ಐಯುಸಿ ಅನುಷ್ಠಾನ ಮುಂದೂಡಿಕೆ..! ವೊಡಾಫೋನ್‌, ಏರ್‌ಟೆಲ್‌ಗೆ ರಿಲೀಫ್‌..!

ಜಿಯೋದಿಂದ ವಿರೋಧ

ವೊಡಾಫೋನ್ ಐಡಿಯಾ ಮತ್ತು ಭಾರ್ತಿ ಏರ್‌ಟೆಲ್ ಆದಾಯ ಗಳಿಕೆಗಾಗಿ ಶೂನ್ಯ-ಐಯುಸಿ ಆಡಳಿತದ ಅನುಷ್ಠಾನ ಮುಂದೂಡವುದನ್ನು ಬೆಂಬಲಿಸಿದ್ದರು. ಆದರೆ, ಈ ಕ್ರಮವನ್ನು ರಿಲಾಯನ್ಸ್ ಜಿಯೋ ಮುಂದೂಡುವಿಕೆಯನ್ನು ವಿರೋಧಿಸಿತ್ತು.

ಸೆಪ್ಟಂಬರ್‌ನಲ್ಲಿ ಪ್ರಸ್ತಾಪ

ಸೆಪ್ಟೆಂಬರ್‌ನಲ್ಲಿ ಟೆಲಿಕಾಂ ನಿಯಂತ್ರಕವು ಶೂನ್ಯ ಅಂತರ್‌ಸಂಪರ್ಕ ಬಳಕೆಯ ಶುಲ್ಕದ (ಐಯುಸಿ) ಅನುಷ್ಠಾನ ಮುಂದೂಡುವ ಕುರಿತು ವಿಚಾರ ಪ್ರಸ್ತಾಪಿಸಿತ್ತು. ಗ್ರಾಹಕರು ಇನ್ನೂ ಸಂಪೂರ್ಣವಾಗಿ ಡೇಟಾ ಕರೆಗಳನ್ನು ಬಳಸುತ್ತಿಲ್ಲ. ಮತ್ತು ಆಪರೇಟರ್‌ಗಳ ನಡುವಿನ ಧ್ವನಿ ದಟ್ಟಣೆಯಲ್ಲಿ ಅಸಮತೋಲನ ಇನ್ನೂ ಇದೆ ಎನ್ನಲಾಗಿದೆ.

ಪರಿಷ್ಕರಿಸುವ ಬಗ್ಗೆ ಚರ್ಚೆ

ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್‌), ಬಿಎಕೆ (ಬಿಲ್ ಮತ್ತು ಕೀಪ್) ಅಥವಾ ಶೂನ್ಯ-ಮುಕ್ತಾಯ ಶುಲ್ಕ ಆಡಳಿತವನ್ನು ಅನುಷ್ಠಾನಗೊಳಿಸಲು ದಿನಾಂಕ ಪರಿಷ್ಕರಿಸುವ ಅಗತ್ಯತೆಯ ಬಗ್ಗೆ ಅಭಿಪ್ರಾಯಗಳನ್ನು ಕೋರಿತ್ತು. ಪರ್ಯಾಯ ದಿನಾಂಕವನ್ನು ನಿಗದಿಪಡಿಸಲು ಟ್ರಾಯ್‌ ಆಲೋಚಿಸುತ್ತಿದೆ.

ಜಿಯೋಗೆ ಹಿನ್ನಡೆ

ಶೂನ್ಯ-ಅಂತರ್‌ಸಂಪರ್ಕ ಬಳಕೆಯ ಅನುಷ್ಠಾನದ ಮುಂದೂಡಿಕೆಯನ್ನು ಜಿಯೋ ವಿರೋಧ ಮಾಡುತ್ತಿತ್ತು. ಆದರೆ, ವೊಡಾಫೋನ್‌ ಐಡಿಯಾ ಮತ್ತು ಭಾರ್ತಿ ಏರ್‌ಟೆಲ್‌ ಪರವಾಗಿ ಅನುಷ್ಠಾನವನ್ನು ಟ್ರಾಯ್‌ ಮುಂದೂಡಲು ಮುಂದಾಗಿರುವುದು ಜಿಯೋಗೆ ಹಿನ್ನಡೆಯಾದಂತಾಗಿದೆ.