ಡಿ.1ರ ಮೊದಲೇ ನಿಮ್ಮ ಮೊಬೈಲ್ ರೀಚಾರ್ಜ್ ಮಾಡಿಸಿ!..ಮುಂದೆ ಏನಾಗುತ್ತೆ ಗೊತ್ತಾ?

2016 ರಲ್ಲಿ, ಏಷ್ಯಾದ ಶ್ರೀಮಂತ ವ್ಯಕ್ತಿ ಮುಖೇಶ್ ಅಂಬಾನಿ ತಮ್ಮ ಟೆಲಿಕಾಂ ಉದ್ಯಮ ರಿಲಯನ್ಸ್ ಜಿಯೋವನ್ನು ಪ್ರಾರಂಭಿಸುವ ಮೂಲಕ ಉದ್ಯಮದಲ್ಲಿ ಕ್ರಾಂತಿಯನ್ನುಂಟು ಮಾಡಿದರು. ರಿಲಯನ್ಸ್ ಮಾರುಕಟ್ಟೆಗೆ ಪ್ರವೇಶಿಸುತ್ತಿದ್ದಂತೆ ಬೆಲೆಗಳನ್ನು ಕಡಿತಗೊಳಿಸಿತು. ಇದು ಇತರ ಟೆಲಿಕಾಂಗಳು ಸಹ ಇದನ್ನು ಅನುಸರಿಸಲು ಒತ್ತಾಯಿಸಿತು. ಆದರೆ, ಇದೀಗ ಟೆಲಿಕಾಂ ಸಂಕಷ್ಟದ ಹಾದಿಯಲ್ಲಿದೆ. ಇದರಿಂದಾಗಿಯೇ ಭಾರತೀಯರು ಇನ್ನು ಮುಂದೆ ದತ್ತಾಂಶಕ್ಕಾಗಿ ಹೆಚ್ಚಿನ ಹಣವನ್ನು ಪಾವತಿಸಬೇಕಾಗುತ್ತದೆ ಎಂಬುದು ಸ್ಪಷ್ಟವಾಗಿದೆ.

ದೇಶದ ಟೆಲಿಕಾಂನಲ್ಲಿ ಡೇಟಾ ಮತ್ತು ಕರೆಗಳ ಕಡಿಮೆ ಬೆಲೆಗಳು ಗ್ರಾಹಕರಿಗೆ ವರದಾನವಾಗಿದ್ದರೂ, ಅಸ್ತಿತ್ವದಲ್ಲಿರುವ ಟೆಲಿಕಾಂ ಆಟಗಾರರಿಗೆ ಸಂಕಷ್ಟವನ್ನು ತಂದೊಡ್ಡಿದೆ. ಕ್ಷೀಣಿಸುತ್ತಿರುವ ಸ್ಪರ್ಧೆಯ ಹಿನ್ನೆಲೆಯಲ್ಲಿ ಕೆಲವು ಟೆಲಿಕಾಂ ಕಂಪೆನಿಗಳು ಮುಚ್ಚಿವೆ ಅಥವಾ ವಿಲೀನಗೊಂಡಿವೆ. ಸೆಲ್ಯುಲಾರ್ ಆಪರೇಟರ್ಸ್ ಅಸೋಸಿಯೇಷನ್‌ನ ಅಂಕಿಅಂಶಗಳ ಪ್ರಕಾರ, ಸಾಮಾನ್ಯ ಉದ್ಯಮದ ಮೆಟ್ರಿಕ್ ಬಳಕೆದಾರರ ಸರಾಸರಿ ಆದಾಯವು 2015 ರಿಂದ 2018 ರವರೆಗೆ 50 ಪ್ರತಿಶತಕ್ಕಿಂತಲೂ ಕಡಿಮೆಯಾಗಿರುವುದನ್ನು ತಜ್ಞರು ತಿಳಿಸಿದ್ದಾರೆ.

ಈ ವರ್ಷದ ಹೊತ್ತಿಗೆ, ಏರ್‌ಟೆಲ್, ವೊಡಾಫೋನ್ ಐಡಿಯಾ ಮತ್ತು ರಿಲಯನ್ಸ್ ಎಂಬ ಮೂರು ಪ್ರಮುಖ ಖಾಸಗಿ ಕಂಪೆನಿಗಳು ಮಾತ್ರ ಉಳಿದಿವೆ. ಜೊತೆಗೆ ಟೆಲಿಕಾಂ ಸ್ಪೆಕ್ಟ್ರಮ್ ಅನ್ನು ಹರಾಜು ಹಾಕಿದಾಗ ಸರ್ಕಾರಕ್ಕೆ ಹೆಚ್ಚಿನ ಬೆಲೆಗಳನ್ನು ಪಾವತಿಸಿದ ನಂತರ ಏರ್ಟೆಲ್ ಮತ್ತು ವೊಡಾಫೋನ್ ತಮ್ಮ ಸಾಲದ ಹೊರೆಗಳನ್ನು ನಿರ್ವಹಿಸಲು ಪ್ರಯಾಸಪಡುತ್ತಿವೆ. ಇದು ಭವಿಷ್ಯದಲ್ಲಿ ದೇಶದ ಟೆಲಿಕಾಂ ಕ್ಷೇತ್ರಕ್ಕೆ ಹಾನಿಕಾರಕ. ಹಾಗಾಗಿ, ಭಾರತೀಯರು ಇನ್ನು ಅಗ್ಗದ ಮೊಬೈಲ್ ಡೇಟಾ ಬೆಲೆಗಳನ್ನು ನಿರೀಕ್ಷಿಸುವುದು ಸಹ ಕಷ್ಟ ಎಂದು ಹೇಳಲಾಗಿದೆ.

1.3 ಶತಕೋಟಿಗಿಂತಲೂ ಹೆಚ್ಚು ಜನರಿರುವ ಭಾರತದಲ್ಲಿ ವ್ಯಾಪಕವಾದ ಸ್ಮಾರ್ಟ್‌ಫೋನ್ ಅಳವಡಿಕೆಗೆ ಬಾಗಿಲು ತೆರೆಯುವ ಮೂಲಕ ಜಿಯೋ ಕಟ್-ರೇಟ್ ಯೋಜನೆಗಳು ಯಶಸ್ವಿಯಾದವು. ಗ್ರಾಹಕ ಸಂಶೋಧನಾ ಸಂಸ್ಥೆಯ ಇತ್ತೀಚಿನ ವರದಿಯ ಪ್ರಕಾರ, ಯುನೈಟೆಡ್ ಸ್ಟೇಟ್ಸ್‌ನಲ್ಲಿ $ 12 ಬೆಲೆಗೆ ಹೋಲಿಸಿದರೆ, ಭಾರತದ ಒಂದು ಗಿಗಾಬೈಟ್ ಬೆಲೆ ಕೇವಲ 26 ಸೆಂಟ್ಸ್ ಆಗಿದೆ. ವಾಟ್ಸಾಪ್, ಯೂಟ್ಯೂಬ್ ಮತ್ತು ಟಿಕ್‌ಟಾಕ್ ಸೇರಿದಂತೆ ಇಂಟರ್ನೆಟ್ ಆಧಾರಿತ ಅಪ್ಲಿಕೇಶನ್‌ಗಳನ್ನು ಬಳಸುತ್ತಿರುವ ಭಾರತೀಯರು ವಿಶ್ವದಲ್ಲೇ ಅತಿದೊಡ್ಡ ಬಳಕೆದಾರರಾಗಿದ್ದಾರೆ.