ಮಂಗಳ ಗ್ರಹದಲ್ಲಿ ಹೆಲಿಕಾಪ್ಟರ್ ಸೇವೆ: ನಾಸಾ ಯೋಜನೆ..!

ಮಾರ್ಸ್ 2020:

ಈಗಾಗಲೇ ಮಂಗಳ ಅಂಗಳವನ್ನು ತಲುಪಲು ಅಮೆರಿಕಾ ಮತ್ತು ಭಾರತ ಸ್ಪರ್ಧೆಯನ್ನು ನಡೆಸುತ್ತಿದ್ದು, ಇದರ ಮಧ್ಯದಲ್ಲಿಯೇ ಸ್ಪೇಸ್ X ಖಾಸಗಿ ಸಂಸ್ಥೆಯೂ ಮಂಗಳ ಅಂಗಳಕ್ಕೆ ಮಾನವವನ್ನು ಕಳುಹಿಸಲು ಸಿದ್ಧತೆ ನಡೆಸುತ್ತಿದೆ. ಇದೇ ಹಿನ್ನಲೆಯಲ್ಲಿ ನಾಸಾ ಮಾರ್ಸ್ 2020 ಮಿಷನ್ ಆರಂಭಿಸಿದೆ.

ಫೋಟೋ ಕ್ಲಿಕಿಸಲು:

ಮಾರ್ಸ್ 2020 ರೋವರ್ ಮಿಷನ್ ಯೋಜನೆಯಲ್ಲಿ ನಾಸಾ ಡ್ರೋನ್ ಮಾದರಿಯ ಹೆಲಿಕಾಪ್ಟರ್ ವೊಂದನ್ನು ಹಾರಿಸಲಿದೆ ಎನ್ನಲಾಗಿದೆ. ಇದು ಮಂಗಳ ಅಂಗಳದ ಪರಿಚಯವನ್ನು ವಿಜ್ಞಾನಿಗಳಿಗೆ ತೋರಿಸಿಕೊಡಲಿದೆ ಎನ್ನಲಾಗಿದೆ. ಇದು ಮಂಗಳದ ವಾತಾವರಣಕ್ಕೆ ಹೊಂದಿ ಕೊಂಡು ಕಾರ್ಯನಿರ್ವಹಿಸಲಿದೆ.

ಮೊದಲ ಪ್ರಯತ್ನ:

ನಾಸಾ ಇದೇ ಮೊದಲ ಬಾರಿಗೆ ಅನ್ಯ ಗ್ರಹದಲ್ಲಿ ಹೆಲಿಕಾಪ್ಟರ್ ಹಾರಿಸುವ ಯೋಜನೆಯನ್ನು ರೂಪಿಸಿದ್ದು, ಭಾರೀ ಕುತೂಹಲವನ್ನು ಕೆರಳಿಸಿದೆ. ಇದು ಮುಂದಿನ ಪ್ರಯೋಗಗಳಿಗೆ ಮುನ್ನುಡಿಯಾಗಲಿದೆ. ಮಂಗಳನ ಅಂಗಳದಲ್ಲಿರುವ ಕುತೂಹಲಗಳಿಗೆ ತೆರೆಎಳೆಯುವ ಸಾಧ್ಯತೆಗಳಿದೆ.

ರೋವರ್ ಜೊತೆಗೆ:

ರೋವರ್ ನೊಂದಿಗೆ ಮಂಗಳನ ಅಂಗಳಕ್ಕೆ ಸಾಗುವ ಹೆಲಿಕಾಪ್ಟರ್, ರೋವರ್ ನೊಂದಿಗೆ ಕಾರ್ಯನಿರ್ವಹಿಸಲಿದೆ. ಮಂಗಳ ಗ್ರಹದಲ್ಲಿ ಹಾರಾಟ ನಡೆಸಿ, ದತ್ತಾಂಶಗಳನ್ನು ರೋವರ್‌ಗೆ ತಲುಪಿಸಲಿದ್ದು, ಎರಡನ್ನು ವಿಜ್ಞಾನಿಗಳು ಭೂಮಿಯೊಂದಲೇ ನಿರ್ವಹಿಸಲಿದ್ದಾರೆ ಎನ್ನಲಾಗಿದೆ.

ವಿನ್ಯಾಸ:

ಮಂಗಳನಲ್ಲಿ ಹಾರುವ ಹೆಲಿಕಾಪ್ಟರ್ ಕೊಂಚ ಭಿನ್ನವಾಗಿದ್ದು, ಅತೀ ತಾಪಮಾನ ಮತ್ತು ಅತೀ ಶೀತದ ಸಂದರ್ಭದಲ್ಲಿಯೂ ಹಾನಿಯಾಗದಂತೆ ನಿರ್ಮಿಸಲಾಗಿದೆ. 1.8 Kg ತೂಕವಿರುವ ಹೆಲಿಕಾಪ್ಟರ್, ಸೋಲಾರ್ ಸೆಲ್ ಗಳ ಚಾರ್ಜಿಂಗ್ ವ್ಯವಸ್ಥೆಯ ಮೂಲಕ ಕಾರ್ಯನಿರ್ವಹಿಸಲಿದೆ. ಟವರ್ ಮಾದರಿಯ ವಿನ್ಯಾಸ ಹೊಂದಿದ್ದು, ಮಧ್ಯಭಾಗದಲ್ಲಿ ರೆಕ್ಕೆಗಳನ್ನು ಹೊಂದಿದೆ.