ಜಲಪಾತದಿಂದ ಬಿದ್ದು ದುರಂತ ಅಂತ್ಯ ಕಂಡ ಮೂವರು ಯೂಟ್ಯೂಬ್ ಸ್ಟಾರ್‌ಗಳು

ಜಲಪಾತದ ತುದಿಯಲ್ಲಿ 100 ಅಡಿ ದೂರ ಪ್ರಯಾಣ

ಬ್ರಿಟಿಷ್ ಕೋಲಂಬಿಯಾದ ಮೂರನೇ ಅತಿ ಎತ್ತರದ ಜಲಪಾತವಾಗಿರುವ ಶಾನನ್ ಜಲಪಾತದ ಮೇಲಿನಿಂದ ಬಿಳುವುದಕ್ಕಿಂತ ಮುನ್ನ ಮೇಲಿನ ಕೊಳದಲ್ಲಿ ಸ್ವಿಮ್ಮಿಂಗ್ ಮಾಡಿ ನಂತರ ಸುಮಾರು 100 ಅಡಿ ಜಲಪಾತದ ತುದಿಯಲ್ಲಿ ನಡೆದಿದ್ದರು ಎಂದು ವರದಿಯಾಗಿದೆ.

5 ಲಕ್ಷಕ್ಕೂ ಹೆಚ್ಚು ಸಬ್‌ಸ್ಕ್ರೈಬರ್‌ಗಳು

ಈ ಮೂವರ ಹೈ ಆನ್ ಲೈಫ್ ಯೂಟ್ಯೂಬ್ ಚಾನಲ್ 5 ಲಕ್ಷಕ್ಕೂ ಹೆಚ್ಚು ಸಬ್‌ಸ್ಕ್ರೈಬರ್‌ಗಳನ್ನು ಹಾಗೂ 1.1 ಮಿಲಿಯನ್ ಇನ್‌ಸ್ಟಾಗ್ರಾಂ ಫಾಲೋವರ್‌ಗಳನ್ನು ಹೊಂದಿತ್ತು. ಹೈ ಆನ್ ಲೈಫ್ ರೈಕರ್ ಗಾಂಬ್ಲೆ ಮತ್ತು ಅವರ ತಂಡದ ಪಾರ್ಕರ್, ಕ್ಲಿಪ್ ಜಂಪಿಂಗ್, ರೋಪ್‌ ಸ್ವಿಂಗ್ಸ್‌, ಜಲಪಾತದಲ್ಲಿ ಸಾಹಸ ಮತ್ತೀತರ ಸಾಹಸಮಯ ಚಟುವಟಿಕೆಗಳಿಗೆ ವಿಶ್ವದಾದ್ಯಂತ ಹೆಸರಾಗಿತ್ತು.

ವೈವಿಧ್ಯತೆಯ ಹುಡುಕಾಟಕ್ಕೆ ಪ್ರೇರಣೆ

ಜಗತ್ತಿನ ಅನೇಕ ವೈವಿಧ್ಯಗಳನ್ನು ಹುಡುಕಲು ನಮ್ಮ ವೀಕ್ಷಕರಿಗೆ ನಾವೂ ವಾರಕ್ಕೊಮ್ಮೆ ವಿಡಿಯೋಗಳನ್ನು ಪೋಸ್ಟ್‌ ಮಾಡಿ ಉತ್ತೇಜನ ನೀಡುತ್ತೇವೆ ಎಂದು ಹೈ ಆನ್ ಲೈಫ್ ಯೂಟ್ಯೂಬ್ ಚಾನಲ್‌ ತನ್ನ ವಿವರಣೆಯಲ್ಲಿ ಬರೆದುಕೊಂಡಿದೆ.

ನೈಸರ್ಗಿಕ ಹೆಗ್ಗುರುತುಗಳ ದರ್ಶನ

ಹೈ ಆನ್ ಲೈಫ್ ಯೂಟ್ಯೂಬ್ ಚಾನಲ್ ಭಾರತ, ಥೈಲ್ಯಾಂಡ್, ನೇಪಾಳ ಹಾಗೂ ಗ್ರೀಸ್‌ವರೆಗಿನ ಅದ್ಭುತ ರಾಷ್ಟ್ರೀಯ ಉದ್ಯಾನವನಗಳು ಮತ್ತು ನೈಸರ್ಗಿಕ ಹೆಗ್ಗುರುತುಗಳ ಅನೇಕ ವಿಡಿಯೋಗಳನ್ನು ಒಳಗೊಂಡು ಸಾಹಸ ಪ್ರಿಯರನ್ನು ರಂಜಿಸುತ್ತಿತ್ತು.

ಅಲೀಸಾ ಹ್ಯಾನ್ಸೆನ್ ಭಾವನಾತ್ಮಕ ಪೋಸ್ಟ್‌

ದುಃಖವು ಎಲ್ಲವನ್ನೂ ನಿಲ್ಲಿಸುವ ರೀತಿ ಕಾಣುತ್ತದೆ. ಏನು ಒಂದು ಬಾರಿ ಸಾಧ್ಯವಾಗುತ್ತದೆಯೋ ಅದು ಅಪ್ರಸ್ತುತದಂತೆ ತೋರುತ್ತದೆ. ಸಾವು ವೇಳಾಪಟ್ಟಿಯನ್ನು ನಿಲ್ಲಿಸಿ ಲೌಕಿಕತೆಯನ್ನು ಕಡೆಗಣಿಸುತ್ತದೆ. ಸಾವು ದುರಂತ ಭಾವನೆಗಳ ಅಲೆ, ಶೂನ್ಯತೆ ಮುಂದಿನ ಗುಡಿಸಲಾಗಿ ಕಾಣುತ್ತದೆ. ಬದುಕನ್ನು ನಿಲ್ಲಿಸುವ ಸಾವು ಸಾವಲ್ಲ, ಅದು ಪ್ರೀತಿಯ ಕೋರಿಕೆ. ಇದು ನಮ್ಮ ಮುಂದಿರುವ ಎಲ್ಲದನ್ನೂ ನೋಡಲು ಹೇಳುತ್ತದೆ ಎಂದು ರೈಕರ್ ಗಾಂಬ್ಲೆಯ ಸಂಗಾತಿಯಾಗಿರುವ ಅಲೀಸಾ ಹ್ಯಾನ್ಸೆನ್ ಇನ್ಸ್ಟಾಗ್ರಾಂ ಪುಟದಲ್ಲಿ ತಮ್ಮ ದುಃಖವನ್ನು ಹಂಚಿಕೊಂಡಿದ್ದಾರೆ.