IPL ಪ್ರಿಯರಿಗೆ ಜಿಯೋ ಭರ್ಜರಿ ಆಫರ್: ಮೊಬೈಲ್‌ನಲ್ಲೇ ಮ್ಯಾಚ್ ನೋಡಲು 2 ರೂ.ಗೆ 1GB 4G ಡೇಟಾ.!

ಜಿಯೋ ಕ್ರಿಕೆಟ್ ಸೀಸನ್ ಪ್ಯಾಕ್:

ಜಿಯೋ ಕ್ರಿಕೆಟ್ ಸೀಸನ್ ಪ್ಯಾಕ್ IPL ಅಭಿಮಾನಿಗಳಿಗಾಗಿಯೇ ವಿಶೇಷವಾಗಿ ರೂಪಿಸಿರುವ ಪ್ಲಾನ್ ಆಗಿದೆ. ರೂ.251ಕ್ಕೆ ದೊರೆಯಲಿರುವ ಈ ಪ್ಲಾನ್‌ನಲ್ಲಿ ಬಳಕೆದಾರರು ಡೇಟಾ ಲಾಭವನ್ನು ಮಾತ್ರವೇ ಪಡೆದುಕೊಳ್ಳಬಹುದಾಗಿದ್ದು, 102 GB ಡೇಟಾವನ್ನು ಬಳಕೆ ನೀಡಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

51 ದಿನ ವ್ಯಾಲಿಡಿಟಿ:

ಈ ಜಿಯೋ ಕ್ರಿಕೆಟ್ ಸೀಸನ್ ಪ್ಯಾಕ್ ಒಟ್ಟು 51 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿರಲಿದ್ದು, ಈ ಕುರಿತು ಜಿಯೋ ಹೆಚ್ಚಿನ ಮಾಹಿತಿಯನ್ನು ಬಿಟ್ಟುಕೊಟ್ಟಿಲ್ಲ. ಮೂಲಗಳ ಪ್ರಕಾರ ದಿನಕ್ಕೆ 2GB ಇಲ್ಲವೇ ಯಾವುದೇ ಮಿತಿ ಇಲ್ಲದೇ ಡೇಟಾವನ್ನು ಬಳಕೆ ನೀಡುವ ಸಾಧ್ಯತೆ ಇದೆ.

ಇನ್ನು ಇದೆ:

ಈ ಪ್ಲಾನ್ ಅಲ್ಲದೇ ಜಿಯೋ ತನ್ನ ಬಳಕೆದಾರರಿಗೆ ಕ್ರಿಕೆಟ್ ಅನುಭವನ್ನು ಹೆಚ್ಚಿಸುವ ಸಲುವಾಗಿ 'ಜಿಯೋ ಕ್ರಿಕೆಟ್ ಪ್ಲೇ ಅಲಾಂಗ್" ಎಂಬ ಮೊಬೈಲ್ ಗೇಮ್‌ವೊಂದನ್ನು ಲಾಂಚ್ ಮಾಡಲಿದ್ದು, ಇದರಲ್ಲಿ ಬಳಕೆದಾರರು ಬಹುಮಾನಗಳನ್ನು ಗೆಲ್ಲಬಹುದಾಗಿದೆ.

ಲೈವ್ ಶೋ:

ಇದಲ್ಲದೇ ತನ್ನ ಮೈ ಜಿಯೋ ಆಪ್‌ನಲ್ಲಿ 'ಜಿಯೋ ಧನ್ ಧನಾ ಧನ್ ಲೈವ್' ಎನ್ನುವ ಕಾಮಿಡಿ ಶೋವೊಂದನ್ನು ಆಯೋಜಿಸುತ್ತಿದ್ದು, ಮೈ ಜಿಯೋ ಆಪ್ ಮೂಲಕ ಬಳಕೆದಾರರು ಈ ಶೋವನ್ನು ನೋಡಬಹುದಾಗಿದೆ. ಇದನ್ನು ಜಿಯೋ ಮತ್ತು ಇತರೆ ಬಳಕೆದಾರರ ನೋಡಲು ಅನುವು ಮಾಡಿಕೊಟ್ಟಿದೆ.

ಜಿಯೋ ಕ್ರಿಕೆಟ್ ಪ್ಲೇ:

ಈ ಗೇಮ್ ಒಟ್ಟು 11 ಭಾರತೀಯ ಭಾಷೆಗಳಲ್ಲಿ ಕಾಣಿಸಿಕೊಳ್ಳಲಿದ್ದು, ಎಲ್ಲ ಸ್ಮಾರ್ಟ್ ಫೋನ್ ಬಳಕೆದಾರರು ಈ ಗೇಮ್ ಆಡಬಹುದಾಗಿದ್ದು, ಗೆದ್ಧವರಿಗೆ ಹೆಚ್ಚಿನ ಪ್ರಮಾಣದ ಬಹುಮಾನವನ್ನು ಜಿಯೋ ನೀಡುವ ಕೆಲಸವನ್ನು ಮಾಡಲಿದೆ.