ಸೇಲ್ ಆರಂಭವಾದ 10 ನಿಮಿಷದಲ್ಲಿ Redmi 3S, Redmi 3S Prime ಸೋಲ್ಡ್ ಔಟ್

ಮಧ್ಯಾಹ್ನ 12 ಗಂಟೆಗೆ ಆರಂಭವಾಗಿದ್ದ ಫ್ಲಾಷ್ ಸೇಲ್:

ಇಂದು 12 ಗಂಟೆಗೆ ಫ್ಲಿಪ್‌ಕಾರ್ಟ್ನಲ್ಲಿ ಆರಂಭವಾದ ರೆಡ್‌ಮಿ 3ಎಸ್ ಮತ್ತು ರೆಡ್‌ಮಿ 3ಎಸ್ ಪ್ರೈಮ್ ಫ್ಲಾಷ್ ಸೇಲ್ ನಲ್ಲಿ ಕೆಲವೇ ಕ್ಷಣಗಳಲ್ಲಿ ಹಾಟ್ ಕೇಕ್ ನಂತೆ ಸೇಲ್ ಆಗಿವೆ. ಹಿಂದಿನಂತೆ ಈ ಬಾರಿಯ ಸೇಲ್ ಗೆ ಯಾವುದೇ ನೋಂದಣಿಯನ್ನು ಮಾಡಿಕೊಳ್ಳುವ ಅವಶ್ಯಕತೆ ಇರಲಿಲ್ಲ ಹಾಗಾಗಿ ಗ್ರಾಹಕರು ಒಮ್ಮೆಗೆ ಮುಗಿಬಿದ್ದು ಈ ಪೋನ್ ಗಳನ್ನು ಖರೀದಿಸಿದ್ದಾರೆ.

ಮೂರು ಬಣ್ಣದ ಪೋನ್ ಗಳ ಮಾರಾಟ:

ಮೂರು ಬಣ್ಣಗಳಲ್ಲಿ ಈ ಪೋನ್ ಗಳನ್ನು ಫ್ಲಿಪ್‌ಕಾರ್ಟ್ ಸೇಲಿಗೆ ಇಟ್ಟಿತ್ತು ಚಿನ್ನ, ಬೆಳ್ಳಿ ಮತ್ತು ಬೂದು ಬಣ್ಣಗಳಲ್ಲಿ ಎರಡೂ ಫೋನ್ ಗಳ ಮಾರಾಟ ಆರಂಭಿಸಿತ್ತು. 3GB RAM ಮತ್ತು 32GB ಸಾಮಾರ್ಥ್ಯದ ರೆಡ್‌ಮಿ 3ಎಸ್ ಸ್ಮಾರ್ಟ್‌ಪೋನಿನ ಬೆಲೆಯನ್ನು ರೂ 8.999 ನಿಗಧಿ ಮಾಡಿತ್ತು. ಹಾಗಾಗೇ 2GB RAM ಮತ್ತು 16GB ಸಾಮಾರ್ಥ್ಯದ ರೆಡ್‌ಮಿ 3ಎಸ್ ನ ಬೆಲೆಯನ್ನು 6,999 ರೂಗಳಿಗೆ ನಿಗಧಿ ಮಾಡಿತ್ತು.

ರೆಡ್‌ಮಿ 3ಎಸ್ ಮತ್ತು ರೆಡ್‌ಮಿ 3ಎಸ್ ಪ್ರೈಮ್ ವಿಶೇಷತೆಗಳು:

ಈ ಎರಡು ಪೋನ್ ಗಳು 5 ಇಂಚಿನ HD ಡಿಸ್‌ಪ್ಲೇ ಹೊಂದಿದ್ದು, ಲೋಹದ ದೇಹದ, 1.4GHz ಆಕ್ಟಾ ಕೋರ್ ಕ್ವಾಲ್ಕಾಮ್ ಸ್ನಾಪ್ಡ್ರಾಗನ್ 430 ಪ್ರೊಸೆಸರ್ ನಲ್ಲಿ ಕಾರ್ಯ ನಿರ್ವಹಿಸುತ್ತವೆ, 128GB ಗೆ ಮೆಮೊರಿ ವಿಸ್ತರಿಸಲು ಈ ಪೋನಿನಲ್ಲಿ ಅವಕಾಶವಿದೆ. 4100mAh ಬ್ಯಾಟರಿ ಮತ್ತು ಹಿಂಭಾಗದ 13MP ಕ್ಯಾಮೆರಾ ಈ ಎರಡು ಪೋನ್‌ನಿನಲ್ಲಿದೆ.

10 ನಿಮಿಷಕ್ಕೆ ಸೋಲ್ಡ್ ಔಟ್:

ಹೀಗಾಗಿ ಕಡಿಮೆ ದರದಲ್ಲಿ ಪೋನ್ ಮಾರಾಟಕ್ಕೆ ಇಟ್ಟ ಹಿನ್ನಲೆಯಲ್ಲಿ 10 ನಿಮಿಷದಲ್ಲಿ ಎಲ್ಲಾ ಪೋನುಗಳು ಮಾರಾಟವಾಗಿವೆ. ಸೇಲ್ ಆರಂಭವಾದ 30 ನಿಮಿಷ ಬಿಟ್ಟು ಫ್ಲಿಪ್‌ಕಾರ್ಟ್ ನೋಡಿದವರಿಗೆ ಸೋಲ್ಡ್ ಔಟ್ ಎಂಬ ಬೋರ್ಡು ತೂಗಿಹಾಕಲಾಗಿತ್ತು.