ನಾಲ್ಕು ಕ್ಯಾಮೆರಾವುಳ್ಳ 'ಒಪ್ಪೊ ರೆನೋ 2Z' ಸೇಲ್ ಆರಂಭ!..ಭಾರೀ ಆಫರ್!

ಹೌದು, ಒಪ್ಪೊ ರೆನೋ 2Z ಸ್ಮಾರ್ಟ್‌ಫೋನ್ ಸೇಲ್ ಶುರುವಾಗಿದ್ದು, ಈ ಸ್ಮಾರ್ಟ್‌ಫೋನ್ 8GB RAM ಮತ್ತು 256GB ಸ್ಟೋರೇಜ್ ಆಯ್ಕೆಯನ್ನು ಹೊಂದಿದೆ. ದೇಶಿಯ ಮಾರುಕಟ್ಟೆಯಲ್ಲಿ ಈ ಫೋನ್ ಬೆಲೆಯು 29,990ರೂ.ಗಳಾಗಿದ್ದು, ಇಎಮ್‌ಐ ಸೇರದಂತೆ ಆಯ್ದ ಬ್ಯಾಂಕುಗಳಿಂದ ಇನ್‌ಸ್ಟಂಟ್ ಡಿಸ್ಕೌಂಟ್ ಲಭ್ಯವಾಗಲಿದೆ. ಹಾಗಾದರೇ ಒಪ್ಪೊ ರೆನೋ 2Z ಸ್ಮಾರ್ಟ್‌ಫೋನ್ ಫೀಚರ್ಸ್‌ಗಳೆನು ಮತ್ತು ಆಫರ್‌ಗಳೆನು ಎಂಬುದನ್ನು ಮುಂದೆ ನೋಡೋಣ ಬನ್ನಿರಿ.

ಏರ್‌ಟೆಲ್ ಕನೆಕ್ಷನ್ ಇರುವ ಗ್ರಾಹಕರು ಒಪ್ಪೊ ರೆನೋ 2Z ಸ್ಮಾರ್ಟ್‌ಫೋನ್ ಖರೀದಿಸಿದರೇ ಡಬಲ್ ಡೇಟಾ ಮತ್ತು ಅನಿಯಮಿತ ಕರೆಗಳ ಸೌಲಭ್ಯ ಸಿಗಲಿದೆ. ಹಾಗೂ ವೊಡಾಫೋನ್ ಗ್ರಾಹಕರು 255ರೂ. ರೀಚಾರ್ಜ್‌ ಮೇಲೆ 250GB ಡೇಟಾ ದೊರೆಯಲಿದ್ದು, ಇನ್ನು ಜಿಯೋ 198ರೂ ಮತ್ತು 299ರೂ.ಗಳ ಪ್ಲ್ಯಾನ್‌ನಲ್ಲಿ ಹೆಚ್ಚುವರಿ ಡೇಟಾ ಲಭ್ಯವಾಗಲಿದೆ. ಇದರೊಂದಿಗೆ ಫ್ಲಿಪ್‌ಕಾರ್ಟ್‌ ಮತ್ತು ಅಮೆಜಾನ್ ತಾಣಗಳಲ್ಲಿ ಎಕ್ಸ್‌ಚೇಂಜ್ ಮೇಲೆ 3000ರೂ ರಿಯಾಯಿತಿ ದೊರೆಯಲಿದೆ.

ಒಪ್ಪೊ ರೆನೋ 2Z ಸ್ಮಾರ್ಟ್‌ಫೋನ್ 1,080 x 2,340 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 6.53 ಇಂಚಿನ AMOLED ಡಿಸ್‌ಪ್ಲೇಯನ್ನು ಹೊಂದಿದ್ದು, ಡಿಸ್‌ಪ್ಲೇಯು 19.5:9 ಅನುಪಾತವನ್ನು ಒಳಗೊಂಡಿದೆ. ಬಾಹ್ಯಬಾಡಿಯಿಂದ ಡಿಸ್‌ಪ್ಲೇಯ ನಡುವಿನ ಅಂತರವು ಶೇ.91.6% ಆಗಿದ್ದು, ಸ್ಕ್ರೀನ್ ರಕ್ಷಣೆಗೆ ಗೊರಿಲ್ಲಾ ಗ್ಲಾಸ್‌ ನೀಡಲಾಗಿದೆ.

