ವಾಟ್ಸಪ್‌ನ ಈ ಹೊಸ ಫೀಚರ್ಸ್‌ ಖಂಡಿತಾ ನಿಮಗೆ ಉಪಯುಕ್ತ!

ಫಿಂಗರ್‌ಪ್ರಿಂಟ್ ಲಾಕ್‌

ಬಳಕೆದಾರರ ಖಾಸಗಿತನಕ್ಕೆ ಹೆಚ್ಚು ಭದ್ರತೆ ನೀಡುವ ಉದ್ದೇಶದಿಂದ ಈ ಫೀಚರ್‌ ಹೆಚ್ಚು ಉಪಯುಕ್ತ ಎನಿಸಲಿದೆ. ಆಂಡ್ರಾಯ್ಡ್‌ ಸ್ಮಾರ್ಟ್‌ಫೋನ್‌ಗಳಲ್ಲಿ ವಾಟ್ಸಪ್‌ ಆಪ್‌ ಅನ್ನು ಬೆರಳ ಗುರುತಿನ ಮೂಲಕ (Fingerprint) ಲಾಕ್‌ ಮಾಡಬಹುದಾದ ಆಯ್ಕೆ ಇದಾಗಿರಲಿದೆ. ಈ ಆಯ್ಕೆಯನ್ನು ಸಕ್ರಿಯ ಮಾಡಿಕೊಂಡರೇ ಪ್ರತಿ ಬಾರಿ ವಾಟ್ಸಪ್ ತೆರೆಯಬೇಕಿದ್ದರೂ ಬಳಕೆದಾರರು ಫಿಂಗರ್‌ಪ್ರಿಂಟ್ ಅಗತ್ಯವಿರುತ್ತದೆ.

ವಾಟ್ಸಪ್ ಕಾಂಟ್ಯಾಕ್ಟ್‌ ರಾಂಕ್‌(Ranking)

ವಾಟ್ಸಪ್ ಮೆಸೆಜಿಂಗ್ ಆಪ್‌ನಲ್ಲಿ ಬಳಕೆದಾರರು ಪ್ರತಿನಿತ್ಯ ಅನೇಕರೊಂದಿಗೆ ಚಾಟ್‌ ಮಾಡುತ್ತಿರುತ್ತಾರೆ, ಆದರೆ ಇನ್ಮುಂದೆ ಹೆಚ್ಚಾಗಿ ಚಾಟ್‌ ಮಾಡುವ ಕಾಂಟ್ಯಾಕ್ಟ್‌ಗಳಿಗೆ ವಾಟ್ಸಪ್‌ ಆಟೋಮ್ಯಾಟಿಕ್ ಆಗಿ ರಾಂಕಿಂಗ್ ಮಾಡುತ್ತದೆ. ರಾಂಕಿಂಗ್ ಆಗುವ ವಾಟ್ಸಪ್‌ ಕಾಂಟ್ಯಾಕ್ಟ್‌ಗಳು ಯಾವಾಗಲೂ ಚಾಟ್‌ ಲಿಸ್ಟ್‌ನಲ್ಲಿ ಮೊದಲಿನಲ್ಲೇ ಕಾಣಿಸಿಕೊಳ್ಳುತ್ತವೆ. ಈ ಫೀಚರ್‌ ಹೆಚ್ಚು ಉಪಯುಕ್ತ ಎನಿಸುವುದಂತು ಸುಳ್ಳಲ್ಲ ಬಿಡಿ.

