ಕಳೆದ 15 ವರ್ಷಗಳಲ್ಲಿಯೇ ಭಾರೀ ನಷ್ಟಕ್ಕೆ ತುತ್ತಾದ ಏರ್‌ಟೆಲ್!..ಜಿಯೋಗೆ ಲಾಭ!!

ಶೇ.24.47ಕ್ಕೆ ಕುಸಿದ ಐಡಿಯಾ ಆದಾಯ!

ಮಾರ್ಚ್‌ ಅಂತ್ಯದ ತ್ರೈಮಾಸಿಕದಲ್ಲಿ ಐಡಿಯಾ ಕಂಪನಿಯ ಕಾರ್ಯನಿರ್ವಹಣೆ ಆದಾಯವೂ ಶೇ.24.47ಕ್ಕೆ ಕುಸಿದಿದ್ದು 6,137 ಕೋಟಿ ರೂ.ನಷ್ಟಿದೆ. 2016-17ರಲ್ಲಿ ಒಟ್ಟಾರೆ ನಷ್ಟವು 4,139 ಕೋಟಿ ರೂ.ನಷ್ಟಿದೆ. ಅದು ಕಳೆದ ವರ್ಷದ ಇದೇ ಅವಧಿಯಲ್ಲಿ 404 ಕೋಟಿ ರೂ.ನಷ್ಟಿತ್ತು. ಕಾರ್ಯಾಚರಣೆ ಆದಾಯವು ಕಳೆದ ವರ್ಷ 36,676 ಕೋಟಿ ರೂ. ಇದ್ದರೆ, ಅದು ಈಗ 28,278 ಕೋಟಿ ರೂ.ಗೆ ಕುಸಿದಿದೆ.

ಜಿಯೋಗೆ 510 ಕೋಟಿ ರೂ.ಲಾಭ

ಟೆಲಿಕಾಂ ಕಂಪೆನಿಗಳೆಲ್ಲವೂ ನಷ್ಟದಲ್ಲಿ ಮುಂದುವರೆದಿದ್ದರೆ, ಮುಕೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಜಿಯೋ ನಿವ್ವಳ ಲಾಭ ನಾಲ್ಕನೇ ತ್ರೈಮಾಸಿಕದಲ್ಲಿ ಶೇ.1.5ರಷ್ಟು ಏರಿಕೆಯಾಗಿದೆ. ಜಿಯೋ ಈ ತ್ರೈ ಮಾಸಿಕದಲ್ಲಿ 510 ಕೋಟಿ ರೂಪಾಯಿಗಳ ಲಾಭವನ್ನು ಗಳಿಸಿದೆ ಎಂದು ತಿಳಿದುಬಂದಿದೆ. ಕಳೆದೆರಡು ತ್ರೈ ಮಾಸಿಕಗಳಿಂದ ಜಿಯೋವಿನ ನಿವ್ವಳ ಆದಾಯ ಹೆಚ್ಚುತ್ತಿದೆ.

ಟ್ರಾಯ್‌ನ ನಿಯಮಾವಳಿಗಳು ನಷ್ಟಕ್ಕೆ ಕಾರಣ!

ದೇಶೀಯ ಮೊಬೈಲ್‌ ಟರ್ಮಿನೇಷನ್ ಶುಲ್ಕವನ್ನು ನಿಮಿಷಕ್ಕೆ 14 ಪೈಸೆಯಿಂದ 6 ಪೈಸೆಗೆ ಇಳಿಸಲಾಗಿದೆ. ಇನ್ನು ಅಂತಾರಾಷ್ಟ್ರೀಯ ಮೊಬೈಲ್‌ ಟರ್ಮಿನೇಷನ್‌ ಸೆಟ್ಲಮೆಂಟ್‌ ಶುಲ್ಕಗಳನ್ನು ನಿಮಿಷಕ್ಕೆ 53 ಪೈಸೆಯಿಂದ 30 ಪೈಸೆಗೆ ಇಳಿಸಲಾಗಿದೆ. ಇದೆಲ್ಲದರಿಂದ ಟೆಲಿಕಾಂ ಕಂಪನಿಗಳು ಒತ್ತಡಕ್ಕೆ ಸಿಲುಕಿವೆ, ಇದಕ್ಕೆ ನೇರ ಕಾರಣ ಟ್ರಾಯ್‌ನ ನಿಯಮಾವಳಿಗಳು ಎಂದು ಐಡಿಯಾ ದೂರಿದೆ.

ಮಾತನಾಡದ ಏರ್‌ಟೆಲ್!

ಟ್ರಾಯ್‌ನ ನಿಯಮಾವಳಿಗಳು ನಷ್ಟಕ್ಕೆ ಕಾರಣ ಎಂದು ಐಡಿಯಾ ಕಂಪೆನಿ ಟ್ರಾಯ್ ಅನ್ನು ನೇರವಾಗಿ ದೂರಿದೆ. ಆದರೆ, ಕಳೆದ 15 ವರ್ಷಗಳಲ್ಲಿ ಮೊದಲ ಸಲ ನಿವ್ವಳ ಲಾಭವನ್ನು ಕಳೆದುಕೊಂಡಿರುವ ಏರ್‌ಟೆಲ್ ತನ್ನ ನಷ್ಟದ ಬಗ್ಗೆ ಏನನ್ನೂ ಮಾತನಾಡದೆ ಉಳಿದಿದೆ. ಕಳೆದ ತ್ರೈ ಮಾಸಿಕದಲ್ಲಿ ತನ್ನ ನಷ್ಟಕ್ಕೆ ನೇರ ಕಾರಣ ಟ್ರಾಯ್ ಎಂದು ಏರ್‌ಟೆಲ್ ಹೇಳಿಕೊಂಡಿತ್ತು.

What is Jio Cricket Gold Pass? How to Buy it

ಅಂತಿಮ ಹಂತದಲ್ಲಿ ವಿಲೀನ ಪ್ರಕ್ರಿಯೆ

ವೊಡಾಫೋನ್ ಜತೆ ಐಡಿಯಾ ಕಂಪೆನಿ ವಿಲೀನ ಪ್ರಕ್ರಿಯೆ ಅಂತಿಮ ಹಂತದಲ್ಲಿದೆ. 2018ರ ಜೂನ್‌ನೊಳಗೆ ಪೂರ್ಣಗೊಳ್ಳಲಿದೆ ಎಂದು ಐಡಿಯಾ ಹೇಳಿದೆ. ಐಡಿಯಾ-ವೊಡಾಫೋನ್ ವಿಲೀನವು ಬೃಹತ್‌ ಟೆಲಿಕಾಂ ಕಂಪನಿ ಸೃಷ್ಟಿಗೆ ಕಾರಣವಾಗಲಿದೆ. ಆ ನಂತರ ಟೆಲಿಕಾಂನಲ್ಲಿ ಬದಲಾವಣೆ ಆಗಬಹುದು ಎಂಬ ನಿರೀಕ್ಷೆಯನ್ನು ಐಡಿಯಾ ಹೊಂದಿದೆ.