ಭಾರತದಲ್ಲಿ ವಿಶ್ವದ ಮೊದಲ PTZ ಕ್ಯಾಮೆರಾ ಪರಿಚಯಿಸಿದ ಸೋನಿ! ಇದರ ಕಾರ್ಯವೈಖರಿ ಹೇಗಿದೆ?

ಹೌದು, ಸೋನಿ ಕಂಪೆನಿ ಹೊಸ ಸೋನಿ ILME-FR7 ಕ್ಯಾಮೆರಾವನ್ನು ಪರಿಚಯಿಸಿದೆ. ಇದು ವಿಶ್ವದಲೇ ಮೊದಲ PTZ ಕ್ಯಾಮೆರಾ ಇದಾಗಿದೆ. ಇದರಲ್ಲಿರುವ ಫೀಚರ್ಸ್‌ ನಿಮಗೆ ಸಿನೀಮಿಯ ಅನುಭವವನ್ನು ನೀಡಲಿದೆ. ಈ ಕ್ಯಾಮೆರಾ ಇಲ್ಯುಮಿನೇಟೆಡ್ 35mm ಫುಲ್‌ ಫ್ರೇಮ್‌ CMOS ಇಮೇಜ್‌ ಸೆನ್ಸಾರ್‌ ಅನ್ನು ಹೊಂದಿದೆ. ಜೊತೆಗೆ ಕ್ಯಾಮೆರಾದಲ್ಲಿ ಇಂಟಿಗ್ರೇಟೆಡ್‌ BIONZ XR ಇಂಜಿನ್ ಪಿನ್‌ಪಾಯಿಂಟ್ ಸಹ ನೀಡಲಾಗಿದೆ. ಇನ್ನುಳಿದಂತೆ ಈ ಕ್ಯಾಮೆರಾ ಯಾವೆಲ್ಲಾ ಫೀಚರ್ಸ್‌ ಒಳಗೊಂಡಿದೆ ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತೀವಿ ಓದಿರಿ.

ಸೋನಿ ILME-FR7 ಕ್ಯಾಮೆರಾ ಅತ್ಯಾಕರ್ಷಕ ಫೀಚರ್ಸ್‌ಗಳಿಂದ ಕೂಡಿದ ವಿಶ್ವದ ಮೊದಲ PTZ ಕ್ಯಾಮೆರಾ ಎನಿಸಿಕೊಂಡಿದೆ. ಇದು ಸೋನಿಯ ಇ-ಮೌಂಟ್ ಲೆನ್ಸ್ ಅನ್ನು ಹೊಂದಿದ್ದು, ಜಿ ಮಾಸ್ಟರ್ ಸರಣಿಯಂತಹ ಇತರ ಇ-ಮೌಂಟ್ ಲೆನ್ಸ್‌ಗಳೊಂದಿಗೆ ಕೆಲಸ ಮಾಡುವುದಕ್ಕೆ ಕೂಡ ಅವಕಾಶ ನೀಡಿದೆ. ಇನ್ನುಳಿದಂತೆ ಈ ಕ್ಯಾಮೆರಾ 10.3MP ಯೊಂದಿಗೆ, ಕ್ಯಾಮರಾ ವಿಶಾಲ 15+ ಸ್ಟಾಪ್ ಅಕ್ಷಾಂಶವನ್ನು ಹೊಂದಿದೆ. ಆದರಿಂದ ಈ ಕ್ಯಾಮೆರಾದಲ್ಲಿ ಪ್ಯಾನ್/ಟಿಲ್ಟ್/ಜೂಮ್ ಫಂಕ್ಷನ್‌ ಅನ್ನು ದೂರದಿಂದಲೇ ನಿರ್ವಹಿಸಬಹುದಾಗಿದೆ.

ಇನ್ನು ಸೋನಿಯ ಈ ಕ್ಯಾಮೆರಾ ಸೋನಿಯ RM-IP500 ರಿಮೋಟ್ ಕಂಟ್ರೋಲರ್‌ಗೆ ಸೆಟ್‌ ಆಗಲಿದೆ. ಇದರಲ್ಲಿರುವ ಪ್ಯಾನ್ ಮತ್ತು ಟಿಲ್ಟ್ ಚಲನೆಗಳು ಕೂಡ ಬದಲಾಗಲಿವೆ. ಇದರೊಂದಿಗೆ ಈ ಕ್ಯಾಮೆರಾ ಡೈರೆಕ್ಷನ್‌, ಜೂಮ್, ಫೋಕಸ್ ಸೇರಿದಂತೆ 100ಕ್ಕೂ ಹೆಚ್ಚಯ ಕ್ಯಾಮೆರಾ ಪ್ಲೇ ಪ್ರಿವ್ಯೂಗಳನ್ನು ಬೆಂಬಲಿಸಲಿದೆ. ಇದರಲ್ಲಿರುವ ರಿಯಲ್‌ ಟೈಂ ಐ ಎಎಫ್ ಮತ್ತು ಟ್ರ್ಯಾಕಿಂಗ್‌ ಬಳಕೆದಾರರಿಗೆ ಸಾಕಷ್ಟು ಉಪಯುಕ್ತ ಎನಿಸಲಿದೆ. ಹಾಗೆಯೇ ಈ ಕ್ಯಾಮೆರಾದಲ್ಲಿ ಇಂಟಿಗ್ರೇಟೆಡ್ BIONZ XR ಇಂಜಿನ್ ಪಿನ್‌ಪಾಯಿಂಟ್ ನೀಡಲಾಗಿದ್ದು, ಐ ಫೋಕಸ್‌ ಡಿಟೆಕ್ಷನ್‌ನಲ್ಲಿ ಸಹಾಯ ಮಾಡಲಿದೆ.