ಶೇರ್‌ ವಾಟ್ಸಪ್‌ ಸ್ಟೇಟಸ್‌

ವಾಟ್ಸಪ್‌ ಪರಿಚಯಿಸಿದ್ದ 24 ಗಂಟೆಯ ಅವಧಿಯ ಸ್ಟೇಟಸ್‌ ಇಡುವ ಆಯ್ಕೆಯು ಸಖತ ಜನಪ್ರಿಯವಾಗಿದ್ದು, ಈಗ ಸ್ಟೇಟಸ್‌ ಅನ್ನು ಶೇರ್‌ ಮಾಡುವ ಹೊಸ ಆಯ್ಕೆಯನ್ನು ಸೇರಿಸಲು ಕಂಪನಿಯು ಸಿದ್ಧವಾಗಿದೆ. ಬಳಕೆದಾರರು ವಾಟ್ಸಪ್‌ಗೆ ಇಡುವ ಸ್ಟೇಟಸ್‌ ಅನ್ನು ಫೇಸ್‌ಬುಕ್‌ ಮತ್ತು ಇನ್‌ಸ್ಟಾಗ್ರಾಂ ಸೇರಿದಂತೆ ಇತರೆ ಫೇಸ್‌ಬುಕ್‌ ಸಂಸ್ಥೆಯ ಇತರೆ ಯಾವುದೇ ಆಪ್ಸ್‌ಗಳಿಗೆ ನೇರವಾಗಿ ಶೇರ್‌ ಮಾಡುವ ಅವಕಾಶವನ್ನು ಈ ಫೀಚರ್‌ ಮಾಡಿಕೊಡಲಿದೆ.

ಹೈಡ್‌ ಮ್ಯೂಟೆಡ್‌ ಸ್ಟೇಟಸ್‌

ವಾಟ್ಸಪ್‌ನಲ್ಲಿ ಹೊಸ 'ಹೈಡ್‌ ಮ್ಯೂಟೆಡ್‌ ಸ್ಟೇಟಸ್‌' ಆಯ್ಕೆಯು ಆಂಡ್ರಾಯ್ಡ್‌ ಬೇಟಾ 2.19.183 ವರ್ಷನ್‌ನಲ್ಲಿ ಕಾಣಿಸಿಕೊಳ್ಳಲಿದ್ದು, ಈ ಫೀಚರ್ ಆಯ್ದ ಕಾಂಟ್ಯಾಕ್ಟ್ ನಂಬರ್‌ಗೆ ವಾಟ್ಸಪ್‌ ಸ್ಟೇಟಸ್‌ ಕಾಣದಂತೆ ಮಾಡಲು ನೆರವಾಗಲಿದೆ. ಹೊಸದಾಗಿ ಹೈಡ್‌ ಬಟನ ಸೇರಲಿದ್ದು, ಅದನ್ನು ಒತ್ತಿದಾಗ ಮ್ಯೂಟ್‌ ಮಾಡಿದ ಸ್ಟೇಟಸ್‌ಗಳೆಲ್ಲವು ಅಳಸಿ ಹೋಗುತ್ತವೆ. ಹಾಗೆಯೇ ಶೋ ಬಟನ್ ನೀಡಲಿದ್ದು, ಮತ್ತೆ ಎಲ್ಲವು ಕಾಣಿಸಿಕೊಳ್ಳಲಿವೆ.

ಡಾರ್ಕ್‌ ಮೋಡ್‌

ಈಗಾಗಲೇ ವಾಟ್ಸಪ್‌ ಬಳಕೆದಾರರು ಬಹುನಿರೀಕ್ಷೆಯಿಂದ ಕಾಯುತ್ತಿರುವ 'ಡಾರ್ಕ್‌ ಮೋಡ್‌' ಫೀಚರ್ ಆಯ್ಕೆ ಸದ್ಯದಲ್ಲೇ ಆಪ್‌ ಸೇರಿಕೊಳ್ಳಲಿದೆ. ರಾತ್ರಿ ಸಮಯದಲ್ಲಿ ಫೋನ್‌ ಡಿಸ್‌ಪ್ಲೇಯ ಬೆಳಕಿನ ಪ್ರಖರತೆಯನ್ನು ತಗ್ಗಿಸಲು ಈ ಫೀಚರ್ ಹೆಚ್ಚು ಪರಿಣಾಮಕಾರಿ ಎನ್ನುವುದು ನಿಮಗೆಲ್ಲಾ ತಿಳಿದೆ ಇದೆ. ಬಹುತೇಕ ಆಪ್‌ಗಳಲ್ಲಿ ಈಗಾಗಲೇ ಈ ಫೀಚರ್‌ ಚಾಲ್ತಿಯಲ್ಲಿದ್ದು, ವಾಟ್ಸಪ್‌ ಸಹ ಸ್ವಲ್ಪ ಬದಲಾವಣೆಗಳೊಂದಿಗೆ ಡಾರ್ಕ್‌ ಮೋಡ್‌ ಆಯ್ಕೆ ಪರಿಚಯಿಸಲಿದೆ.