ರಿಲಾಯನ್ಸ್‌ನಿಂದ 93 ರೂ.ಗೆ 10GB 4G ಡಾಟಾ; ಬಂಪರ್‌ ಆಫರ್

1

ಟೆಲಿಕಾಂ ಆಪರೇಟರ್‌ ರಿಲಾಯನ್ಸ್‌ ಕಂಮ್ಯೂನಿಕೇಷನ್‌ 'ದೂರಸಂಪರ್ಕ ಇಲಾಖೆ'ಗೆ ಪತ್ರ ಬರೆದಿದ್ದು, ಸಿಡಿಎಂಎ ಗ್ರಾಹಕರಿಗೆ 4G ಡಾಟಾ ಸೇವೆ ನೀಡಲು 'ರಿಲಾಯನ್ಸ್ ಜಿಯೊ ಇನ್ಫೋಕಾಂ 4G ನೆಟ್‌ವರ್ಕ್‌' ಬಳಸಿಕೊಳ್ಳುವುದಾಗಿ ಮಾಹಿತಿ ನೀಡಿದೆ.

2

ರಿಯಾಲಯನ್ಸ್ ಕಂಮ್ಯೂನಿಕೇಷನ್‌ ನೀಡುತ್ತಿರುವ 93 ರೂಪಾಯಿಯ 10GB 4G ಡಾಟಾ ಬಳಸಿಕೊಳ್ಳಲು ಸಿಡಿಎಂಎ ಗ್ರಾಹಕರಿಗೆ ಮಾತ್ರ ಅವಕಾಶವಿದೆ ಎಂದು ಅಧಿಕೃತ ಮೂಲಗಳು ಪಿಟಿಐ'ಗೆ ತಿಳಿಸಿವೆ.

3

8 ದಶಲಕ್ಷ ರಿಲಾಯನ್ಸ್‌ ಕಂಮ್ಯೂನಿಕೇಷನ್ 'ಸಿಡಿಎಂಎ' ಗ್ರಾಹಕರಲ್ಲಿ ಶೇಕಡ 90 ರಷ್ಟು ಗ್ರಾಹಕರು 4G ಸೇವೆ ಅಪ್‌ಗ್ರೇಡ್‌ ಮಾಡಿಕೊಳ್ಳಲು ನಿರ್ಧರಿಸಿದ್ದು, ಕಂಪನಿ ದೂರಸಂಪರ್ಕ ಇಲಾಖೆ ಮೂಲಕ ಡಾಟಾ ಹಂಚಲಿದೆ.

4

ರಿಲಾಯನ್ಸ್‌ ನೀಡುತ್ತಿರುವ 10GB 4G ಡಾಟಾ ಆರಂಭಿಕ ದರ 93 ರೂಪಾಯಿ ಆಗಿದ್ದು, ಕೆಲವು ಕೇಂದ್ರಗಳಲ್ಲಿ ರೂ.97 ಇದೇ ಸೇವೆಗೆ ಇರಲಿದೆ. ಈ ಮಾಹಿತಿ ರಿಲಾಯನ್ಸ್‌ ವೆಬ್‌ಸೈಟ್‌ನಲ್ಲಿ ಪ್ರಕಟವಾಗಿದೆ. ಅಂದಹಾಗೆ ಈ ಆಫರ್‌ ಅನ್ನು ರಿಲಾಯನ್ಸ್‌ ಇತರೆ ಟೆಲಿಕಾಂ ಆಪರೇಟರ್‌ಗಳ ಸ್ಪರ್ಧೆಯನ್ನು ಎದುರಿಸಲು ನೀಡುತ್ತಿದೆ.

