ಫ್ಲ್ಯಾಶ್‌ ಸೇಲ್‌ನಲ್ಲೇ ಬಂಪರ್ ಹೊಡೆದ ಶ್ಯೋಮಿಯ ಎಮ್ಐ 5 ಎಕ್ಸ್

ಶ್ಯೋಮಿಯು ಎಮ್ಐ 5 ಎಕ್ಸ್ ಮತ್ತು MIUI 9 ಅನ್ನು ಹೊರತಂದಿದ್ದು, ಈ ಫೋನ್‌ನ ಮಾರಾಟವು ಚೀನಾದಲ್ಲಿ ಆಗಸ್ಟ್ 1 ರಿಂದ ನಡೆಯಲಿದೆ. ಇನ್ನು ಮೂಲಗಳ ಪ್ರಕಾರ ಶ್ಯೋಮಿಯು ಎಮ್ಐ 5 ಎಕ್ಸ್ ಮಾರಾಟವು ಕಂಪೆನಿಯ ತವರೂರಿನಲ್ಲಿ ನಡೆಯಲಿದೆ.

ಶ್ಯೋಮಿ ಸಹಸಂಸ್ಥಾಪಕರಾದ ಲಿನ್ ಬಿನ್ ಹೇಳಿರುವಂತೆ ಎಮ್ಐ 5 ಎಕ್ಸ್‌ನ 300,000 ಯೂನಿಟ್‌ಗಳು ಪ್ರಥಮ ಸೇಲ್‌ನಲ್ಲೇ ಮಾರಾಟವಾಗಿದೆ ಎಂದಾಗಿದೆ. ಈ ಸಲುವಾಗಿ ಅವರು ಡಿವೈಸ್‌ನ ಬ್ರ್ಯಾಂಡ್ ಅಂಬಾಸಿಡರ್ ಆಗಿರುವ ವು ಯಿಫಾನ್‌ಗೆ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.

ಎಮ್ಐ 5 ಎಕ್ಸ್‌ನ ಪ್ರಥಮ ಫ್ಲ್ಯಾಶ್ ಸೇಲ್ ಮುಗಿದಿದ್ದು ಇದರ ಎರಡನೇ ಮಾರಾಟವು ಆಗಸ್ಟ್ 5 ಕ್ಕೆ ಬೆಳಗ್ಗೆ 10 ರಿಂದ ಆರಂಭವಾಗಲಿದೆ ಎಂದಾಗಿದೆ. ಇದು ಮಧ್ಯಮ ಶ್ರೇಣಿಯ ಡಿವೈಸ್ ಆಗಿದ್ದು ಶ್ಯೋಮಿಯ ಮೂರನೆಯ ಸ್ಮಾರ್ಟ್‌ಫೋನ್ ಡ್ಯುಯಲ್ ಲೆನ್ಸ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಪಡೆದುಕೊಂಡಿದೆ ಎಂದಾಗಿದೆ.

ಇದು ನಮ್ಮ ಫೋನ್‌ಗೆ ಫ್ಲ್ಯಾಗ್‌ಶಿಪ್ ಮಾದರಿಯ ಗೌರವವನ್ನು ತಂದುಕೊಟ್ಟಿದ್ದು ಎಮ್ಐ 6 ನಲ್ಲಿರುವ ಅದೇ ಸೆನ್ಸಾರ್‌ಗಳು ಈ ಡಿವೈಸ್‌ನಲ್ಲಿದೆ. ಆದರೆ ಕ್ಯಾಮೆರಾ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದು ಮಾತ್ರ ತಿಳಿದು ಬಂದಿಲ್ಲ.

ರೆಡ್ಮಿ ನೋಟ್ 4 ಸ್ಫೋಟಕ್ಕೆ ಕಾರಣ ತಿಳಿಸಿದ ಶಿಯೋಮಿ ಕಂಪೆನಿ!! ಏನು ಗೊತ್ತಾ?

ಎಮ್ಐ 5 ಎಕ್ಸ್‌ನ ವಿಶೇಷತೆಗಳನ್ನು ನೋಡುವುದಾದರೆ 5.5 ಇಂಚಿನ ಎಫ್‌ಎಚ್‌ಡಿ 1080 ಪಿ ಡಿಸ್‌ಪ್ಲೇಯನ್ನು ಫೋನ್ ಪಡೆದುಕೊಂಡಿದ್ದು ಕ್ವಾಲ್‌ಕಾಮ್ ಸ್ನ್ಯಾಪ್‌ಡ್ರ್ಯಾಗನ್ 625 ಸಾಕ್ ಇದರಲ್ಲಿದೆ ಮತ್ತು 4 ಜಿಬಿ RAM ಅನ್ನು ಫೋನ್ ಒಳಗೊಂಡಿದೆ. ಡಿವೈಸ್‌ನಲ್ಲಿ 64 ಜಿಬಿ ಸಂಗ್ರಹಣೆ ಕೂಡ ಇದೆ. ಬ್ಯಾಟರಿ 3080 mAh ಆಗಿದೆ. ಎಮ್ಐ 5 ಎಕ್ಸ್‌ ಇನ್ನೊಂದು ವಿಶೇಷತೆ ಎಂದರೆ MIUI 9 ಆಧಾರಿತ ಆಂಡ್ರಾಯ್ಡ್ ನಾಗಟ್ ಇದರಲ್ಲಿದೆ.

ಈ ಡಿವೈಸ್ ಮೂರು ಬಣ್ಣಗಳಲ್ಲಿ ಲಭ್ಯವಿದೆ. ಕಪ್ಪು, ಚಿನ್ನದ ಬಣ್ಣ ಮತ್ತು ಗುಲಾಬಿ ಬಣ್ಣ. ಬೆಲೆ 1499 ಯುವಾನ್ ಆಗಿದ್ದು (ಭಾರತೀಯ ಬೆಲೆ ರೂ 14,000) ವಾಗಿದೆ. ಫೋನ್ ಬೆಲೆ ಆಕರ್ಷಕವಾಗಿದ್ದು ಬೆಲೆಯು ಡಿವೈಸ್‌ನಲ್ಲಿರುವ ವೈಶಿಷ್ಟ್ಯಗಳಿಗೆ ಪೂರಕ ಎಂದೆನಿಸಿದೆ.