ಥಾಮ್ಸನ್‌ ಸಂಸ್ಥೆಯ ಹೊಸ ಆಂಡ್ರಾಯ್ಡ್‌ ಸ್ಮಾರ್ಟ್‌ಟಿವಿ ಸರಣಿ ಬಿಡುಗಡೆ!

ಆಂಡ್ರಾಯ್ಡ್‌ ಟಿವಿ

ಥಾಮ್ಸನ್ ಸಂಸ್ಥೆಯ ಹೊಸ ಸ್ಮಾರ್ಟ್‌ಟಿವಿ ಸರಣಿಯು ಆಂಡ್ರಾಯ್ಡ್ ಆಧಾರಿತ ಆಗಿದ್ದು, ಇದರಲ್ಲಿ ಗೂಗಲ್‌ ಕ್ರೋಮ್ ಸೇರಿದಂತೆ ಆಂಡ್ರಾಯ್ಡ್ ಅಪ್ಲಿಕೇಶನ್‌ಗಳು ಇನ್‌ಬಿಲ್ಟ್‌ ಆಗಿ ನೀಡಲಾಗಿದೆ. ಹಾಗೆಯೇ ಆಂಡ್ರಾಯ್ಡ್ ರಿಮೋಟ್ ಸಹ ಈ ಸ್ಮಾರ್ಟ್‌ಟಿವಿಗಳು ಒಳಗೊಂಡಿರಲಿದ್ದು, ಸ್ಮಾರ್ಟ್‌ಫೋನ್‌ಗಳಿಗೆ ಕನೆಕ್ಟ್ ಮಾಡಬಹುದಾಗಿದೆ.

ನಾಲ್ಕು ವೇರಿಯಂಟ್ಸ್‌

ಥಾಮ್ಸನ್ ಕಂಪನಿಯು ಆಂಡ್ರಾಯ್ಡ್‌ ಮಾದರಿಯ ಹೊಸ ಸ್ಮಾರ್ಟ್‌ಟಿವಿ ಸರಣಿಯನ್ನು ಲಾಂಚ್ ಮಾಡಿದ್ದು, ಈ ಸರಣಿಯು ಒಟ್ಟು ನಾಲ್ಕು ವೇರಿಯಂಟ್‌ಗಳ ಆಯ್ಕೆಗಳನ್ನು ಒಳಗೊಂಡಿದೆ. ಅವುಗಳು ಕ್ರಮವಾಗಿ 65ಇಂಚು, 55ಇಂಚು, 49ಇಂಚು ಮತ್ತು 43ಇಂಚಿನ ಡಿಸ್‌ಪ್ಲೇ ರಚನೆಯನ್ನು ಪಡೆದುಕೊಂಡಿವೆ.

ಇತರೆ ಸೌಲಭ್ಯಗಳು

ಈ ಸ್ಮಾರ್ಟ್‌ಟಿವಿಗಳ ಡಿಸ್‌ಪ್ಲೇಗಳು 4K 10 HDR ಮಾದರಿಯಲ್ಲಿವೆ. ಇವು ಗೂಗಲ್ ಅಸಿಸ್ಟಂಟ್ ವಾಯಿಸ್‌ ಕಮಾಂಡ್ ಬೆಂಬಲವನ್ನು ಪಡೆದಿದ್ದು, ವಾಯಿಸ್‌ ಮೂಲಕ ನಿಯಂತ್ರಿಸುವ ಆಯ್ಕೆಗಳು ಲಭ್ಯವಾಗಲಿವೆ. ಹಾಗೆಯೇ ಡಾಲ್ಬಿ ಸೌಂಡ್‌ ಅನ್ನು ಹೊಂದಿದೆ. ಡಿಟಿಎಸ್‌ ಟ್ರೂಸರೌಂಡೆಡ್ ಸೌಂಡ್‌ ಸೌಲಭ್ಯವನ್ನು ಒದಗಿಸಲಾಗಿದ್ದು, ಆಂಡ್ರಾಯ್ಡ್ ರಿಮೋಟ್ ನೀಡಲಾಗಿದೆ.

ಬೆಲೆ ಮತ್ತು ಲಭ್ಯತೆ

65 ಇಂಚಿನ ವೇರಿಯಂಟ್ ಸ್ಮಾರ್ಟ್‌ಟಿವಿ ಬೆಲೆಯು 59,999ರೂ.ಗಳು, 55 ಇಂಚಿನ ವೇರಿಯಂಟ್ ಸ್ಮಾರ್ಟ್‌ಟಿವಿ ಬೆಲೆಯು 38,999ರೂ.ಗಳು, 49 ಇಂಚಿನ ವೇರಿಯಂಟ್ ಸ್ಮಾರ್ಟ್‌ಟಿವಿ ಬೆಲೆಯು 34,999ರೂ.ಗಳು ಮತ್ತು 43 ಇಂಚಿನ ವೇರಿಯಂಟ್ ಸ್ಮಾರ್ಟ್‌ಟಿವಿ ಬೆಲೆಯು 29,999ರೂ.ಗಳು ಆಗಿದೆ. ಇ ಕಾಮರ್ಸ್‌ ಜಾಲತಾಣ ಫ್ಲಿಪ್‌ಕಾರ್ಟ್‌ನಲ್ಲಿ ಸೇಲ್ ಆರಂಭಿಸಲಿದ್ದು, ಇದೇ ಜೂನ 14ರಿಂದ (ನಾಳೆ) ಖರೀದಿಗೆ ಲಭ್ಯವಾಗಲಿವೆ.