ಒಂದು ನಿಮಿಷದಲ್ಲಿ ಇಂಟರ್‌ನೆಟ್‌ನಲ್ಲಿ ಏನೆಲ್ಲಾ ಆಗುತ್ತೆ ಗೊತ್ತಾ..?

38 ಲಕ್ಷ ಹುಡುಕಾಟ

ಸರ್ಚ್‌ ಇಂಜಿನ್‌ ದೈತ್ಯ ಗೂಗಲ್‌ನಲ್ಲಿ ನಿಮಿಷಕ್ಕೆ ಬರೋಬ್ಬರಿ 38,00,000 ಮಾಹಿತಿ ಶೋಧ ದಾಖಲಾಗುತ್ತದೆ. ಅಂದ್ರೆ ಪ್ರತಿ ಸೆಕೆಂಡ್‌ಗೆ 63,333 ಗ್ರಾಹಕರು ಮಾಹಿತಿಯನ್ನು ಹುಡುಕುತ್ತಾರೆ ಎಂಬುದು ಗಮನಾರ್ಹ.

1 ಲಕ್ಷ ಲಾಗಿನ್‌

ಸಾಮಾಜಿಕ ಜಾಲತಾಣದಲ್ಲಿ ಪ್ರಭುತ್ವ ಸಾಧಿಸಿದ ಫೇಸ್‌ಬುಕ್‌ನಲ್ಲಿ ನಿಮಿಷಕ್ಕೆ 1,00,000 ಮಂದಿ ಲಾಗಿನ್ ಆಗುತ್ತಾರೆ ಎಂದರೆ ನಂಬಲೇಬೇಕು.

1 ಕೋಟಿ 81 ಲಕ್ಷ ಮೆಸೇಜ್‌

ಇಂಟರ್‌ನೆಟ್ ಜಗತ್ತಿನಲ್ಲಿ ಪ್ರತಿ ನಿಮಿಷಕ್ಕೆ 1,81,00,000 ಸಾಂಪ್ರದಾಯಿಕ ಟೆಕ್ಸ್ಟ್ ಮೆಸೇಜ್‌ಗಳು ರವಾನೆಯಾಗುತ್ತವೆ.

ಯುಟ್ಯೂಬ್‌ನ ಹೆಚ್ಚು ಬಳಕೆ

ಅಂತರ್ಜಾಲ ಪ್ರಪಂಚದಲ್ಲಿ ಯುಟ್ಯೂಬ್‌ಗೆ ಬಹಳ ಅಂದ್ರೆ ಬಹಳ ಬೇಡಿಕೆಯಿದೆ. ಒಂದು ನಿಮಿಷದಲ್ಲಿ 4,05,00,000 ವಿಡಿಯೋಗಳನ್ನು ಯುಟ್ಯೂಬ್‌ನಲ್ಲಿ ವೀಕ್ಷಿಸುತ್ತಾರೆ.

ಆಪ್‌ ಡೌನ್‌ಲೋಡ್‌ ಮಳೆ

ಆಪಲ್‌ ಆಪ್‌ ಸ್ಟೋರ್ ಮತ್ತು ಗೂಗಲ್‌ ಪ್ಲೇ ಸ್ಟೋರ್‌ನಲ್ಲಿ ಪ್ರತಿ ನಿಮಿಷಕ್ಕೆ ಬಳಕೆದಾರರು 3,90,030 ಆಪ್‌ಗಳನ್ನು ಡೌನಲೋಡ್ ಮಾಡುತ್ತಾರೆ.

3 ಲಕ್ಷಕ್ಕೂ ಅಧಿಕ ಪೋಸ್ಟ್

ಇನ್ನು, ಇನ್ಸ್ಟಾಗ್ರಾಂ ನೋಡಿದ್ರೆ ಒಂದು ನಿಮಿಷಕ್ಕೆ 3,47,222 ಪೋಸ್ಟ್‌ಗಳು ಶೇರ್‌ ಆಗುತ್ತವೆ.

87 ಸಾವಿರ ಟ್ವೀಟ್

ಪ್ರತಿ ನಿಮಿಷಕ್ಕೆ ಟ್ವಿಟ್ಟರ್‌ನಲ್ಲಿ 87,500 ಜನ ಟ್ವೀಟ್ ಮೂಲಕ ತಮ್ಮ ಅಭಿಪ್ರಾಯ ಹಂಚಿಕೊಳ್ಳುತ್ತಾರೆ.

ಆನ್‌ಲೈನ್‌ನಲ್ಲಿಯೇ ಹೆಚ್ಚು ಹಣ ವಿನಿಯೋಗ

ಪ್ರತಿ ನಿಮಿಷಕ್ಕೆ ಆನ್‌ಲೈನ್‌ನಲ್ಲಿ 9,96,956 ಮಿಲಿಯನ್‌ ಡಾಲರ್‌ ಹಣವನ್ನು ಜನ ಖರ್ಚು ಮಾಡುತ್ತಾರೆ.

2 ಕೋಟಿಗೂ ಹೆಚ್ಚು ಸ್ನಾಪ್

ಪ್ರತಿ ನಿಮಿಷಕ್ಕೆ ಸ್ನಾಪ್‌ಚಾಟ್‌ನಲ್ಲಿ 2,04,00,000 ಸ್ನಾಪ್‌ಗಳು ಸೃಷ್ಟಿಯಾಗುತ್ತವೆ.

41 ಕೋಟಿ ಮಿಲಿಯನ್ ಗೂ ಹೆಚ್ಚು ಮೆಸೇಜ್

ಒಂದು ನಿಮಿಷಕ್ಕೆ ವಾಟ್ಸ್‌ಆಪ್ ಮತ್ತು ಫೇಸ್‌ಬುಕ್ ಮೆಸೇಂಜರ್‌ನಲ್ಲಿ 41,06,00,000 ಮಿಲಿಯನ್ ಮೆಸೇಜ್‌ಗಳು ರವಾನೆಯಾಗುತ್ತವೆ ಎಂದರೆ ನಂಬಲೇಬೇಕು.

18 ಕೋಟಿಗೂ ಹೆಚ್ಚು ಇಮೇಲ್

ಇನ್ನು, ಇಮೇಲ್ ಗಮನಿಸುವುದಾದ್ರೆ ಒಂದು ನಿಮಿಷಕ್ಕೆ 18,80,00,000 ಇಮೇಲ್‌ಗಳು ರವಾನೆಯಾಗುತ್ತವೆ.

ಟಿಂಡರ್‌ನಲ್ಲೂ ಮುಂದು

ಪ್ರಸಿದ್ಧ ಡೇಟಿಂಗ್ ಸೈಟ್ ಟಿಂಡರ್‌ ಆಪ್‌ನ್ನು ಗಮನಿಸಿದ್ರೆ, ಇಲ್ಲೂ ಕೂಡ ಜನ ಮುಂದಿದ್ದಾರೆ. ಹೌದು ಪ್ರತಿ ನಿಮಿಷಕ್ಕೆ 14,00,000 ಸ್ವೈಪ್‌ಗಳನ್ನು ಜನ ಮಾಡುತ್ತಾರೆ.