ಅಮೆರಿಕಗೆ ಹೋಗ್ತಿರಾ..? ಹಾಗಿದ್ರೆ ಆನ್‌ಲೈನ್‌ನಲ್ಲಿ ಎಚ್ಚರವಿರಲಿ..!

ರಾಜಕೀಯದಿಂದ ದೂರವಿರಿ

ನೀವು ಯುಎಸ್‌ನಲ್ಲಿದ್ದಾಗ ಸಾಮಾಜಿಕ ಜಾಲತಾಣದಲ್ಲಿ ರಾಜಕೀಯ ವಿಚಾರಗಳಿಂದ ದೂರವಿರಿ. ರಾಜಕೀಯಕ್ಕೆ ಸಂಬಂಧಿಸಿದ ಪೋಸ್ಟ್‌, ರೀಟ್ವೀಟ್, ಮೆಮ್ಸ್‌ಗಳನ್ನು ನೀವು ಪೋಸ್ಟ್‌ ಮಾಡಲೇಬಾರದು. ಅಮೆರಿಕ ವಿರೋಧಿ ರಾಜಕೀಯ ವಿಷಯಗಳನ್ನು ಮಾತನಾಡಲೇಬೇಡಿ.

ಹಿಂಸೆ ಬೇಡವೇ ಬೇಡ

ನೀವೇನಾದ್ರೂ ಹಿಂಸೆಯನ್ನು ಪ್ರಚೋದಿಸಿ ಅಥವಾ ಘರ್ಷಣೆಗೆ ಕುಮ್ಮಕ್ಕು ನೀಡುವ ವಿಷಯಗಳನ್ನು ನಿಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದರೆ ನಿಮಗೆ ಯುಎಸ್‌ ಸಿಗುವುದು ಬಲು ಕಷ್ಟವೆಂದರೇ ಕಷ್ಟ. ಆದ್ದರಿಂದ ಯಾವುದೇ ಹಿಂಸಾತ್ಮಕ ಪೋಸ್ಟ್‌ಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಬೇಡಿ.

ಪಾರ್ಟಿ ಫೋಟೋಗಳು ಬೇಡ

ನೀವು ನಿಮ್ಮ ಸಾಮಾಜಿಕ ಮಾಧ್ಯಮಗಳಲ್ಲಿ ಪಾರ್ಟಿ ಫೋಟೋಗಳನ್ನು ಹಾಕುವುದು ಹೆಚ್ಚು ಸಮಂಜಸವಲ್ಲ. ಮದ್ಯ, ಮಾದಕ ದ್ರವ್ಯ, ಧೂಮಪಾನ ಮಾಡಿರುವ ಫೋಟೋಗಲಿದ್ದರೆ ನಿಮ್ಮ ಕನಸಿನ ವಿಶ್ವವಿದ್ಯಾಲಯ ಅಥವಾ ಕಂಪನಿಯಲ್ಲಿ ಸ್ಥಾನ ಸಿಗೋದು ಕಷ್ಟವಾಗುತ್ತದೆ.

ಯುಎಸ್‌ನಲ್ಲಿ ಉಳಿಯುತ್ತೇವೆ ಎನ್ನಬೇಡಿ

ವಿದ್ಯಾಭ್ಯಾಸ ಮುಗಿದ ನಂತರ ವಿದೇಶಿ ವಿದ್ಯಾರ್ಥಿಗಳು ಅಮೆರಿಕದಲ್ಲಿಯೇ ಉಳಿದುಕೊಳ್ಳುವುದನ್ನು ಅಮೆರಿಕ ಸರ್ಕಾರ ಹೆಚ್ಚು ನಿರ್ಬಂಧಿಸುತ್ತದೆ. ಆದ್ದರಿಂದ, ಯಾವುದೇ ಕಾರಣಕ್ಕು ಯುಎಸ್‌ನಲ್ಲಿ ಉಳಿಯುತ್ತೇವೆ ಎಂದು ಪೋಸ್ಟ್‌ ಹಾಕಬೇಡಿ.

ಸಿಟ್ಟು ಮತ್ತು ಅಶ್ಲೀಲ ಅಂಶಗಳಿಂದ ದೂರವಿರಿ

ನೀವು ಸಾಮಾಜಿಕ ಜಾಲತಾಣಗಳಲ್ಲಿ ಸಿಟ್ಟು ಮತ್ತು ಅಶ್ಲೀಲ ಅಂಶಗಳಿಂದ ದೂರವಿರಿ. ಈ ಅಂಶಗಳಿಗೆ ಸಂಬಂಧಿಸಿದಂತೆ ಯಾವುದೇ ಪೋಸ್ಟ್‌ಗಳನ್ನು ಮಾಡದಿರುವುದು ಒಳಿತು. ಏಕೆಂದರೆ, ಅಮೆರಿಕ ವಲಸೆ ಪ್ರಾಧಿಕಾರಗಳು ಇಂತಹ ಪೋಸ್ಟ್‌ಗಳನ್ನು ಸಹಿಸಿಕೊಳ್ಳುವುದಿಲ್ಲ. ಅದಕ್ಕಾಗಿಯೇ ಉತ್ತಮ ಪೋಸ್ಟ್‌ಗಳನ್ನು ಮಾಡಿ ಉತ್ತಮ ವ್ಯಕ್ತಿ ಎಂದು ಕಾಣಿಸಿಕೊಳ್ಳುವುದು ಸೂಕ್ತ.

ಪೋಸ್ಟ್‌ಗಳನ್ನು ಡಿಲೀಟ್‌ ಮಾಡಬೇಡಿ

ನೀವು ತಪ್ಪು ಮಾಡಿದ ಪೋಸ್ಟ್‌ಗಳನ್ನು ಡಿಲೀಟ್ ಮಾಡುವುದು ಮತ್ತು ನಿಮ್ಮ ಸಾಮಾಜಿಕ ಜಾಲತಾಣದ ಹ್ಯಾಂಡಲ್‌ನ್ನು ಹೆಚ್ಚು ಖಾಸಗಿಯಾಗಿ ಹೊಂದಿಸಿದರೆ ನಿಮ್ಮ ಅಕೌಂಟ್‌ನ್ನು ಹೆಚ್ಚು ಅನುಮಾನದಿಂದ ನೋಡುವಂತಾಗುತ್ತದೆ. ಆದ್ದರಿಂದ ಈ ಅಂಶದಿಂದ ದೂರವಿದ್ದಷ್ಟು ನಿಮಗೆ ಅಮೆರಿಕದ ದಾರಿ ಸುಗಮ.