ಸೋನಿ FR7 ಕ್ಯಾಮೆರಾ S-ಸಿನಿಟೋನ್ ಪ್ರಿಸೆಟ್‌, 4K 120p 6 ಸ್ಲೋ ಮೋಷನ್‌, Cine EI ಮೋಡ್ ಫೀಚರ್ಸ್‌ಗಳನ್ನು ಬೆಂಬಲಿಸಲಿದೆ. ಇದಲ್ಲದೆ ಇನ್‌ಬಿಲ್ಟ್‌ ವೆಬ್ ಅಪ್ಲಿಕೇಶನ್ ಕಂಪ್ಯೂಟರ್ ಮೂಲಕ ಕಂಟ್ರೋಲ್‌ ಮಾಡುವುದಕ್ಕೆ ಅವಕಾಶವನ್ನ ಸಹ ನೀಡಲಿದೆ. ಇದು ಮಲ್ಟಿ ಕ್ಯಾಮೆರಾ ಮಾನಿಟರಿಂಗ್‌ಗೆ ಬೆಂಬಲಿಸಲಿದೆ. ಇನ್ನು ಕ್ಯಾಮೆರಾದಲ್ಲಿ HDMI ಟೈಪ್ A ಮತ್ತು 12G-SDI ಕನೆಕ್ಟರ್‌ಗಳನ್ನು ನೀಡಲಾಗಿದೆ. ಇವುಗಳ ಜೊತೆಗೆ RTSP, SRT, ಮತ್ತು NDI |HX 10 ಸ್ಟ್ರೀಮಿಂಗ್ ಪ್ರೋಟೋಕಾಲ್‌ಗಳಿಗೆ ಬೆಂಬಲಿಸುವ ಅವಕಾಶ ಕಲ್ಪಿಸಲಾಗಿದೆ.

ಬೆಲೆ ಮತ್ತು ಲಭ್ಯತೆ

ಸೋನಿ ಕಂಪೆನಿಯ ಈ ಹೊಸ ಕ್ಯಾಮೆರಾ ಇದೇ ಜನವರಿ 31 ರಿಂದ ಖರೀದಿಗೆ ಲಭ್ಯವಾಗಲಿದೆ. ಪ್ರಸ್ತುತ ಈ ಕ್ಯಾಮೆರಾದ ಬೆಲೆ ಎಷ್ಟಿರಲಿದೆ ಅನ್ನೊದು ಇನ್ನು ಕೂಡ ಬಹಿರಂಗವಾಗಿಲ್ಲ. ಸೇಲ್‌ ಡೇಟ್‌ ಹತ್ತಿರವಾಗ್ತಿದ್ದ ಹಾಗೇ ಇದರ ಬೆಲೆ ವಿವರ ಬಹಿರಂಗವಾಗಲಿದೆ ಎಂದು ಹೇಳಲಾಗಿದೆ.

ಇದಲ್ಲದೆ ಸೋನಿ ಕಂಪೆನಿ ಇತ್ತೀಚಿಗೆ ಭಾರತದಲ್ಲಿ ಹೊಸ ಸೋನಿ SRS-XV900 ಪಾರ್ಟಿ ಸ್ಪೀಕರ್ ಲಾಂಚ್‌ ಮಾಡಿದೆ. ಈ ಸ್ಪೀಕರ್‌ ಒಮ್ನಿ ಡೈರೆಕ್ಷನಲ್‌ ಸೌಂಡ್‌ ಅನ್ನು ಒದಗಿಸಲಿದೆ. ಜೊತೆಗೆ ಡೀಪ್‌ ಮತ್ತು ಪಂಚಿಯರ್‌ ಬಾಸ್‌ ಔಟ್‌ಪುಟ್‌ ಅನ್ನು ಆಕ್ಟಿವ್‌ ಮಾಡಲು ವೃತ್ತಾಕಾರದ ಡಾಯಾಫ್ರಾಮ್‌ ಅನ್ನು ಒಳಗೊಂಡಿದೆ. ಇದಲ್ಲದೆ ಸ್ಪೀಕರ್‌ನಲ್ಲಿ ಮಿಡ್‌ರೇಂಜ್‌ ಡ್ರೈವರ್‌ಗಳು ಮತ್ತು ಟ್ವಿಟರ್‌ಗಳನ್ನು ಸಹ ನೀಡಲಾಗಿದೆ.