ಆಹಾರ ಪದಾರ್ಥಗಳ ಕೆಮಿಕಲ್ ತಿಳಿಸುವ ಕ್ಯಾಮೆರಾ

ಟೆಕ್‌ ಅಭಿವೃದ್ದಿಯಿಂದ ಇಂದು ಜನರು ಎಲ್ಲಾ ಮಾಹಿತಿ ಮತ್ತು ಸೌಕರ್ಯಗಳನ್ನು ಪಡೆಯುತ್ತಿದ್ದಾರೆ, ಜನರ ಚಿಂತನೆಗೆ ಇನ್ನು ಸಹ ಯಾವುದೇ ಹೊಸ ಅಲೋಚನೆಗಳು ಬರುವ ಮುಂಚೆಯೇ Tel Aviv ವಿಶ್ವವಿದ್ಯಾಲಯದವರು ಹೊಸ ತಂತ್ರಜ್ಞಾನದ ಕ್ಯಾಮೆರಾವೊಂದನ್ನು ಅಭಿವೃದ್ದಿ ಪಡಿಸಿದ್ದು, ಆ ಕ್ಯಾಮೆರಾದಲ್ಲಿ ಯಾವುದೇ ವಸ್ತುವನ್ನು ಫೋಟೋ ಅಥವಾ ವಿಡಿಯೋ ತೆಗೆದರೆ ಆ ವಸ್ತುವಿನಲ್ಲಿನ ಕೆಮಿಕಲ್ ಪ್ರಮಾಣವನ್ನು ಹೇಳುತ್ತದೆ. ಅಲ್ಲದೇ ನಾವು ಕುಡಿಯುವ ಪಾನೀಯ ಮತ್ತು ಆಹಾರ ಪದಾರ್ಥಗಳಲ್ಲಿನ ಕೆಮಿಕಲ್ ಪ್ರಮಾಣವನ್ನು ತಿಳಿಸುತ್ತದೆ.

ಓದಿರಿ: ಗೂಗಲ್‌ ಸ್ಟ್ರೀಟ್‌ವ್ಯೂನಲ್ಲಿರುವ ವಿಸ್ಮಯಗಳು

ಈ ಚಿಕ್ಕದಾದ ಹೈಪರ್‌ಸ್ಪೆಕ್ಟ್ರಲ್ ಇಮೇಜಿಂಗ್ ಕ್ಯಾಮೆರಾವು, ಲೈಟ್‌ಸ್ಪೆಕ್ಟ್ರಾವನ್ನು ಸ್ಕ್ಯಾನಿಂಗ್ ಮಾಡಿ, ಇಲೆಕ್ಟ್ರೋ ಮ್ಯಾನ್ಗೆಟಿಕ್ 'ಫಿಂಗರ್‌ಪ್ರಿಂಟ್ಸ್‌' ಮೂಲಕ ವಿವಿಧ ವಸ್ತುಗಳಲ್ಲಿನ ವಿಶಿಷ್ಟತೆಗಳನ್ನು ಪ್ರಮಾಣಿಕರಿಸುತ್ತದೆ. ಆದರೆ ಇಮೇಜಿಂಗ್ ಕ್ಯಾಮೆರಾದ ಸ್ಕ್ಯಾನಿಂಗ್ ಲೈಟ್ ಮನುಷ್ಯರ ಕಣ್ಣಿಗೆ ಕಾಣುವುದಿಲ್ಲವಂತೆ. Tel Aviv ವಿಶ್ವವಿದ್ಯಾಲಯದ ಪ್ರೋಫೆಸರ್ ಡೇವಿಡ್ ಮೆಂಡ್ಲೊವಿಕ್ ಟೀಮ್‌ ಈ ತಂತ್ರಜ್ಞಾನವನ್ನು ಸ್ಮಾರ್ಟ್‌ಫೋನ್‌ಗಳಿಗೂ ಅಳವಡಿಸಲು ಮುಂದಾಗುತ್ತಿದೆಯಂತೆ. ಈ ಟೀಮ್ ಸ್ಮಾರ್ಟ್‌ಫೋನ್‌ಗಳಿಗೆ ಕ್ಯಾಮೆರಾ ವಿನ್ಯಾಸ ಮಾಡುವಲ್ಲಿ ಹೆಚ್ಚಿನ ಪ್ರಾವಿಣ್ಯತೆ ಪಡೆದಿದೆ.

ಓದಿರಿ: 30 ಸೆಕೆಂಡ್‌ನಲ್ಲಿ ಸ್ಮಾರ್ಟ್‌ಫೋನ್‌ ಬ್ಯಾಟರಿ ಫುಲ್‌ ಚಾರ್ಜ್‌

ಹೈಪರ್‌ಸ್ಪೆಕ್ಟ್ರಲ್‌ ಇಮೇಜಿಂಗ್ ಕ್ಯಾಮೆರಾವನ್ನು ಯುನಿಸ್ಪೆಕ್ಟ್ರಲ್‌ ಎಂದು ಹೆಸರಿಸಿದ್ದು ಇದು ಗ್ರಾಹಕ ಎಲೆಕ್ಟ್ರಾನಿಕ್ಸ್, ಜೈವಿಕ ತಂತ್ರಜ್ಞಾನ, ಆಟೋಮೋಟಿವ್ ಮತ್ತು ಹೋಮ್‌ಲ್ಯಾಂಡ್‌ ಸೆಕ್ಯುರಿಟಿ ಕ್ಷೇತ್ರಗಳಲ್ಲಿ ಉಪಯೋಗವಾಗಲಿದೆ.