ಸೋನಿಯಿಂದ ಹೊಸ ಕ್ಯಾಮೆರಾ ಬಿಡುಗಡೆ! ಹೊಸ ಫೀಚರ್ಸ್‌ಗಳು ಏನಿವೆ?

ಹೌದು, ಸೋನಿ ಕಂಪೆನಿ ಹೊಸ ಸೋನಿ ZV-1F ಕ್ಯಾಮೆರಾವನ್ನು ಬಿಡುಗಡೆ ಮಾಡಿದೆ. ಈ ಕ್ಯಾಮೆರಾ ವೀಡಿಯೋ ಕ್ರಿಯೆಟರ್ಸ್‌ಗಳಿಗೆ, ವ್ಲೋಗರ್‌ಗಳಿಗೆ ಸೂಕ್ತವಾದ ವಿನ್ಯಾಸವನ್ನು ಹೊಂದಿದೆ. ಇದನ್ನು ಕ್ಯಾರಿ ಮಾಡುವುದು ತುಂಬಾ ಸುಲಭವಾಗಿದೆ. ನೀವು ಎಲ್ಲಿಯೇ ಹೋದರು ಕೂಡ ಅಲ್ಲಿಯ ವಿಶ್ಯುಯಲ್ಸ್‌ಗಳನ್ನು ಸೆರೆಹಿಡಿಯುವುದಕ್ಕೆ ಇದು ಸೂಕ್ತವಾಗಿದೆ. ಇನ್ನು ಈ ಕ್ಯಾಮೆರಾ ಹ್ಯಾಂಡ್-ಹೆಲ್ಡ್ ವ್ಲೋಗಿಂಗ್ ಸನ್ನಿವೇಶಗಳಿಗೆ ಹೊಂದಿಕೊಳ್ಳಲಿದೆ. ಹಾಗಾದ್ರೆ ಸೋನಿಯ ಈ ಹೊಸ ಕ್ಯಾಮೆರಾದ ವಿಶೇಷತೆ ಏನು? ಫೀಚರ್ಸ್‌ ಹೇಗಿದೆ? ಇದರ ಬೆಲೆ ಎಷ್ಟು? ಇದೆಲ್ಲದರ ವಿವರವನ್ನು ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಸೋನಿ ZV-1F ಕ್ಯಾಮೆರಾ ವೇರಿಯಬಲ್ ಜೂಮ್ ಲೆನ್ಸ್ ಬದಲಿಗೆ, ZV-1F 20mm f2.0 ಫಿಕ್ಸ್ಡ್‌ ಪ್ರೈಮ್ ಲೆನ್ಸ್ ಅನ್ನು ಹೊಂದಿದೆ. ಈ ಕ್ಯಾಮೆರಾ ಸೋನಿಯ ZV-1 ಕ್ಯಾಮೆರಾದಲ್ಲಿದ್ದ ವೈಡೆಸ್ಟ್‌ ಫೋಕಲ್ ಲೆಂತ್‌ಗಿಂತಲೂ ದೊಡ್ಡದಾದ ಫಿಲ್ಡ್‌ ಆಫ್‌ ವ್ಯೂ ಅನ್ನು ನೀಡಲಿದೆ. ಇದು ಹ್ಯಾಂಡ್-ಹೆಲ್ಡ್ ವ್ಲೋಗಿಂಗ್ ಸನ್ನಿವೇಶಗಳಿಗೆ ಸೂಕ್ತವಾಗಿದ್ದು, ಸ್ಟ್ರೀಟ್‌ ಫೋಟೋಗ್ರಫಿಗೆ ಹೆಚ್ಚು ಇಂಟರೆಸ್ಟಿಂಗ್‌ ಫೋಕಲ್‌ ಲೆಂತ್‌ ಅನ್ನು ಒದಗಿಸಲಿದೆ.

ಇದು ಸೋನಿ ಕಂಪೆನಿಯ S-Log2, S-Log3 ಮತ್ತು HLG ಸೇರಿದಂತೆ ವಿವಿಧ ಇಮೇಜ್‌ ಪ್ರೊಫೈಲ್‌ಗಳನ್ನು ಹೊಂದಿದೆ. ಸೋನಿ ZV-1F ಕ್ಯಾಮೆರಾ 30fps ವರೆಗೆ 4K ವೀಡಿಯೊವನ್ನು ರೆಕಾರ್ಡ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ. ಆದರೆ ಈ ಕ್ಯಾಮೆರಾದಲ್ಲಿ ZV-1F 8-ಬಿಟ್ 4:2:0 ನಲ್ಲಿ ಮಾತ್ರ ರೆಕಾರ್ಡ್ ಮಾಡಲು ಸಾಧ್ಯವಾಗಲಿದೆ. ಈ ಕ್ಯಾಮೆರಾದಲ್ಲಿ ನೀವು ವಾಯರ್‌ಲೆಸ್‌ ಸ್ಮಾರ್ಟ್‌ಫೋನ್‌ ಕನೆಕ್ಟಿವಿಟಿಯನ್ನು ಕೂಡ ಬಳಸಿಕೊಳ್ಳಬಹುದು. ಇದರ ಮೂಲಕ ರೆಕಾರ್ಡ್‌ ಮಾಡುವ ಮತ್ತು ಅಪ್‌ಲೋಡ್‌ ಮಾಡುವುದಕ್ಕೆ ಇದು ಅವಕಾಶ ನೀಡಲಿದೆ.

