ಪ್ರಕೃತಿ ವಿಸ್ಮಯದ ಈ ವಸ್ತುವಿನಿಂದ ಕಾರು ತಯಾರಿಸಿದರೆ 1 ಕೆ.ಜಿಗಿಂತ ಕಡಿಮೆ ತೂಕವಿರುತ್ತದೆ!!

ಏರೋಜೆಲ್’ ಎಂಬ ಘನ ವಸ್ತು!!

ಮಳೆ ಬರುವ ಮುನ್ನ ಗುಂಪಾಗಿ ಹಾರುವ ಡ್ರ್ಯಾಗನ್ ಫ್ಲೈಗಳನ್ನು ಯಾರು ನೋಡಿಲ್ಲಾ ಹೇಳಿ? ಏರೋಪ್ಲೇನ್ ಚಿಟ್ಟೆಗಳು ತನ್ನಲ್ಲಿರುವ ತೆಳುವಾದ ರೆಕ್ಕೆಗಳ ನೆರವಿನಿಂದ ಸಮುದ್ರ, ಭೂಖಂಡಗಳನ್ನೂ ದಾಟುತ್ತವೆ. ಇದರ ಸ್ಫೂರ್ತಿಯಿಂದಲೇ ಅಮೆರಿಕ ವಿಜ್ಞಾನಿಗಳು ಅತೀ ತೆಳುವಾದ ‘ಏರೋಜೆಲ್' ಎಂಬ ಘನ ವಸ್ತುವೊಂದನ್ನು ತಯಾರಿಸಿದ್ದಾರೆ. ಇದರಿಂದ ಕಾರು ತಯಾರಿಸಿದರೆ 1 ಕೆ.ಜಿಗಿಂತ ಹೆಚ್ಚು ತೂಕ ಇರದು ಎಂಬುದು ಅಚ್ಚರಿಯಲ್ಲದೇ ಮತ್ತಿನ್ನೇನು?!

ಜೇನುನೊಣಗಳೇ ಸ್ಫೂರ್ತಿ!!

ಗುಂಪು ಗುಂಪಾಗಿ ಈಜುವ ಕೆಲವು ಮೀನಿನುಗಳು, ಗಾಳಿಯಲ್ಲಿ ಗುಂಪು ಗುಂಪಾಗಿ ಹಾರುವ ಜೇನು ನೊಣಗಳು ಒಂದಕ್ಕೊಂದು ತಾಕದಂತೆ ಹೇಗೆ ಚಲಿಸುತ್ತಿವೆ ಎಂಬ ಆಲೋಚನೆ ಹೊಸ ತಂತ್ರಾಂಶವನ್ನು ಕಂಡುಹಿಡಿಯಲು ಸಹಕಾರಿಯಾಗಿದೆ. ಪೋಲೆಂಡ್ ಮತ್ತು ಕೊಲಂಬಿಯಾ ಸಂಶೋಧಕರು ವಿಮಾನ ಪ್ರಯಾಣಕ್ಕೆ ನೆರವಾಗುವಂತಹ ತಂತ್ರಾಂಶವನ್ನು ತಯಾರಿಸಲು ಈ ಮೀನು ಮತ್ತು ಜೇನುನೊಣಗಳೇ ಸ್ಫೂರ್ತಿ ಎಂದರೆ ಆಶ್ಚರ್ಯವಾಗುವಂತದ್ದು ಏನಿಲ್ಲ.!

ಮಿಂಚು ಹುಳುಗಳ ಎಲ್‌ಇಡಿಗಳು!!

ರಾತ್ರಿಯಲ್ಲಿ ಮಿನುಗುವ ಮಿಂಚು ಹುಳುಗಳು ಬಲ್ಬ್ ಕಂಡುಹಿಡಿಯಲು ಪ್ರೇರಣೆ ಆಗಿರಬಹುದು ಎಂದು ಎಲ್ಲರೂ ಊಹಿಸಬಹುದು. ಆದರೆ, ಹೊಸ ಮಾದರಿಯ ಎಲ್‌ಇಡಿ ಬಲ್ಬ್ ಗಳ ತಯಾರಿಗೆ ಸ್ಫೂರ್ತಿ ತುಂಬಿವೆ. ಮಿಂಚು ಹುಳುಗಳ ಉದರ ಭಾಗದಲ್ಲಿರುವ ವಿಶೇಷ ಪೊರೆಗಳ ಸ್ಫೂರ್ತಿಯಿಂದಲೇ ಹೊಸ ಮಾದರಿಯ ಪೊರೆಗಳನ್ನು ತಯಾರಿಸಿ ಎಲ್‌ಇಡಿ ಬಲ್ಬ್‌ಗಳಿಗೆ ವಿಜ್ಞಾನಿಗಳು ಅಳವಡಿಸಿದರು. ಇದರಿಂದ ಬಲ್ಬ್ ಪ್ರಕಾಶಮಾನ ಪ್ರಕಾಶ ಶೇ 55ರಷ್ಟು ಹೆಚ್ಚಾಯಿತು.

