ಜಿಯೋ ವಿರುದ್ಧ ಬೆಸ್ಟ್‌ ಆಫರ್ ಕೊಟ್ಟ ಏರ್‌ಟೆಲ್‌: ಮಾರುಕಟ್ಟೆಯಲ್ಲಿ ಈ ಮಾದರಿ ಆಫರ್ ಇಲ್ಲವೇ ಇಲ್ಲ.!

ಪೋಸ್ಟ್‌ಪೇಯ್ಡ್‌ ಪ್ಲಾನ್:

ಜಿಯೋ ತನ್ನ ಬಳಕೆದಾರರಿಗೆ ಪ್ರೀಪೇಯ್ಡ್ ಪ್ಲಾನ್‌ಗಳನ್ನು ಘೋಷಣೆ ಮಾಡುತ್ತಿದ್ದು, ಇದರ ಬದಲಾಗಿ ಏರ್‌ಟೆಲ್ ಪೋಸ್ಟ್ ಪೇಯ್ಡ್ ಬಳಕೆದಾರರನ್ನು ಉಳಿಸಿಕೊಳ್ಳುವ ಸಲುವಾಗಿ ರೂ.499 ಪ್ಲಾನ್ ಅನ್ನು ಪೋಸ್ಟ್‌ಪೇಯ್ಡ್ ಗ್ರಾಹಕರಿಗೆ ನೀಡಲು ಮುಂದಾಗಿದೆ.

40GB ಡೇಟಾ:

ಏರ್‌ಟೆಲ್ ಘೋಷಣೆ ಮಾಡಿರುವ ರೂ.499 ಪ್ಲಾನ್‌ನಲ್ಲಿ ಬಳಕೆದಾರರಿಗೆ 4೦GB 3G/4G ಡೇಟಾ ಬಳಕೆಗೆ ದೊರೆಯಲಿದೆ. ಇದು ಒಂದು ತಿಂಗಳ ವ್ಯಾಲಿಡಿಟಿಯನ್ನು ಹೊಂದಿರಲಿದೆ ಎನ್ನಲಾಗಿದ್ದು, ಬಳಕೆದಾರರು ಹೆಚ್ಚಿನ ವೇಗದ ಡೇಟಾವನ್ನು ಇದರಲ್ಲಿ ಬಳಕೆ ಮಾಡಿಕೊಳ್ಳಬಹುದಾಗಿದೆ.

ಉಚಿತ ಕರೆ ಮಾಡುವ ಅವಕಾಶ:

ಇದಲ್ಲದೇ ಏರ್‌ಟೆಲ್ ತನ್ನ ಫೋಸ್ಟ್‌ಪೇಯ್ಡ್ ಬಳಕೆದಾರರು ಉಚಿತವಾಗಿ ಕರೆ ಮಾಡುವ ಅವಕಾಶವನ್ನು ಪಡೆದುಕೊಳ್ಳಲಿದ್ದಾರೆ. ಇದರಲ್ಲಿ ಅನ್‌ಲಿಮಿಟೆಡ್ ಲೋಕಲ್ ಕರೆಗಳು, STD ಕರೆ ಮತ್ತು ರೋಮಿಂಗ್ ಸಂದರ್ಭದಲ್ಲಿ ಉಚಿತ ಒಳಬರುವ ಕರೆಗಳು ಮತ್ತು ಹೊರ ಹೋಗುವ ಕರೆಗಳನ್ನು ಮಾಡಬಹುದಾಗಿದೆ.

ಅಮೆಜಾನ್‌ ಪ್ರೈಮ್:

ಇದಲ್ಲದೇ ಈ ಪ್ಲಾನ್ ಬಳಕೆದಾರರಿಗೆ ಏರ್‌ಟೆಲ್ ಅಮೆಜಾನ್ ಪ್ರೈಮ್ ವಿಡಿಯೋಗಳನ್ನು ಉಚಿತವಾಗಿ ನೋಡುವಂತಹ ಅವಕಾಶವನ್ನು ಮಾಡಿಕೊಡಲಿದೆ. ಇದಲ್ಲದೇ ವೈಯಾಂಕ್ ಮೂಸಿಕ್, ಲೈವ್ ಟಿವಿ ಮತ್ತು ಹ್ಯಾಂಡ್ ಸೆಟ್ ಡ್ಯಾಮೆಜ್ ಪ್ರೋಟೆಕ್ಷನ್ ಸೇವೆಯನ್ನು ಉಚಿತವಾಗಿ ಪಡೆದುಕೊಳ್ಳಬಹುದಾಗಿದೆ.

ಬೆಸ್ಟ್ ಪೋಸ್ಟ್ ಪೇಯ್ಡ್ ಆಫರ್:

ಏರ್‌ಟೆಲ್ ಸದ್ಯ ನೀಡುವ ಆಫರ್ ಪೋಸ್ಟ್‌ಪೇಯ್ಡ್‌ನಲ್ಲಿ ಬೆಸ್ಟ್ ಎನ್ನಲಾಗಿದೆ. ಬೇರೆ ಯಾವುದೇ ಕಂಪನಿಗಳು ತಮ್ಮ ಫೋಸ್ಟ್‌ ಪೇಯ್ಡ್ ಗ್ರಾಹಕರಿಗೆ ಇಷ್ಟು ಪ್ರಮಾಣದ ಆಫರ್ ಅನ್ನು ನೀಡಿಲ್ಲ ಎನ್ನಲಾಗಿದೆ.