ಮೀಡಿಯಾ ಟೆಕ್ ಹಿಲಿಯೊ P90 ಪ್ರೊಸೆಸರ್‌ ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸಲಿದ್ದು, ಆಂಡ್ರಾಯ್ಡ್‌ 9 ಪೈ ಆಪರೇಟಿಂಗ್ ಸಿಸ್ಟಮ್ ಬೆಂಬಲ ಪಡೆದಿದೆ. ಇದರೊಂದಿಗೆ 8GB RAM ಸಾಮರ್ಥ್ಯವಿದ್ದು, 256GB ಆಂತರಿಕ ಸ್ಟೋರೇಜ್ ಸ್ಥಳಾವಕಾಶವನ್ನು ಪಡೆದಿದೆ. ಮಲ್ಟಿಟಾಸ್ಕ್ ಕೆಲಸಗಳನ್ನು ವೇಗವಾಗಿ ನಡೆಸಲು ಸಪೋರ್ಟ್‌ ಮಾಡಲಿದೆ.

ಒಟ್ಟು ನಾಲ್ಕು ಕ್ಯಾಮೆರಾಗಳನ್ನು ಹೊಂದಿದ್ದು, ಮುಖ್ಯ ಕ್ಯಾಮೆರಾವು 48ಎಂಪಿ ಸೆನ್ಸಾರ್‌ನಲ್ಲಿದೆ. ಸೆಕೆಂಡರಿ ಕ್ಯಾಮೆರಾವು 8ಎಂಪಿ ಸೆನ್ಸಾರ್‌ ಸಾಮರ್ಥ್ಯದಲ್ಲಿದೆ ಮತ್ತು ತೃತೀಯ ಹಾಗೂ ನಾಲ್ಕನೇ ಕ್ಯಾಮೆರಾವು 2ಎಂಪಿ ಸೆನ್ಸಾರ್ನಲ್ಲಿವೆ. ಸೆಲ್ಫಿಗಾಗಿ 16ಎಂಪಿ ಸೆನ್ಸಾರ್ ಕ್ಯಾಮೆರಾ ನೀಡಲಾಗಿದೆ. AI ಬ್ಯೂಟಿ ಮೋಡ್, ಸ್ಟೆಡಿ ಮೋಡ್ ಸೇರಿದಂತೆ ಹಲವು ಆಯ್ಕೆಗಳನ್ನು ನೀಡಲಾಗಿದೆ.

VOOC 3.0 ಫ್ಲ್ಯಾಶ್‌ ಚಾರ್ಜ್‌ ತಂತ್ರಜ್ಞಾನದ ಬೆಂಬಲವನ್ನು ಪಡೆದಿರುವಒಪ್ಪೊ ರೆನೋ 2Z ಸ್ಮಾರ್ಟ್‌ಫೋನ್ 4,000mAh ಬ್ಯಾಟರಿ ಸಾಮರ್ಥ್ಯವನ್ನು ಪಡೆದಿದೆ. ಇದರೊಂದಿಗೆ ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್, ಆಂಬಿಯಂಟ್ ಲೈಟ್‌ ಮೋಡ್, ಬ್ಲೂಟೂತ್, ವೈಫೈ, ಒಳಗೊಂಡಂತೆ ಇತ್ತೀಚಿನ ಅಗತ್ಯ ಸೌಲಭ್ಯಗಳನ್ನು ಈ ಸ್ಮಾರ್ಟ್‌ಫೋನ್‌ನಲ್ಲಿ ಕಾಣಬಹುದಾಗಿದೆ.