ನಿಮಗಿದು ಗೊತ್ತಾ? ಬಿತ್ತನೆ ಮಾಡಲು ರೈತನ ಬದಲಿಗೆ ರೊಬೋಟ್ ಬಳಸುವುದು ಹೇಗೆ?

ರೈತನ ಬದಲಿಗೆ ರೊಬೋಟ್

ಕ್ಯಾಲಿಫೋರ್ನಿಯ ಮೂಲದ ಐರನ್ ಆಕ್ಸ್ ಸ್ಟಾರ್ಟಪ್ ಕಂಪನಿಯು ರೊಬೋಟಿಕ್ ಮತ್ತು ಹೈಡ್ರೊಪೋನಿಕ್ ಮಾದರಿಯ ವ್ಯವಸಾಯ ಪದ್ಧತಿಯ ಮೂಲಕ ಬೆಳೆಯನ್ನು ಮಾರುಕಟ್ಟೆಗೆ ಪರಿಚಯಿಸಲು ಮುಂದಾಗಿದೆ. ದ ವರ್ಜ್ ದೈನಿಕಕ್ಕೆ ದೊರಕಿದ ಮಾಹಿತಿಯಂತೆ ಐರನ್ ಆಕ್ಸ್, ರೊಬೋಟ್ ಬೆಳೆದ ಸೊಪ್ಪು ತರಕಾರಿಯನ್ನು ತರಕಾರಿ ಶೆಲ್ಫ್‌ನಲ್ಲಿ ಪರಿಚಯಿಸುತ್ತಿದೆ.

ಮೂರು ವಿಭಿನ್ನ ಮಾದರಿಗಳು

ಇದೀಗ ಐರನ್ ಆಕ್ಸ್ ಮೂರು ವಿಭಿನ್ನ ಮಾದರಿಗಳಲ್ಲಿ ತನ್ನ ಉತ್ಪನ್ನವನ್ನು ಪರಿಚಯಿಸಲಿದೆ ಈ ತರಕಾರಿಗಳು ಇತರ ತರಕಾರಿಗಳ ಬೆಲೆಯನ್ನೇ ಹೊಂದಲಿದೆ ಎಂಬುದು ಕಂಪನಿಯ ಅಭಿಪ್ರಾಯವಾಗಿದೆ.

ರೊಬೋಟ್ ಕೃಷಿ ಪದ್ಧತಿ ಏನು?

ಈ ರೊಬೋಟ್ ಯಂತ್ರಗಳು ಸಸ್ಯಗಳಿಗೆ ಜೀವ ತುಂಬಲು ಸ್ವಯಂಚಾಲಿತ ಯಂತ್ರ ವಿಧಾನವನ್ನು ಅನುಸರಿಸುತ್ತವೆ. ರೊಬೋಟ್‌ನ ಕೈಗಳು ಸಸ್ಯದ ಬೀಜ ಬಿತ್ತನೆ ಮತ್ತು ಅವುಗಳ ಕೃಷಿಯಲ್ಲಿ ಪರಿಣಿತಿಯನ್ನು ಪಡೆದುಕೊಂಡಿದೆ. ಅಂತೂ ತಾಜಾ ತರಕಾರಿಗಳನ್ನೇ ರೊಬೋಟ್ ಯಂತ್ರಗಳು ಗ್ರಾಹಕರಿಗೆ ತಲುಪಿಸುತ್ತವೆ ಎಂಬುದು ಕಂಪನಿಯ ಅಭಿಪ್ರಾಯವಾಗಿದೆ.

ಕೃಷಿ ವಿಧಾನದಲ್ಲಿ ಅಳವಡಿಸಿಕೊಂಡಿರುವ ತಂತ್ರಜ್ಞಾನವೇನು?

ಸ್ವಯಂಚಾಲಿತ ಪೋರ್ಟರ್‌ಗಳು ಪ್ಯಾಲೆಟ್‌ಗೆ ಸಸ್ಯಗಳನ್ನು ವಿತರಿಸುತ್ತವೆ, ರೊಬೋಟ್ ಕೈಗಳು ಬೆಳೆಗಳನ್ನು ಬೆಳೆಯಿಸುವಲ್ಲಿ ಪರಿಣಿತಿಯನ್ನು ಪಡೆದುಕೊಂಡಿವೆ. ಕಂಪ್ಯೂಟರ್ ಸ್ವಯಂಚಾಲಿತ ಬೆಳಕು, ನೀರು, ನ್ಯೂಟ್ರಿನ್ ಅಂಶಗಳನ್ನು ನೀಡಿ ಬೀಜ ಸಸ್ಯವಾಗಿ ಬೆಳೆಯುವಲ್ಲಿ ಪೂರಕ ಅಂಶವನ್ನು ಒದಗಿಸುತ್ತವೆ. ಅದಾಗ್ಯೂ ಈ ವ್ಯವಸ್ಥೆಯು ಸ್ವಯಂಚಾಲಿತವಾಗಿದ್ದು ಉತ್ಪನ್ನವನ್ನು ಬೇರ್ಪಡಿಸಿ ಪ್ಯಾಕೇಜ್ ಮಾಡಲು ಮನುಷ್ಯರ ಅವಶ್ಯಕತೆ ಇದೆ.

ಇತರ ಪ್ರಯೋಜನಗಳೇನು

ಸಸ್ಯಗಳ ರವಾನೆ ಖರ್ಚು ಮತ್ತು ಇತರ ವೆಚ್ಚಗಳನ್ನು ರೊಬೋಟಿಕ್ ವ್ಯವಸ್ಥೆಯು ನಿಯಂತ್ರಿಸುತ್ತಿದ್ದು ಹಣದ ಉಳಿತಾಯ ಕೂಡ ಆಗುತ್ತಿದೆ ಎಂಬುದು ಕಂಪನಿಯ ಅಭಿಪ್ರಾಯವಾಗಿದೆ.

ಕೃಷಿಗೂ ರೊಬೋಟ್ ಪರಿಣಾಮ ಏನು?

ಬೆಳೆಯುತ್ತಿರುವ ಜನಸಂಖ್ಯೆ, ಹವಾಮಾನ ಬದಲಾವಣೆ, ಕಾರ್ಮಿಕರ ಕೊರತೆ ಇದರಿಂದಾಗಿ ರೊಬೋಟಿಕ್ ತಂತ್ರಜ್ಞಾನ ಕೃಷಿಗೆ ಸಹಕಾರವನ್ನು ನೀಡಲಿದೆ. ಸ್ವಯಂಚಾಲಿತ ಟ್ರ್ಯಾಕ್ಟರ್‌ಗಳು, ಏರಿಯಲ್ ವಾಹನಗಳು, ಇರಿಗೇಶನ್ ವ್ಯವಸ್ಥೆಯನ್ನು ಈ ಕೃಷಿಯಲ್ಲಿ ಅಳವಡಿಸಿಕೊಳ್ಳಲಾಗುತ್ತದೆ ಎಂಬುದು ಕಂಪನಿಯ ಅಭಿಪ್ರಾಯವಾಗಿದೆ.