ಮಾನವರಲ್ಲೇ ಈವರೆಗೂ ಅತ್ಯಂತ ವೇಗದ ಓಟಗಾರ ಎಂದೇ ಖ್ಯಾತರಾಗಿರುವ ಮತ್ತು ಒಲಂಪಿಕ್ಸ್ನಲ್ಲಿ 8 ಚಿನ್ನದ ಪದಕ ಗೆದ್ದಿರುವ ಉಸೇನ್ ಬೋಲ್ಟ್ ಈಗ ಮತ್ತೊಂದು ರೇಸ್ನಲ್ಲಿ ಗೆಲುವು ಸಾಧಿಸಿದ್ದಾರೆ. ಭೂಮಿಯ ಮೇಲೆ ಅತ್ಯಂತ ವೇಗವಾಗಿ ಓಡುವ ವ್ಯಕ್ತಿ ಎನ್ನುವ ಖ್ಯಾತಿ ಪಡೆದಿರುವ ಉಸೇನ್ ಬೋಲ್ಟ್, ಈಗ ಅಂತರಿಕ್ಷದಲ್ಲಿಯೂ ದಾಖಲೆ ನಿರ್ಮಿಸಿದ್ದಾರೆ.
ಹೌದು, ಎಂಟು ಬಾರಿ ಒಲಿಂಪಿಕ್ ಚಾಂಪಿಯನ್ ಆಗಿರುವ ಉಸೇನ್ ಬೋಲ್ಟ್, ಗುರುತ್ವಾಕರ್ಷನೆ ಇರದ ಏರ್ ಬಸ್ಸಿನಲ್ಲಿ ಓಡಿರುವ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಭೂಮಿಯ ಮೇಲಿನ ಶರವೇಗದ ಸರದಾರ ಅಂತರಿಕ್ಷದಲ್ಲೂ ತಮ್ಮ ಕಾಲ್ಚಳಕವನ್ನು ತೋರಿದ್ದು, ಜೀರೋ ಗ್ರಾವಿಟಿಯಲ್ಲಿ ನಡೆದ ರೇಸ್ನಲ್ಲಿ ಗೆಲುವು ಸಾಧಿಸಿದ್ದಾರೆ.
ಫ್ರಾನ್ಸ್ನ ಅಂತರಿಕ್ಷಯಾತ್ರಿ ಜೇನ್ ಫ್ರಾಂಕೋಯಿಸ್ ಕ್ಲರ್ವೆ ಮತ್ತು ನೋವೆಸ್ಪೇಸ್ನ ಸಿಇಒ ಹಾಗೂ ಫ್ರಾನ್ಸ್ನ ಇಂಟೀರಿಯರ್ ಡಿಸೈನರ್ ಆಕ್ಟೇವ್ ದೆ ಗೌಲೆ ಅವರೊಂದಿಗೆ ಉಸೇನ್ ಬೋಲ್ಟ್ ಅವರು ಗುರುತ್ವಾಕರ್ಷಣೆ ಇಲ್ಲದ ಓಟದ ಸ್ಪರ್ಧೆಗೆ ಇಳಿದು ಗೆದ್ದಿದ್ದಾರೆ. ರೇಸ್ನಲ್ಲಿ ಗೆದ್ದ ಬೋಲ್ಟ್ ಎಂದಿನಂತೆ ತಮ್ಮದೇ ಶೈಲಿನಲ್ಲಿ ವಿಶಿಷ್ಟವಾಗಿ ಸಂಭ್ರಮಾಚರಣೆಯನ್ನೂ ಮಾಡಿದ್ದಾರೆ.
ಗುರುತ್ವಾಕರ್ಷಣೆ ಇಲ್ಲದ ಓಟ ಆರಂಭಸಿದ ಬೋಲ್ಟ್ ಮತ್ತು ಇತರ ಈರ್ವರು ಅಂತರಿಕ್ಷಯಾತ್ರಿಗಳು ನೆಲಕ್ಕೆ ಕಾಲು ತಾಕಿಸಲು ಕಷ್ಟಪಡುತ್ತಾರೆ. ಓಟ ಆರಂಭಸಿದ ಬೋಲ್ಟ್ ಉತ್ತಮ ಆರಂಭ ಪಡೆದರೂ ತಮ್ಮ ಎದುರಿಗೆ ಇರುವ ಗೋಡೆಯನ್ನು ಮುಟ್ಟುವ ಮೊದಲೇ ಜಾರಿ ಕೆಳಗೆ ಬೀಳುತ್ತಾರೆ. ಆದರೆ, ಗುರಿಯನ್ನು ಮುಟ್ಟುವಲ್ಲಿ ಎಡವದೇ ಅಂತರಿಕ್ಷದಲ್ಲಿಯೂ ಗೆಲುವು ಸಾಧಿಸಿದ್ದಾರೆ.
ಜಯದ ನಗೆ ಬೀರುತ್ತಿದ್ದಂತೆ , 'ನಾನು ಸ್ವಲ್ಪ ಹೊತ್ತು ನಿಶಕ್ತನಾಗಿಬಿಟ್ಟಿದ್ದೇ. ಓ ದೇವರೇ ಏನಾಯಿತು ನನಗೆ ಎನ್ನುವ ಭಾವನೆ ಮೂಡಿತ್ತು. ಆದರೆ, ಇದು ನನಗೆ ಉತ್ಸಾಹ ತಂದುಕೊಟ್ಟಿದೆ ಎಂದು ಬೋಲ್ಟ್ ಹೇಳಿದ್ದಾರೆ.ಈ ಮೂಲಕ ತಾನೂ ಗುರುತ್ವಾಕರ್ಷಣೆ ಇಲ್ಲದ ಪ್ರದೇಶದಲ್ಲಿಯೂ ವೇಗವಾಗಿ ಓಡಬಲ್ಲೇ ಎನ್ನುವುದನ್ನು ಉಸೇನ್ ಬೋಲ್ಟ್ ಸಾಬೀತುಪಡಿಸಿದ್ದಾರೆ.
Click it and Unblock the Notifications
54,999
36,599
39,999
38,990
1,29,900
79,990
38,900
18,999
19,300
69,999
79,900
1,09,999
1,19,900
21,999
12,999
44,999
15,999
7,332
17,091
29,999
7,999
8,999
45,835
77,935
48,030
29,616
57,999
12,670
79,470
-1763362932432.svg){kind=logo}
Continue with Google