ಭಾರತಕ್ಕೆ ಕಾಲಿಟ್ಟ ಹೈಪರ್ ಲೂಪ್: ಎಲ್ಲಿಂದ-ಎಲ್ಲಿಗೆ..?

ಏನೀದು ಹೈಪರ್ ಲೂಪ್:

ಮುಂದಿನ ತಲೆಮಾರಿನ ಸಾರಿಗೆ ವ್ಯವಸ್ಥೆ ಎಂದೇ ಬಿಂಬಿತವಾಗಿರುವ ಹೈಪರ್ ಲೂಪ್, ವಿಮಾನಕ್ಕಿಂತಲೂ ವೇಗವಾಗಿ ಒಂದು ಭಾಗದಿಂದ ಮತ್ತೊಂದು ಭಾಗಕ್ಕೆ ಜನರನ್ನು ಕೊಂಡೊಯ್ಯುವ ಸಾಮರ್ಥ್ಯವನ್ನು ಹೊಂದಿದೆ. ಗಂಟೆಗೆ 1200 ಕಿಮೀ ವೇಗದಲ್ಲಿ ಸಂಚರಿಸಲಿದೆ ಎನ್ನಲಾಗಿದೆ. ಈ ಹೊಸ ಸಾರಿಗೆ ವ್ಯವಸ್ಥೆಯನ್ನು 2013ರಲ್ಲಿ ಇಲೋನ್ ಮಾಸ್ಕ್ ಪರಿಚಯಿಸಿದ್ದು, ಎನ್ನಲಾಗಿದೆ.

ಹೇಗೆ ಹೈಪರ್ ಲೂಪ್ ಕಾರ್ಯನಿರ್ವಹಿಸುತ್ತದೆ?

ಇದು ಕೊಳವೆ ಮಾರ್ಗದಲ್ಲಿ ಸಂಚರಿಸುವ ವಾಹನದಾಗಿದ್ದು, ವಾಕ್ಯೂಮ್ ಮಾದರಿಯಲ್ಲಿ ಕಡಿಮೆ ಒತ್ತಡ ಗಾಳಿಯೊಂದಿಗೆ ಸೇರಿ ಎಲೆಕ್ಟ್ರೋ ಮಾಗ್ನೆಟಿಕ್ ಮೋಟರ್ ಮೂಲಕ ಸಂಚರಿಸಲಿದೆ. ಈ ವಾಹನವು ಕ್ಯಾಪ್ಸೂಲ್ ಮಾದರಿಯಲ್ಲಿ ಇರಲಿದೆ.

ಈ ಟ್ಯೂಬ್ ಗಳು ಗುಣಮಟ್ಟದಿಂದ ಮಾಡಲ್ಪಟ್ಟಿದ್ದು, ಹವಾಗುಣ ಬದಲಾದರೂ, ಭೂಕಂಪನ ಸಂಭವಿಸಿದರೂ ಏನು ಆಗುವುದಿಲ್ಲ ಎನ್ನಲಾಗಿದೆ. ಅಲ್ಲದೇ ಈ ಕೊಳವೆಗಳ ಮೇಲೆ ಸೋಲಾರ್ ಪ್ಯಾನಲ್ ಗಳನ್ನು ಅಳವಡಿಸುವ ಚಿಂತನೆಯು ನಡೆಯುತ್ತಿದೆ.

ಭಾರತದಲ್ಲಿ ಹೈಪರ್ ಲೂಪ್:

ಹೈಪರ್ ಲೂಪ್ ಭಾರತದಲ್ಲಿ ಕಾಲಿಡಲು ಮುಂದಾಗಿದ್ದು, ಎಲ್ಲವೂ ಅಂದುಕೊಂಡತೆ ಜರುಗಿದರೆ ವಿಜಯವಾಡ ಮತ್ತು ಅಮರಾವತಿಯ ನಡುವೆ ಮೊದಲ ಹೈಪರ್ ಲೂಪ್ ಮಾರ್ಗ ನಿರ್ಮಾಣವಾಗಲಿದೆ. 35 ಕಿಮೀಗಳ ಹಾದಿಯನ್ನು ಕೆಲ ನಿಮಿಷಗಳಲ್ಲಿ ಕ್ರಮಿಸಬಹುದಾಗಿದೆ. ಆದರೆ ದರಗಳ ಬಗ್ಗೆ ಇನ್ನು ಯಾವುದೇ ಮಾಹಿತಿಯೂ ಲಭ್ಯವಾಗಿಲ್ಲ.