣೆ ಮಾಡಿ...!

ಅತೀ ಹೆಚ್ಚು ಬಳಸಿರುವ ಪಾಸ್‌ವರ್ಡ್‌ ಯಾವುದು..?

ಈ ಹಿನ್ನಲೆಯಲ್ಲಿ ಅಧ್ಯಯನವೊಂದು ನಡೆದಿದ್ದು, 2016ರಲ್ಲಿ ಅತೀ ಹೆಚ್ಚು ಜನರು ತಮ್ಮ ಆಕೌಂಟ್‌ಗಳಿಗೆ ನೀಡಿರುವ ಪಾಸ್‌ವರ್ಡ್‌ '123456789' ಅದನ್ನು ಬಿಟ್ಟರೆ, 'qwerty' ಈ ಎರಡು ಪಾಸ್‌ವರ್ಡ್‌ಗಳು ಅತೀ ಹೆಚ್ಚು ಜನರು ಬಳಸಿರುವುದಾಗಿದೆ. ಹಾಗಾಗಿ ಹ್ಯಾಕ್ ಮಾಡುವವರಿಗೆ ಇದು ಬಹಳ ಸುಲಭವಾಗಿದೆ ಈ ಹಿನ್ನಲೆಯಲ್ಲಿ ನಿಮ್ಮ ಪಾಸ್‌ವರ್ಡ್‌ ಸಹ ಇದೇ ಆಗಿದ್ದಲ್ಲಿ ಈಗಲೇ ಅದನ್ನು ಬದಲಾಯಿಸಿ. ಇಲ್ಲವಾದರೆ ನಿಮ್ಮ ಆಕೌಂಟ್ ಸಹ ಹ್ಯಾಕ್ ಆಗುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ಟಾಪ್ ಪಾಸ್‌ವರ್ಡ್‌ಗಳಾಗುವುದು..?

ಸುಮಾರು 10 ಮಿಲಿಯನ್ ಆಕೌಂಟ್‌ಗಳನ್ನು ಅಧ್ಯಯನಕ್ಕೆ ಒಳಪಡಿಸಿದ ಸಂದರ್ಭದಲ್ಲಿ ಈ ಅಂಶ ಬೆಳಕಿಗೆ ಬಂದಿದ್ದು, 2016ರಲ್ಲಿ ಬಳಕೆಯಾಗಿರುವ ಟಾಪ್ 10 ವಾಸ್‌ವರ್ಡ್‌ಗಳಲ್ಲಿ 6 ಅಂಕಿಗಳ ಪಾಸ್‌ವರ್ಡ್‌ಗಳೆ ಹೆಚ್ಚಾಗಿವೆ ಉದಾ: '12345678', '111111', '1234567890', '1234567', 'password', '123123', '987654321' ಇವುಗಳನ್ನು ಹ್ಯಾಕ್ ಮಾಡುವುದು ಸುಲಭವಾಗಿದೆ.

ನಿಮ್ಮ ಪಾಸ್‌ವರ್ಡ್‌ಗಳು ಇವುಗಳಲ್ಲಿ ಒಂದೇ..?

ಈ ಮೇಲಿರುವ ಪಾಸ್‌ವರ್ಡ್‌ಗಳಲ್ಲಿ ನಿಮ್ಮ ಪಾಸ್‌ವರ್ಡ್‌ಗಳು ಇದ್ದರೆ ತಕ್ಷಣ ಅವುಗಳನ್ನು ಬದಲಾಯಿಸುವ ಕಾರ್ಯವನ್ನು ಮಾಡಿರಿ. ಇಲ್ಲವಾದರೆ ಮುಂದೊಂದು ದಿನ ನಿಮ್ಮ ಆಕೌಂಟ್‌ಗಳು ಹ್ಯಾಕ್ ಆಗಿ ತೊಂದರೆ ಅನುಭವಿಸಬೇಕಾಗುತ್ತದೆ. ಅಲ್ಲದೇ ನಿಮ್ಮ ಬ್ಯಾಂಕ್‌ ವ್ಯವಹಾರದ ಅಂಶಗಳು ನಿಮ್ಮ ಆಕೌಂಟಿನಲ್ಲಿದ್ದರೆ ನಿಮ್ಮ ಹಣವೇಲ್ಲ ನಷ್ಟವಾಗುವುದು ಖಂಡಿತ.

ಪಾಸ್‌ವರ್ಡ್‌ ಬದಾಲಾಯಿಸಿ, ಹೇಗೆ ಅಂದ್ರೆ..?

ಈ ಮೇಲಿನ ರೀತಿಯಲ್ಲಿ ನಿಮ್ಮ ಪಾಸ್‌ವರ್ಡ್‌ಗಳು ಇದ್ದರೆ ಕಷ್ಟ ಹಾಗಾಗಿ ಪಾಸ್‌ವರ್ಡ್‌ಗಳನ್ನು 8 ಅಂಕಿ ಅಥಾವ ಅಕ್ಷರಗಳನ್ನು ಹೊಂದಿದ್ದರೆ ಸೂಕ್ತ, ನಿಮ್ಮ ಪಾಸ್‌ವರ್ಡ್‌ನಲ್ಲಿ ಅಂಕಿಗಳು, ಅಕ್ಷರಗಳು ಜೊತೆಗೆ ಸಂಕೇತಗಳು ಸೇರಿದ್ದರೆ ನಿಮ್ಮ ಆಕೌಂಟನ್ನು ಹ್ಯಾಕ್ ಮಾಡುವುದು ಸುಲಭವಲ್ಲ. ಉದಾ: $1q2w3e4r@ ಈ ರೀತಿಯಲ್ಲಿದ್ದರೆ ಪಾಸ್‌ವರ್ಡ್‌ ಹ್ಯಾಕ್ ಮಾಡುವುದು ಕಷ್ಟ.