5

ದೂರಸಂಪರ್ಕ ಇಲಾಖೆ ಪ್ರಕಾರ ರಿಲಾಯನ್ಸ್, 12 ಸ್ಥಳಗಳಲ್ಲಿ 4G ಸೇವೆ ಕೇಂದ್ರಗಳನ್ನು ಲಾಂಚ್‌ ಮಾಡುತ್ತಿದ್ದು, ಅವುಗಳಲ್ಲಿ 'ಮುಂಬೈ, ದೆಹಲಿ, ಕೊಲ್ಕತ್ತ, ಗುಜರಾತ್‌, ಆಂಧ್ರ ಪ್ರದೇಶ, ಮಹಾರಾಷ್ಟ್ರ, ಪಂಜಾಬ್‌, ಉತ್ತರ ಪ್ರದೇಶ, ಒಡಿಶಾ, ಮಧ್ಯಪ್ರದೇಶ, ಬಿಹಾರ ರಾಜ್ಯಗಳು ಸೇರಿವೆ'.

6

ಜುಲೈ ತಿಂಗಳ ಮಧ್ಯಾಂತರದಲ್ಲಿ ರಿಲಾಯನ್ಸ್‌ ಕಂಪನಿ 4G ಸೇವೆಯನ್ನು ತಮಿಳುನಾಡು, ಕೇರಳ, ಕರ್ನಾಟಕ ಮತ್ತು ರಾಜಸ್ತಾನಗಳಲ್ಲಿ ವಿಸ್ತರಣೆ ಮಾಡಲಿದೆ. ಆದರೆ ಈ ವಿಸ್ತರಣೆ ದೂರಸಂಪರ್ಕ ಇಲಾಖೆ ಅನುಮತಿ ನೀಡಿದ ನಂತರ ಎಂದು ಕಂಪನಿ ಹೇಳಿದೆ.

7

ಕಂಪನಿಯು 4G ಸೇವೆ ನೀಡಲು 'ರಿಲಾಯನ್ಸ್‌ ಜಿಯೊ ಡಾಟಾ ನೆಟ್‌ವರ್ಕ್‌' ಅನ್ನು 'ಪಾನ್‌-ಇಂಡಿಯಾ' ಆಧಾರದಲ್ಲಿ ಆಗಸ್ಟ್ ಮಧ್ಯಾಂತರದಿಂದ ಬಳಸಿಕೊಳ್ಳುತ್ತಿದೆ.

8

ರಿಲಾಯನ್ಸ್‌ ಕಂಪನಿ ರೂ. 6,600 ಕೋಟಿಗೆ 850MHz ಬ್ಯಾಂಡ್‌ ಸ್ಪೆಕ್ಟ್ರಮ್‌ ಅನ್ನು ಉದಾರಿಕರಣದಿಂದ 20 ಕೇಂದ್ರಗಳಲ್ಲಿ ಸೇವೆ ನೀಡಲು ಮುಂದಾಗಿದೆ. ಈ ಮೂಲಕ ತನ್ನ ಗ್ರಾಹಕರಿಗೆ ಯಾವುದೇ ಆಫರ್‌ ನೀಡಲು ಉದಾರೀಕರಣ ನೀತಿಯನ್ನು ಹೊಂದಿದೆ.

9

ರಿಲಾಯನ್ಸ್‌ ಕಂಮ್ಯೂನಿಕೇಷನ್‌ ಗ್ರಾಹಕರು ಎನಾದರೂ ಹಳೆಯ ಸಿಡಿಎಂಎ ಹ್ಯಾಂಡ್‌ಸೆಟ್‌ಗಳನ್ನು ಇಟ್ಟುಕೊಂಡಿದ್ದರೆ ಮೊದಲೇ ತಿಳಿದುಕೊಳ್ಳಬೇಕಾದ ವಿಷಯವೆಂದರೆ ರಿಲಾಯನ್ಸ್‌ ನೀಡುವ ಹೊಸ ನೆಟ್‌ವರ್ಕ್‌ ಅದರಲ್ಲಿ ವರ್ಕ್‌ ಆಗುವುದಿಲ್ಲ. ಆದ್ದರಿಂದ ಅಪ್‌ಗ್ರೇಡ್‌ ಮಾಡಿಕೊಳ್ಳಬೇಕಾಗುತ್ತದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಗಿಜ್‌ಬಾಟ್‌