ಅಮೆರಿಕಾದಲ್ಲಿ ಫೇಸ್‌ಬುಕ್ ಸ್ಥಾನವನ್ನು ಕಿತ್ತುಕೊಂಡಿತು 'ಯೂಟ್ಯೂಬ್'!!

ಅಂತರ್ಜಾಲ ಪ್ರಪಂಚದಲ್ಲಿ ಗೂಗಲ್‌ಗೆ ಭಾರೀ ಪೈಪೋಟಿ ನೀಡುತ್ತಿರುವ ಮಾರ್ಕ್​ ಜುಕರ್​ಬರ್ಗ್​ ಒಡೆತನದ ಸಾಮಾಜಿಕ ಜಾಲತಾಣ 'ಫೇಸ್​ಬುಕ್' ಅಮೆರಿಕಾದಲ್ಲಿ ಹಿಂದೆ ಬಿದ್ದಿದೆ. ಇತ್ತೀಚಿನ ವರದಿಗಳ ಪ್ರಕಾರ, ಸುಮಾರು ಎರಡು ವರ್ಷದ ಬಳಿಕ ಫೇಸ್​ಬುಕ್​ ಅಮೆರಿಕಾದಲ್ಲಿ ಮೂರನೇ ಸ್ಥಾನಕ್ಕೆ ಕುಸಿದಿದ್ದು, ಗೂಗಲ್​ ಒಡೆತನದ ಯೂಟ್ಯೂಬ್‌ಗೆ ತನ್ನ ಸ್ಥಾನವನ್ನು ಬಿಡ್ಡುಕೊಟ್ಟಿದೆ.

ಅಮೆರಿಕದಲ್ಲೇ ಅತ್ಯಂತ ಹೆಚ್ಚು ಬಳಕೆದಾರರನ್ನು ಹೊಂದಿರುವ ವೆಬ್​ಸೈಟ್​ಗಳ ಎರಡನೇ ಸ್ಥಾನದಲ್ಲಿದ್ದ ಫೇಸ್‌ಬುಕ್ ಸರಿಸುಮಾರು 4 ಬಿಲಿಯನ್ ಪೇಜ್​ ವಿಸಿಟರ್​ಗಳನ್ನು ಕಳೆದುಕೊಳ್ಳುವ ಮೂಲಕ ತನ್ನ ಸ್ಥಾನವನ್ನು ಬಿಟ್ಟುಕೊಟ್ಟಿದೆ. ಮೊದಲು 8.5 ಬಿಲಿಯನ್​ ಪೇಜ್​ ವಿಸಿಟರ್​ಗಳನ್ನು ಹೊಂದಿದ್ದ ಪೇಸ್‌ಬುಕ್, ಕಳೆದ ಈಗ ಕೇವಲ 4.7 ಬಿಲಿಯನ್ ಪೇಜ್​ ವಿಸಿಟರ್​ಗಳನ್ನು ಹೊಂದಿದೆ.

ಸಿಮಿಲರ್​ವೆಬ್​ ಎಂಬ ಅಧ್ಯಯನ ಸಂಸ್ಥೆ ನಡೆಸಿದ ಸಮೀಕ್ಷಾ ವರದಿಯನ್ನು ಸಿಎನ್​ಬಿಸಿ ಪ್ರಕಟಿಸಿ ಈ ಮಾಹಿತಿಯನ್ನು ಹೊರಹಾಕಿದ್ದು, ಗೂಗಲ್​ನ ಆಲ್ಫಬೆಟ್​ ಸಂಸ್ಥೆಯ ಯೂಟ್ಯೂಬ್​ ದಿನದಿಂದ ದಿನಕ್ಕೆ ತನ್ನ ಬಳಕೇದಾರರ ಸಂಖ್ಯೆಯಲ್ಲಿ ಏರಿಕೆಯನ್ನು ಕಂಡಿದೆ, ಕಳೆದ ಎರಡು ವರ್ಷದಿಂದ ತನ್ನ ವೀಕ್ಷಕರ ಸಂಖ್ಯೆಯಲ್ಲೂ ಏರಿಕೆ ಕಂಡಿದೆ ಎಂದು ಸಿಮಿಲರ್​ವೆಬ್​ ವರದಿ ಮಾಡಿದೆ.

ಇನ್ನು ಗೂಗಲ್ ನೀಡಿರುವ ಒಂದು ವರದಿ ಪ್ರಕಾರ ಭಾರತದ ಶೇ.80 ಇಂಟರ್ನೆಟ್ ಬಳಕೆದಾರರು ಯೂಟ್ಯೂಬ್ ವೀಕ್ಷಿಸುತ್ತಿದ್ದಾರೆ. ಭಾರತದಲ್ಲಿ 2014ರಲ್ಲಿ 10 ಲಕ್ಷಕ್ಕಿಂತ ಸಬ್​ಸ್ಕ್ರೈಬರ್ಸ್ ಹೊಂದಿರುವ ಯೂಟ್ಯೂಬ್ ಚಾನಲ್​ಗಳ ಸಂಖ್ಯೆ ಕೇವಲ 16 ಇತ್ತು. ಆದರೆ, 10 ಲಕ್ಷಕ್ಕಿಂತ ಸಬ್​ಸ್ಕ್ರೈಬರ್ಸ್ ಹೊಂದಿರುವ ಯೂಟ್ಯೂಬ್ ಚಾನಲ್​ಗಳು ಈಗ 300 ಸಂಖ್ಯೆಯನ್ನು ಮೀರಿದೆ.

ಯೂಟ್ಯೂಬ್​ನಂಥ ವಿಡಿಯೋ ಪ್ಲಾಟ್​ಫಾರ್ಮ್​ ಬಗ್ಗೆ ಜನರಿಗೆ ಈಗೀಗ ಆಸಕ್ತಿ ಹೆಚ್ಚಾಗುತ್ತಿದೆಯಂತೆ. ಭಾರತದಲ್ಲಿ 18 ವರ್ಷ ಮೇಲ್ಪಟ್ಟ ಸಕ್ರಿಯ ಇಂಟರ್‌ನೆಟ್ ಬಳಕೆದಾರರ ಪೈಕಿ ಶೇ.85ರಷ್ಟು ಜನರು ಯೂಟ್ಯೂಬ್ ತೆರೆದು ವೀಕ್ಷಿಸುತ್ತಾರಂತೆ ಮತ್ತು 2020ರ ವೇಳೆಗೆ ಇಂಟರ್ನೆಟ್​ನಲ್ಲಿ ವಿಡಿಯೋ ವೀಕ್ಷಿಸಲಿರುವ ಜನರ ಪ್ರಮಾಣ 50 ಕೋಟಿ ಮೀರಲಿದೆಯಂತೆ.

ಓದಿರಿ: ಟ್ರಾಫಿಕ್ ಪೊಲೀಸರಿಗೆ ಶಾಕ್ ನೀಡಿದ ಸರ್ಕಾರ!..ಸಾರ್ವಜನಿಕರಿಗೆ ಸಿಹಿಸುದ್ದಿ!!