ಕ್ರಿಕೆಟ್‌ ಬಾಲ್‌ನಂತೆ ಕಂಡರೂ ಇದರಲ್ಲಿ ಕ್ರಿಕೆಟ್‌ ಆಡೋಕೆ ಸಾಧ್ಯವಿಲ್ಲ! ಹಾಗಾದ್ರೆ ಏನಿದು?

ಹೌದು, ಗ್ರಾಹಕರನ್ನು ಆಕರ್ಷಿಸುವ ದೃಷ್ಟಿಯಿಂದ ಇಯರ್‌ಬಡ್ಸ್‌ಗಳ ವಿನ್ಯಾಸದಲ್ಲಿ ಅಗತ್ಯ ಬದಲಾವಣೆಗಳು ನಡೆಯುತ್ತಲೇ ಇವೆ. ಥೇಟ್‌ ಕ್ರಿಕೆಟ್‌ ಬಾಲ್‌ನಂತೆ ಕಾಣುವ ಈ ಜೋಡಿ ಇಯರ್‌ಬಡ್ಸ್‌ ನಿಮ್ಮ ಉತ್ಸಾಹವನ್ನು ಇನ್ನಷ್ಟು ಹೆಚ್ಚಿಸಲಿದೆ. ದೆಹಲಿ ಮೂಲದ ವೇರಬಲ್ಸ್ ಕಂಪನಿ ಉಬಾನ್ ಕಂಪೆನಿ ಕ್ರಿಕೆಟ್‌ ಬಾಲ್‌ ಮಾದರಿಯ ಇಯರ್‌ಬಡ್ಸ್‌ ಪರಿಚಯಿಸಿದೆ. ಈ ಬಾಲ್‌ ಮೂಲಕ ನೀವು ಕ್ರಿಕೆಟ್‌ ಆಡುವುದಕ್ಕೆ ಸಾದ್ಯವಿಲ್ಲ ಬದಲಿಗೆ ಮ್ಯೂಸಿಕ್‌ ಅನ್ನು ಮಾತ್ರ ಆಲಿಸಬಹುದಾಗಿದೆ. ಹಾಗಾದ್ರೆ ಕ್ರಿಕೆಟ್‌ ಬಾಲ್‌ನಂತೆ ಕಾಣುವ ಇಯರ್‌ಬಡ್ಸ್‌ ವಿಶೇಷತೆ ಏನು ಅನ್ನೊದನ್ನ ಈ ಲೇಖನದಲ್ಲಿ ತಿಳಿಸಿಕೊಡ್ತಿವಿ ಓದಿರಿ.

ದೆಹಲಿ ಮೂಲದ ವೇರಬಲ್ಸ್ ಕಂಪನಿ ಉಬಾನ್ ಹೊಸ ಜೋಡಿ ಇಯರ್‌ಬಡ್ಸ್‌ ಲಾಂಚ್‌ ಮಾಡಿದೆ. ಇದನ್ನು ಕ್ರಿಕೆಟ್ ಪ್ರೇಮಿಗಳಿಗಾಗಿಯೇ ವಿನ್ಯಾಸಗೊಳಿಸಲಾಗಿದೆ. ಇದನ್ನು ಉಬಾನ್‌ BT - 210 ಕ್ರಿಕೆಟ್ ಬಾಲ್ ವಾಯರ್‌ಲೆಸ್ ಇಯರ್‌ಬಡ್ಸ್‌ ಎಂದು ಹೆಸರಿಸಲಾಗಿದೆ. ಹಾಗಂತ ಈ ಕ್ರಿಕೆಟ್‌ ಬಾಲ್‌ನಲ್ಲಿ ನಿವು ಕ್ರಿಕೆಟ್‌ ಆಡಲು ಸಾದ್ಯವಲ್ಲ. ಬದಲಿಗೆ ಮ್ಯೂಸಿಕ್‌ ಅನ್ನು ಆಲಿಸುವುದಕ್ಕೆ ಸಾದ್ಯವಾಗಲಿದೆ. UBON BT-210 ಕ್ರಿಕೆಟ್ ಬಾಲ್ ಇಯರ್‌ಬಡ್ಸ್‌ ಡೀಪ್‌ ಬಾಸ್ ಮತ್ತು 20 ಗಂಟೆಗಳ ಅವಧಿಯ ಪ್ಲೇಟೈಮ್‌ ಅನ್ನು ನೀಡಲಿದೆ.

