ಇದೀಗ ನಿಮ್ಮ ಮೊಬೈಲ್ ರಿಂಗಣಿಸುವುದಕ್ಕೂ ಬಂತು ಹೊಸ ರೂಲ್ಸ್!..ಯಾರಿಗೆ ಲಾಭ?

ಹೌದು, ಕಳೆದ ಶುಕ್ರವಾರದಂದು ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (ಟ್ರಾಯ್‌) ಹೊಸ ಆದೇಶವೊಂದನ್ನು ಹೊರಡಿಸಿದೆ. ಅದರ ಪ್ರಕಾರ, ಗ್ರಾಹಕ ಮೊಬೈಲ್‌ ಕರೆಗಳ ರಿಂಗಿಂಗ್ ಅವಧಿಯನ್ನು 30 ಸೆಕೆಂಡ್ ಹಾಗೂ ಲ್ಯಾಂಡ್ ಲೈನ್ ಫೋನ್ ಗಳ ರಿಂಗಿಂಗ್ ಅವಧಿಯನ್ನು 60 ಸೆಕೆಂಡ್ಗೆ ನಿಗದಿ ಮಾಡಿದೆ. ಅಂದರೆ, ಇನ್ಮುಂದೆ ಯಾವುದೇ ಟೆಲಿಕಾಂ ಸೇವಾ ಕಂಪೆನಿಯು ತನಗೆ ಇಷ್ಟಬಂದತೆ ಮೊಬೈಲ್ ರಿಂಗಿಂಗ್ ಕಾಲಾವಧಿಯನ್ನು ಅಳವಡಿಸಿಕೊಳ್ಳಲು ಸಾಧ್ಯವಿಲ್ಲ ಎಂದು ಅಧಿಕೃತವಾಗಿ ನಿಮಯ ತಂದಿದೆ.

ಗ್ರಾಹಕ ಮೊಬೈಲ್‌ ಕರೆಗಳ ರಿಂಗಿಂಗ್ ಅವಧಿಯನ್ನು 30 ಸೆಕೆಂಡ್ ಹಾಗೂ ಲ್ಯಾಂಡ್ ಲೈನ್ ಫೋನ್ ಗಳ ರಿಂಗಿಂಗ್ ಅವಧಿಯನ್ನು 60 ಸೆಕೆಂಡ್ಗೆ ನಿಗದಿ ಮಾಡಿರುವ ಈ ಹೊಸ ನಿಯಮಾವಳಿ ಇನ್ನು ಹದಿನೈದು ದಿನಗಳ ಬಳಿಕ ಜಾರಿಯಾಗಲಿದೆ. ಒಳಬರುವ ಕರೆಗಳ (ಇನ್ ಕಮಿಂಗ್ ಕಾಲ್) ರಿಂಗಿಂಗ್ ಸಮಯವನ್ನು ಸೀಮಿತಗೊಳಿಸುವ ನಿಯಮ ಜಾರಿಯಿಂದ ಮೊಬೈಲ್ ಹಾಗೂ ಲ್ಯಾಂಡ್ ಲೈನ್ ಗ್ರಾಹಕ ಸೇವೆಗಳ ಗುಣಮಟ್ಟ ಸುಧಾರಿಸಲಿದೆ ಎಂದು ಟ್ರಾಯ್ ಹೇಳಿಕೆಯಲ್ಲಿ ತಿಳಿಸಿದೆ. ಇದು ಗ್ರಾಹಕರ ಸಮಸ್ಯೆಯನ್ನು ಬಗೆಹರಿಸಿದೆ.

ಇಲ್ಲಿಯವರೆಗೆ ಭಾರತದೊಳಗೆ ಇಂತಹ ಯಾವುದೇ ನಿಯಮಾವಳಿ ಜಾರಿಯಲ್ಲಿರಲಿಲ್ಲ. ಎಲ್ಲ ಟೆಲಿಕಾಂ ಕಂಪೆನಿಗಳು ಅವರವರ ಇಚ್ಚೆಯತೆ ಮೊಬೈಲ್ ರಿಂಗಿಂಗ್ ಕಾಲಾವಧಿಯನ್ನು ಅಳವಡಿಸಿಕೊಂಡಿದ್ದವು. ಇದು ಇತ್ತೀಚಿಗೆ ರಿಲಯನ್ಸ್ ಜಿಯೋ ಹಾಗೂ ಭಾರ್ತಿ ಏರ್ ಟೆಲ್ ನಡುವೆ ಜಟಾಪಟಿಗೆ ಕಾರಣವಾಗಿತ್ತು. ಒಳಬರುವ ಕರೆಗಳ ರಿಂಗಿಂಗ್ ಅವಧಿ ಹೆಚ್ಚಾಗಿರಬೇಕು ಎಂದು ಏರ್‌ಟೆಕ್ ಹೇಳಿದರೆ, ಜಿಯೋ ಇದನ್ನು ಇಪ್ಪತ್ತರಿಂದ ಇಪ್ಪತ್ತೈದು ಸೆಕೆಂಡ್‌ಗೆ ಇಸಬೇಕೆಂದು ವಾದಿಸಿದ್ದವು. ಇದಕ್ಕೆ ಅವುಗಳಿಗೆ ಇದ್ದ ಲಾಭವೂ ಕೂಡ ಕಾರಣವಾಗಿತ್ತು.

ಜಿಯೋ, ಏರ್‌ಟೆಲ್ ಮತ್ತು ವೊಡಾಫೋನ್ ಜಟಾಪಟಿಯಲ್ಲಿ, ಒಳಬರುವ ಕರೆಗಳ ರಿಂಗಿಂಗ್ ಅವಧಿ ನಲವತ್ತೈದು ಸೆಕೆಂಡ್ ಗಳಿರಬೇಕು ಆಗ ಗ್ರಾಹಕರಿಗೆ ಇತರೆ ನೆಟ್ ವರ್ಕ್ ಕರೆಗಳನ್ನು ಸ್ವೀಕರಿಸಲು ಸುಲಭವಾಗಲಿದೆ ಎಂದು ಏರ್ಟೆಲ್ ವಾದಿಸಿದ್ದರೆ, ಜಿಯೋ ಇದನ್ನು ಇಪ್ಪತ್ತರಿಂದ ಇಪ್ಪತ್ತೈದು ಸೆಕೆಂಡ್‌ಗೆ ಇಳಿಸಬೇಕೆಂದು ಮನವಿ ಮಾಡಿತ್ತು. ಜಿಯೋವಿನಿಂದ ಹೆಚ್ಚು ಕರೆಗಳು ಇತರೆ ಟೆಲಿಕಾಂ ಕಂಪೆನಿಗಳಿಗೆ ಹೋಗಬಾರದು ಎಂಬ ಉದ್ದೇಶವನ್ನು ಜಿಯೋ ಹೊಂದಿತ್ತು. ಇದರಿಂದ ಜಿಯೋಗೆ ಐಸಿಯು ಹಣ ಪಾವತಿ ಹೊರೆ ಕಡಿಮೆಯಾಗುತ್ತಿತ್ತು ಎನ್ನಲಾಗಿದೆ.