ಜಿಯೋ ಫೋನ್ ಡಿಲಿವರಿ ಶುರು: ನಿಮ್ಮ ಮನೆಗೆ ಯಾವತ್ತು.!

ಈಗಾಗಲೇ ಬುಕ್ ಮಾಡಿದವರಿಗೆ:

ಈಗಾಗಲೇ ರೂ.500 ನೀಡಿ ಫೋನ್ ಬುಕ್ ಮಾಡಿದವರಿಗೆ ಜಿಯೋ ಫೋನ್ ಅನ್ನು ತಲುಪಿಸುವ ಕಾರ್ಯ ಮಾಡಲಿದೆ. ಈ ಕಾರ್ಯವೂ ಭಾನುವಾರದಿಂದ ಶುರುವಾಗಲಿದೆ. 10-15 ದಿನಗಳಲ್ಲಿ ಈ ಫೋನ್ ಗ್ರಾಹಕರ ಕೈ ಸೇರಲಿದೆ.

ರೂ.1000 ಪಾವತಿ

ಈ ಜಿಯೋ ಫೋನ್ ಕೊಳ್ಳಲು ಬಳಕೆದಾರರು ರೂ.1500 ಪಾವತಿ ಮಾಡಬೇಕಾಗಿದೆ. ಬುಕ್ಕಿಂಗ್ ಸಮಯದಲ್ಲಿ ರೂ.500 ಪಾವತಿ ಮಾಡಬೇಕಾಗಿದ್ದು, ಇದಾದ ಮೇಲೆ ಮೊಬೈಲ್ ಪಡೆಯುವ ಸಂದರ್ಭದಲ್ಲಿ ರೂ.1000 ಪಾವತಿ ಮಾಡಬೇಕಾಗಿದೆ. ಈ ಹಣವೂ ತಿರುಗಿ ಪಡೆಯಬಹುದಾಗಿದೆ.

ಫೇಸ್‌ಬುಕ್ ಇದೆ:

ಸದ್ಯ ದೊರೆತಿರುವ ಮಾಹಿತಿಯ ಪ್ರಕಾರ ಈಗಾಗಲೇ ಜಿಯೋ ಫೋನಿನಲ್ಲಿ ಫೇಸ್‌ಬುಕ್ ಆಪ್ ನೀಡಲಾಗಿದೆ. ಶೀಘ್ರವೇ ದೊರೆಯುವ ಆಪ್‌ಡೇಟ್‌ನಲ್ಲಿ ವಾಟ್ಸ್‌ಆಪ್ ಸಹ ದೊರೆಯಲಿದೆ ಎನ್ನಲಾಗಿದೆ. ಪೋನಿನಲ್ಲಿ ಜಿಯೋ ಆಪ್‌ಗಳನ್ನು ನೀಡಲಾಗಿದೆ. ಇದಲ್ಲದೇ ನೀವು ಜಿಯೋ ಸ್ಟೋರ್ ನಲ್ಲಿರುವ ಆಪ್‌ಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳುವ ಅವಕಾಶವನ್ನು ಸಹ ನೀಡಲಾಗಿದೆ.

ಗ್ರಾಮೀಣ ಭಾಗವೇ ಟಾರ್ಗೆಟ್:

ಜಿಯೋ ಬಿಡುಗಡೆ ಮಾಡಿರುವ ಜಿಯೋ ಫೋನ್ ಅತೀ ಕಡಿಮೆ ಬೆಲೆಗೆ ದೊರೆಯುತ್ತಿರುವ 4G ಫೀಚರ್ ಫೋನ್ ಎನ್ನಲಾಗಿದೆ. ಈ ಫೋನ್ ಅನ್ನು ಹೆಚ್ಚಾಗಿ ಗ್ರಾಮೀಣ ಭಾಗದ ಜನರನ್ನು ಟಾರ್ಗೆಟ್ ಮಾಡಿಕೊಂಡು ಬಿಡುಗಡೆ ಮಾಡಲಾಗಿದೆ. ಹಳ್ಳಿ-ಹಳ್ಳಿಗೂ ಫೋನ್ ಸೇವೆ ತಲುಪಿಸುವ ಕಾರ್ಯ ಇದಾಗಿದೆ.