ಉಬಾನ್‌ BT-210 ಕ್ರಿಕೆಟ್ ಬಾಲ್ ವಾಯರ್‌ಲೆಸ್ ಇಯರ್‌ಬಡ್ಸ್‌

Ubon BT-210 ಕ್ರಿಕೆಟ್ ಬಾಲ್ ವೈರ್‌ಲೆಸ್ ಇಯರ್‌ಬಡ್ಸ್‌ ಕಾಂಡದ ವಿನ್ಯಾಸವನ್ನು ಹೊಂದಿವೆ. ಕ್ರಿಕೆಟ್‌ ಬಾಲ್‌ ಮಾದರಿಯಲ್ಲಿರುವ ವಿನ್ಯಾಸದಲ್ಲಿ ಕಾಣಲಿದೆ. ಇನ್ನು ಈ ಇಯರ್‌ಬಡ್ಸ್‌ 300mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, ಸಿಂಗಲ್‌ ಚಾರ್ಜ್‌ನಲ್ಲಿ 20 ಗಂಟೆಗಳ ಪ್ಲೇ ಟೈಂ ಅನ್ನು ನೀಡಲಿದೆ. ಈ ಇಯರ್‌ಬಡ್ಸ್‌ ಬೆವರು ನಿರೋಧಕವಾಗಿದ್ದು, ಜಿಮ್‌, ಸ್ಪೋರ್ಟ್ಸ್‌ ಟೈಂನಲ್ಲಿಯೂ ಬಳಸುವುದಕ್ಕೆ ಸೂಕ್ತವಾಗಿವೆ. ಅಲ್ಲದೆ ನೀವು ಕೆಲಸ ಮಾಡುವಾಗಲೂ ಕೂಡ ಬಳಸಬಹುದಾಗಿದೆ.

ಇನ್ನು ಈ ಇಯರ್‌ಬಡ್ಸ್‌ ನಲ್ಲಿ ಕರೆಗಳನ್ನು ಸ್ವೀಕರಿಸಲು ಟಚ್ ಕಂಟ್ರೋಲ್ ಫೀಚರ್ಸ್‌ ಅನ್ನು ಕೂಡ ನೀಡಲಿದೆ. ಇದು ಡ್ಯುಯಲ್ ಮೈಕ್ ಬೆಂಬಲವನ್ನು ಕೂಡ ಒಳಗೊಂಡಿದೆ. ಇದಲ್ಲದೆ ಈ ಇಯರ್‌ಬಡ್ಸ್‌ಗಳು ಆಪಲ್‌ನ ಸಿರಿ ಮತ್ತು ಗೂಗಲ್ ಅಸಿಸ್ಟೆಂಟ್‌ನಂತಹ ವರ್ಚುವಲ್ ಅಸಿಸ್ಟೆಂಟ್‌ ಅನ್ನು ಕೂಡ ಬೆಂಬಲಿಸಲಿದೆ. ಇದರೊಂದಿಗೆ ಯಶಸ್ವಿ ಆಟೋ-ಕನೆಕ್ಟ್‌ ನಂತರ ಈ ಇಯರ್‌ಬಡ್‌ಗಳನ್ನು ಪ್ರತ್ಯೇಕವಾಗಿ ಬಳಸುವುದಕ್ಕೆ ಕೂಡ ಅವಕಾಶವಿದೆ.