ಸೋನಿ ZV-1F ಕ್ಯಾಮೆರಾದಲ್ಲಿ ವರ್ಟಿಕಲ್ ವೀಡಿಯೊಗಳನ್ನು ಸಹ ರೆಕಾರ್ಡ್ ಮಾಡಬಹುದು. ಇದು ಇನ್‌ಸ್ಟಾಗ್ರಾಮ್‌, ಟಿಕ್‌ಟಾಕ್‌, ಅಥವಾ ಯೂಟ್ಯೂಬ್‌ ಶಾರ್ಟ್‌ ಮೂವಿಗಳಿಗೆ ಸೂಕ್ತವಾದ ಕ್ಯಾಮೆರಾ ಆಗಿದೆ. ಇದರಲ್ಲಿ ಬಂಡಲ್ ವಿಂಡ್‌ಸ್ಕ್ರೀನ್‌ನೊಂದಿಗೆ ಇಂಟರ್‌ಬಿಲ್ಟ್‌ ಡೈರೆಕ್ಷನಲ್ 3-ಕ್ಯಾಪ್ಸುಲ್ ಮೈಕ್ರೊಫೋನ್ ಅನ್ನು ಸಹ ನೀಡಲಾಗಿದೆ. ಅಲ್ಲದೆ ನೀವು ಈ ಕ್ಯಾಮೆರಾ ದಲ್ಲಿ 3.5mm ಮೈಕ್ ಜ್ಯಾಕ್ ಮೂಲಕ ಬಾಹ್ಯ ಮೈಕ್ರೊಫೋನ್ ಅನ್ನು ಕೂಡ ಕನೆಕ್ಟ್‌ ಮಾಡಬಹುದಾಗಿದೆ. ಆದರೆ ಇದರ ಮೂಲಕ ಯಾವುದೇ ಹಾಟ್‌ಶೂ ನಡೆಸಲು ಆಗುವುದಿಲ್ಲ.

ಇನ್ನು ಈ ಕ್ಯಾಮೆರಾದಲ್ಲಿ ಮೈಕ್ರೋ HDMI ಪೋರ್ಟ್‌ ಅನ್ನು ನೀಡಲಾಗಿದೆ. ಇದಲ್ಲದೆ ಸ್ಟೇಡಿಶಾಟ್‌, ಡಿಜಿಟಲ್ ಇಮೇಜ್ ಸ್ಟೆಬಿಲೈಸೇಶನ್ ಫೀಚರ್ಸ್‌ ಅನ್ನು ಸಹ ಪಡೆದಿದೆ. ಜೊತೆಗೆ ಈ ಕ್ಯಾಮೆರಾದಲ್ಲಿ Eye AF, ಆಬ್ಜೆಕ್ಟ್ ಟ್ರ್ಯಾಕಿಂಗ್, ನಿಮ್ಮ ಮುಖ ಮತ್ತು ನಿಮ್ಮ ಕೈಯಲ್ಲಿರುವ ವಸ್ತುವಿನ ನಡುವೆ ತ್ವರಿತವಾಗಿ ಮತ್ತು ಸ್ವಯಂಚಾಲಿತವಾಗಿ ಗಮನವನ್ನು ಬದಲಾಯಿಸಲು ಪ್ರಾಡಕ್ಟ್‌ ಶೋಕೇಸ್ ಮೋಡ್, ಸಾಫ್ಟ್ ಸ್ಕಿನ್ ಎಫೆಕ್ಟ್‌ನಂತಹ ಫೀಚರ್‌ಗಳನ್ನು ನೀಡಲಾಗಿದೆ.

ಸೋನಿ ZV-1F ಕ್ಯಾಮೆರಾ ಜಾಗತಿಕ ಮಾರುಕಟ್ಟೆಯಲ್ಲಿ ಅನಾವರಣಗೊಂಡಿದೆ. ಇದರ ಬೆಲೆ $500 (ಅಂದಾಜು 41,185ರೂ)ಗಳಿಗೆ ಲಭ್ಯವಾಗಲಿದೆ. ಇನ್ನು ಈ ಕ್ಯಾಮೆರಾ ಅಕ್ಟೋಬರ್ ತಿಂಗಳ ಅಂತ್ಯದಲ್ಲಿ ಖರೀದಿಗೆ ಲಭ್ಯವಿರುತ್ತದೆ. ಇದು ಭಾರತದ ಮಾರುಕಟ್ಟೆಗೆ ಯಾವಾಗ ಎಂಟ್ರಿ ನೀಡಲಿದೆ ಎಂಬುದರ ಬಗ್ಗೆ ಯಾವುದೇ ಖಚಿತ ಮಾಹಿತಿ ಲಭ್ಯವಾಗಿಲ್ಲ.