ಗಾಜಿನಲ್ಲಿ ಬಲೆ ಹೆಣೆದರು!!

ಗಗನಚುಂಬಿ ಕಟ್ಟಡಗಳಿಗೆ ಅಳವಡಿಸುವ ಗಾಜುಗಳಿಗೆ ಡಿಕ್ಕಿಹೊಡೆದು ವರ್ಷಕ್ಕೆ ಅಸಂಖ್ಯ ಹಕ್ಕಿಗಳು ಸಾಯುತ್ತಿದ್ದುದ್ದನ್ನು ತಡೆಯಲು ಆರ್ಬ್ ವೀವರ್ ಎಂಬ ಜೇಡ ಪರಿಹಾರ ಸೂಚಿಸಿದೆ. ಈ ಕೀಟ ಬಲೆ ಹೆಣೆಯಲು ಬಿಡುಗಡೆ ಮಾಡುವ ದಾರಗಳಿಗೆ ನೇರಳಾತೀತ ಕಿರಣಗಳನ್ನು ಪ್ರತಿಬಿಂಬಿಸುವ ಗುಣವಿರುವುದನ್ನು ನೋಡಿ, ಜೇಡರ ಬಲೆಯಂತೆ ಗೆರೆಗಳನ್ನು ರಚಿಸಿ ಹೊಸ ಮಾದರಿಯ ಗಾಜನ್ನು ತಯಾರಿಸಿದ್ದಾರೆ. ಗಾಜಿನ ಮೇಲೆ ದಾರ ಇದ್ದರೆ ಅಂದ ಕೆಡುವ ಆತಂಕವಿಲ್ಲ. ಏಕೆಂದರೆ, ಈ ಗೆರೆಗಳು ನಮ್ಮ ಬರಿಗಣ್ಣಿಗೆ ಗೋಚರಿಸುವುದಿಲ್ಲ. ಆದರೆ ಪಕ್ಷಿಗಳ ಕಣ್ಣಿಗೆ ಕಾಣುತ್ತವೆ.

Oneplus 6 First Impressions - Gizbot Kannada

ಕಿಂಗ್‌ಫಿಷರ್‌ ನೀಡಿತು ಐಡಿಯಾ!!

ಕಿಂಗ್‌ಫಿಷರ್‌ ಹಕ್ಕಿಯು ಮೀನುಗಳನ್ನು ಬೇಟೆಯಾಡಲು ಗಾಳಿಯಿಂದ ಹಾರಿ ನೀರನ್ನು ಮುಟ್ಟುವಾಗ ಹೆಚ್ಚು ಶಬ್ದವಾಗದಂತೆ ಎಚ್ಚರಿಕೆ ವಹಿಸುತ್ತದೆ. ಇದಕ್ಕೆ ಕಾರಣ ಹಕ್ಕಿಯ ಕೊಕ್ಕು. ಇದರ ಸ್ಫೂರ್ತಿಯಿಂದಲೇ ಬುಲೆಟ್ ರೈಲಿನ ಮುಂದಿನ ಭಾಗವನ್ನು 50 ಮೀಟರ್ ಉದ್ದ ಇರುವಂತೆ ತಯಾರಿಸಿದರು. ಈಗ ಇವು ಬುಲೆಟ್ ರೈಲಿನ ಶೇ 15ರಷ್ಟು ಕಡಿಮೆ ವಿದ್ಯುತ್ ಬಳಕೆ ಮಾಡುತ್ತಿದೆ. ಶೇ 10ಪಟ್ಟು ಹೆಚ್ಚಿನ ವೇಗದಲ್ಲಿ ಚಲಿಸಲು ಕಿಂಗ್‌ಫಿಷರ್‌ನ ಕೊಕ್ಕು ತಂತ್ರಜ್ಞಾನಕ್ಕೆ ಸ್ಫೂರ್ತಿಯಾಗಿದೆ.