'ರಿಯಲ್‌ ಮಿ'ಯ ಹೊಸ ಸ್ಮಾರ್ಟ್‌ಫೋನ್‌ಗಳಿಗೆ ಈಗ ಬಿಗ್ ಡಿಸ್ಕೌಂಟ್‌!

ಹೌದು, ಜನಪ್ರಿಯ ರಿಯಲ್‌ ಮಿ ಸಂಸ್ಥೆಯು 'ರಿಯಲ್‌ ಮಿ ವಿಂಟರ್ ಸೇಲ್' ಮೇಳವನ್ನು ಆಯೋಜಿಸಿದ್ದು, ತನ್ನ ಇತ್ತೀಚಿಗಿನ ಸ್ಮಾರ್ಟ್‌ಫೋನ್‌ಗಳಿಗೆ ಬಿಗ್ ಡೀಲ್ ಆಫರ್‌ ಮಾಡಿದೆ. ಅಂದಹಾಗೇ ಈ ವಿಂಟರ್ ಸೇಲ್ ಮೇಳವು ಇದೇ ಡಿಸೆಂಬರ್ 1ರಿಂದ ಆರಂಭವಾಗಿದ್ದು, ಇದೇ ಡಿ.5ರ ವರೆಗೂ ಇರಲಿದೆ. ಈ ಅವಧಿಯಲ್ಲಿ ರಿಯಲ್‌ ಮಿ ತಾಣದಲ್ಲಿ ಸ್ಮಾರ್ಟ್‌ಫೋನ್‌ ಖರೀದಿಸುವ ಗ್ರಾಹಕರಿಗೆ ಇನ್‌ಸ್ಟಂಟ್‌ ಡಿಸ್ಕೌಂಟ್‌, ಇಎಮ್‌ಐ ಆಯ್ಕೆ ಸೇರಿದಂತೆ ಇನ್ನಷ್ಟು ವಿಶೇಷ ಡಿಸ್ಕೌಂಟ್‌ ಪ್ರಯೋಜನಗಳು ಸಿಗಲಿದೆ. ಇನ್ನು 'ರಿಯಲ್‌ ಮಿ ವಿಂಟರ್ ಸೇಲ್'ನಲ್ಲಿ ಬೆಸ್ಟ್‌ ಡಿಸ್ಕೌಂಟ್‌ನಲ್ಲಿ ಲಭ್ಯವಾಗುವ ಸ್ಮಾರ್ಟ್‌ಫೋನ್‌ಗಳು ಯಾವುವು ಎಂಬುದನ್ನು ಮುಂದೆ ತಿಳಿಯೋಣ ಬನ್ನಿರಿ.

'ರಿಯಲ್‌ ಮಿ 5 ಪ್ರೊ' ಸ್ಮಾರ್ಟ್‌ಫೋನ್

ಇತ್ತೀಚಿಗಷ್ಟೆ ಬಿಡುಗಡೆ ಆಗಿ ಮಾರುಕಟ್ಟೆಯಲ್ಲಿ ಟ್ರೆಂಡಿಂಗ್‌ನಲ್ಲಿರುವ 'ರಿಯಲ್‌ ಮಿ 5 ಪ್ರೊ' ಸ್ಮಾರ್ಟ್‌ಫೋನಿಗೆ ಡಿಸ್ಕೌಂಟ್ ಆಫರ್‌ ಲಭ್ಯವಿದೆ. ಸ್ನ್ಯಾಪ್‌ಡ್ರಾಗನ್ 712 ಪ್ರೊಸೆಸರ್‌, 4,035mAh ಬ್ಯಾಟರಿ ಬಾಳಿಕೆ, ಕ್ವಾಡ್‌ ಕ್ಯಾಮೆರಾ, ಮುಖ್ಯ ಕ್ಯಾಮೆರಾ 48ಎಂಪಿ ಸೆನ್ಸಾರ್‌ ಫೀಚರ್ಸ್‌ಗಳು ಈ ಫೋನಿನ ಪ್ರಮುಖ ಅಟ್ರ್ಯಾಕ್ಷನ್ ಆಗಿವೆ. ಈ ಸ್ಮಾರ್ಟ್‌ಫೋನ್ 4GB+64GB ಸ್ಟೋರೇಜ್‌ನ ಬೇಸ್‌ ವೇರಿಯಂಟ್‌ ಇದೀಗ 12,999ರೂ.ಗಳಿಗೆ ಲಭ್ಯ.

'ರಿಯಲ್‌ ಮಿ X' ಸ್ಮಾರ್ಟ್‌ಫೋನ್

ರಿಯಲ್‌ ಮಿ ಕಂಪನಿಯ ಪ್ರಮುಖ ಸ್ಮಾರ್ಟ್‌ಫೋನ್‌ಗಳ ಪೈಕಿ ರಿಯಲ್‌ ಮಿ X ಫೋನ್ ಸಹ ಒಂದಾಗಿದೆ. ಈ ಸ್ಮಾರ್ಟ್‌ಫೋನ್ ಸ್ನ್ಯಾಪ್‌ಡ್ರಾಗನ್ 710 ಪ್ರೊಸೆಸರ್‌, 48ಎಂಪಿ ಕ್ಯಾಮೆರಾ ಸೆನ್ಸಾರ್‌, ಪಾ್‌ಅಪ್‌ ಸೆಲ್ಫಿ ಕ್ಯಾಮೆರಾ, ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸಾರ್‌ನಂತಹ ಆಕರ್ಷಕ ಫೀಚರ್ಸ್‌ಗಳಿಂದ ಗಮನ ಸೆಳೆದಿದೆ. ಈ ಸ್ಮಾರ್ಟ್‌ಫೋನಿನ 4GB+128GB ಬೇಸ್ ವೇರಿಯಂಟ್‌ ವಿಂಟರ್ ಸೇಲ್‌ನಲ್ಲಿ 15,999ರೂ.ಗಳಿಗೆ ದೊರೆಯುತ್ತದೆ.