ಈ ಕ್ರಿಕೆಟ್‌ ಬಾಲ್‌ ಮಾದರಿಯ ಇಯರ್‌ಬಡ್ಸ್‌ಗಳ ಬಗ್ಗೆ ಉಬಾನ್‌ ಕಂಪೆನಿಯ ಎಂಡಿ ಮತ್ತು ಸಹ-ಸಂಸ್ಥಾಪಕ ಮಂದೀಪ್ ಅರೋರಾ ಮಾಹಿತಿ ನೀಡಿದ್ದಾರೆ. ನಾವು ವಾಯರ್‌ಲೆಸ್‌ ಇಯರ್‌ಬಡ್ಸ್‌ ವಿಭಾಗದಲ್ಲಿ ವೈವಿಧ್ಯತೆಯನ್ನು ತರುವ ಗುರಿಯೊಂದಿಗೆ, ನಮ್ಮ ಗ್ರಾಹಕರಿಗೆ ಅತ್ಯುತ್ತಮ ಸೇವೆ ಸಲ್ಲಿಸುವ ಪ್ರಯತ್ನ ಮಾಡುತ್ತಿದ್ದೆವೆ. ಈ ನಿಟ್ಟಿನಲ್ಲಿ ಉಬಾನ್‌ BT-210 ಕ್ರಿಕೆಟ್ ಬಾಲ್ ವಾಯರ್‌ಲೆಸ್‌ ಇಯರ್‌ಬಡ್ಸ್‌ ಸೃಜನಶೀಲತೆ ಮತ್ತು ಕಠಿಣ ಪರಿಶ್ರಮಕ್ಕೆ ಒಂದು ಉದಾಹರಣೆಯಾಗಿದೆ. ಇದು ನಮ್ಮ ಉತ್ಪನ್ನದ ವಿನ್ಯಾಸದಲ್ಲಿ ಪ್ರತಿಫಲಿಸುತ್ತದೆ. ಈ ಇಯರ್‌ಬಡ್ಸ್‌ಗಳನ್ನು ನೀವು ವ್ಯಾಯಾಮದ ಸಮಯದಲ್ಲಿ ಜಿಮ್ನಲ್ಲಿ ಕೂಡ ಬಳಸಬಹುದು. ಕ್ರಿಕೆಟ್‌ ನೋಡುತ್ತಾ ಮ್ಯೂಸಿಕ್‌ ಆಲಿಸುವುದಕ್ಕೂ ಇದು ಸೂಕ್ತವಾಗಿದೆ ಎಂದಿದ್ದಾರೆ.

ಬೆಲೆ ಮತ್ತು ಲಭ್ಯತೆ

ಕ್ರಿಕೆಟ್‌ ಬಾಲ್‌ ವಿನ್ಯಾಸವನ್ನು ಹೊಂದಿರುವ Ubon BT-210 ಕ್ರಿಕೆಟ್ ಬಾಲ್ ವಾಯರ್‌ಲೆಸ್ ಇಯರ್‌ಬಡ್ಸ್‌ ಭಾರತದಲ್ಲಿ 3299 ರೂ. ಬೆಲೆ ಹೊಂದಿದೆ. ಈ ಇಯರ್‌ಬಡ್ಸ್‌ಗಳು ಆರು ತಿಂಗಳ ವಾರಂಟಿಯೊಂದಿಗೆ ಬರುತ್ತವೆ. ಇವುಗಳಲ್ಲಿ ಫ್ಲಿಪ್‌ಕಾರ್ಟ್, ಅಮೆಜಾನ್ ಮತ್ತು UBON ನ ಅಧಿಕೃತ ವೆಬ್‌ಸೈಟ್‌ ಮೂಲಕ ಖರೀದಿಸಬಹುದಾಗಿದೆ. ಜೊತೆಗೆ ನಿಮ್ಮ ಹತ್ತಿರದ ರಿಟೇಲ್‌ ಸ್ಟೋರ್‌ಗಳಲ್ಲಿಯು ಕೂಡ ಖರೀದಿಗೆ ಲಭ್ಯವಾಗಲಿದೆ.