ಭೂಮಿಯನ್ನು ಬಾಹ್ಯಕಾಶಕ್ಕೆ ಸಂಪರ್ಕಿಸಲು ನಾಸಾ ಮಾಡುತ್ತಿರುವುದೇನು..?

ಮುಂದಿನ ತಲೆಮಾರು:

ಈಗಾಗಲೇ ಕೃತಕ ಬುದ್ದಿಮತ್ತೆ ಎಲ್ಲೇಡೆ ಆವರಿಸಿಕೊಳ್ಳುತ್ತಿದ್ದು, ಮುಂದಿನ ಶತಮಾನ ಸಂಪೂರ್ಣವಾಗಿ ಕೃತಕ ಬುದ್ಧಿಮತ್ತೆಯದ್ದೇ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಈಗಾಗಲೇ ನಿಧಾನವಾಗಿ ಈ ತಂತ್ರಜ್ಞಾನ ಎಲ್ಲ ಕ್ಷೇತ್ರಗಳಲ್ಲೂ ಅವರಿಸಿಕೊಳ್ಳುತ್ತಿದ್ದು, ಮುಂದಿನ ದಿನದಲ್ಲಿ ಬಹುತೇಕ ಕಡೆ ಕೃತಕ ಬುದ್ದಿಮತ್ತೆ ಬಳಕೆಯಾಗಲಿದೆ.

ಬಾಹ್ಯಾಕಾಶಕ್ಕೂ ಕೃತಕ ಬುದ್ದಿಮತ್ತೆ:

ಕೃತಕ ಬುದ್ದಿಮತ್ತೆ ತಂತ್ರಜ್ಞಾನದ ಸಹಾಯದಿಂದ ಬಾಹ್ಯಾಕಾಶ ಕ್ಷೇತ್ರದಲ್ಲಿ ಹೊಸತನವನ್ನು ಮಾಡಲು ಅಮೆರಿಕದ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ನಾಸಾ ಮುಂದಾಗಿದೆ. ಭೂಮಿ-ಬಾಹ್ಯಕಾಶದ ನಡುವೆ ಸಂಪರ್ಕಸೇತುವಾಗಿ ಕೃತಕ ಬುದ್ದಿಮತ್ತೆಯನ್ನು ಬಳಸಿಕೊಳ್ಳಲಿದೆ ಎನ್ನುವ ಮಾತು ಕೇಳಿಬಂದಿದೆ.

ಸಂವಹನಕ್ಕೆ ಕೃತಕ ಬುದ್ದಿಮತ್ತೆ;

ಭೂಮಿ ಮತ್ತು ಬಾಹ್ಯಾಕಾಶ ನೌಕೆ ನಡುವಿನ ಸಂವಹನವನ್ನು ನಡೆಸುವ ಕಾರ್ಯಕ್ಕೆ ಕೃತಕ ಬುದ್ದಿಮತ್ತೆಯನ್ನು ಹೇಗೆ ಬಳಕೆ ಮಾಡಿಕೊಳ್ಳಬಹುದು ಎಂಬುದರ ಕುರಿತು ನಾಸಾ ಅಧ್ಯಯನವನ್ನು ಮಾಡುತ್ತಿದೆ ಎನ್ನಲಾಗಿದೆ. ಈ ಹೊಸ ಪ್ರಯತ್ನ ಇಸ್ರೋ ಸೇರಿದಂತೆ ಬೇರೆ ಬೇರೆ ಕಂಪನಿಗಳಿಗೆ ಸೂರ್ತಿಯನ್ನು ನೀಡಲಿದೆ ಎನ್ನಲಾಗಿದೆ.

ಹೊಸ ಗ್ರಹಗಳ ಹುಡುಕಾಟಕ್ಕೆ:

ಭೂಮಿಯ ಮಾದರಿಯಲ್ಲಿ ಕಾರ್ಯನಿರ್ವಹಿಸುವ ಇತರೆ ಗ್ರಹಗಳನ್ನು ಕಂಡುಹಿಡಿಯುವ ಸಲುವಾಗಿ ಕೃತಕ ಬುದ್ದಿಮತ್ತೆಯನ್ನು ನಾಸಾ ಬಳಸಿಕೊಳ್ಳಲಿದೆ. ಈಗಾಗಲೇ ಈ ಕಾರ್ಯವೂ ಶುರುವಾಗಿದೆ ಎನ್ನಲಾಗಿದೆ.