'ರಿಯಲ್‌ ಮಿ 3 ಪ್ರೊ' ಸ್ಮಾರ್ಟ್‌ಫೋನ್

ಪ್ರಸಕ್ತ ವರ್ಷದಲ್ಲಿ ಬಿಡುಗಡೆ ಆಗಿರುವ 'ರಿಯಲ್‌ ಮಿ 3 ಪ್ರೊ' ಸ್ಮಾರ್ಟ್‌ಫೋನ್ ಈಗಾಗಲೇ ಗ್ರಾಹಕರನ್ನು ಆಕರ್ಷಿಸಿದೆ. ಇದೀಗ 4GB+64GB ಸ್ಟೋರೇಜ್‌ನ ಈ ಸ್ಮಾರ್ಟ್‌ಫೋನ್ 9,999ರೂ.ಗಳಿಗೆ ಗ್ರಾಹಕರಿಗೆ ಲಭ್ಯ ಇದೆ. ಈ ಸ್ಮಾರ್ಟ್‌ಫೋನ್ ಸಹ ಸ್ನ್ಯಾಪ್‌ಡ್ರಾಗನ್ 710 ಪ್ರೊಸೆಸರ್‌ ಒಳಗೊಂಡಿದ್ದು, 4,045mAh ಬ್ಯಾಟರಿ ಸಾಮರ್ಥ್ಯದ ಜೊತೆಗೆ VOOC ಫಾಸ್ಟ್‌ ಚಾರ್ಜಿಂಗ್ ತಂತ್ರಜ್ಞಾನವನ್ನು ಪಡೆದಿದೆ.

'ರಿಯಲ್‌ ಮಿ XT' ಸ್ಮಾರ್ಟ್‌ಫೋನ್

64ಎಂಪಿ ಕ್ಯಾಮೆರಾ ಸೆನ್ಸಾರ್‌ನಿಂದ ಇತ್ತೀಚಿಗೆ ದೇಶಿಯ ಮಾರುಕಟ್ಟೆಯಲ್ಲಿ ಭಾರಿ ಸದ್ದು ಮಾಡಿರುವ 'ರಿಯಲ್‌ ಮಿ XT' ಸ್ಮಾರ್ಟ್‌ಫೋನ್ ಒಟ್ಟು ನಾಲ್ಕು ಕ್ಯಾಮೆರಾ ಆಯ್ಕೆ ಹೊಂದಿದೆ. ಈ ವಿಂಟರ್ ಸೇಲ್‌ನಲ್ಲಿ 4GB+64GB ವೇರಿಯಂಟ್‌ ಈ ಸ್ಮಾರ್ಟ್‌ಫೋನ್‌ 15,999ರೂ.ಗಳಿಗೆ ದೊರೆಯುತ್ತದೆ. ಈ ಫೋನ್ ಸಹ ಸಹ ಸ್ನ್ಯಾಪ್‌ಡ್ರಾಗನ್ 710 ಪ್ರೊಸೆಸರ್‌ ಒಳಗೊಂಡಿದ್ದು, ಡಾರ್ಕ್‌ ಮೊಡ್‌ ಫೀಚರ್ಸ್‌ ಪಡೆದಿದೆ.

ರಿಯಲ್‌ ಮಿ C2 ಸ್ಮಾರ್ಟ್‌ಫೋನ್

ರಿಯಲ್‌ ಮಿ ಸ್ಮಾರ್ಟ್‌ಫೋನ್‌ ಬಹುತೇಕ ಫೋನ್‌ಗಳು ಅಗ್ಗದ ಬೆಲೆಯಲ್ಲಿವೆ. ಅವುಗಳಲ್ಲಿ 'ರಿಯಲ್‌ ಮಿ C2' ಫೋನ್ ಸಹ ಒಂದು. ಈ ಸ್ಮಾರ್ಟ್‌ಫೋನ್ ವಿಂಟರ್ ಸೇಲ್‌ನಲ್ಲಿ ಈಗ ಡಿಸ್ಕೌಂಟ ಪಡೆದಿದ್ದು, 3GB+32GB ಬೇಸ್‌ ವೇರಿಯಂಟ್‌ 5,999ರೂ.ಗಳಿಗೆ ಸಿಗಲಿದೆ. ಈ ಫೋನ್ ಡ್ಯುಯಲ್ ಕ್ಯಾಮೆರಾ, ಲಾಂಗ್ ಲೈಫ್‌ ಬ್ಯಾಟರಿ, ಡೈಮಂಡ್‌ ಕಟ್ ಡಿಸೈನ್‌ನಿಂದ ಗ್ರಾಹಕರನ್ನು ಸೆಳೆದಿದೆ.