ಟಾಪ್ 14 ಫೇಸ್‌ಬುಕ್ ರೂಲ್ಸ್ ನೀವು ಪಾಲಿಸುತ್ತೀರಾ?

By Shwetha

| Published: Thursday, April 14, 2016, 15:38 [IST]

ಫೇಸ್‌ಬುಕ್ ಜಾಲತಾಣ ಹೆಚ್ಚು ಪ್ರಖ್ಯಾತಿಯಲ್ಲಿರುವ ವಿಷಯ ನಿಮಗೆ ತಿಳಿದೇ ಇದೆ. ಎಲ್ಲೆಲ್ಲೋ ಇರುವ ಸ್ನೇಹಿತರನ್ನು ಸಂಪರ್ಕದಲ್ಲಿರಿಸಿಕೊಳ್ಳಲು ಈ ತಾಣ ಸಹಾಯ ಮಾಡುತ್ತದೆ. ಹೊಸ ಹೊಸ ಮಾಹಿತಿಗಳನ್ನು ಸ್ನೇಹಿತರೊಂದಿಗೆ ಹಂಚಿಕೊಳ್ಳುವುದು, ಗೆಳೆಯರೊಂದಿಗೆ ಚಾಟ್ ಮಾಡುವುದು, ಈವೆಂಟ್‌ ವಿವರಗಳನ್ನು ತಿಳಿಸುವುದು, ಹೀಗೆ ಫೇಸ್‌ಬುಕ್ ತಾಣ ಹಲವಾರು ಪ್ರಮುಖ ಘಟನೆಗಳನ್ನು ನೆನಪಿನಲ್ಲಿಟ್ಟುಕೊಳ್ಳಲು ಸಹಾಯ ಮಾಡುತ್ತದೆ.

ಆದರೆ ಈ ತಾಣವನ್ನು ಹೆಚ್ಚು ಕಿರಿಕಿರಿಯನ್ನುಂಟು ಮಾಡುವ ಸಂಗತಿಗಳಿಗಾಗಿ ನೀವು ಬಳಸುತ್ತಿದ್ದೀರಿ ಎಂದಾದಲ್ಲಿ ಆಗ ನಿಮ್ಮನ್ನು ಸ್ನೇಹಿತರು ಫೇಸ್‌ಬುಕ್‌ನಲ್ಲಿ ಬ್ಲಾಕ್ ಮಾಡುವುದು ಖಂಡಿತ. ಐದು ಐದು ನಿಮಿಷಗಳಿಗೊಮ್ಮೆ ನೀವೇನು ಮಾಡುತ್ತಿದ್ದೀರಿ ಎಂಬುದನ್ನು ದಾಖಲಿಸುವುದು, ಹೆಚ್ಚು ಫೋಟೋಗಳು, ಸೆಲ್ಫಿಗಳನ್ನು ಪೋಸ್ಟ್ ಮಾಡುತ್ತಿರುವುದು ಮೊದಲಾದ ಕೆಲಸಗಳನ್ನು ನೀವು ಮಾಡುತ್ತಿದ್ದೀರಿ ಎಂದಾದಲ್ಲಿ ಅದಕ್ಕೆ ಈಗಲೇ ಕಡಿವಾಣ ಹಾಕಿ. ಇಂದಿನ ಲೇಖನದಲ್ಲಿ ಫೇಸ್‌ಬುಕ್‌ನಲ್ಲಿ ಹೆಚ್ಚು ಹೆಚ್ಚು ಕಿರಿಕಿರಿಯನ್ನುಂಟು ಮಾಡುವ 14 ಸಂಗತಿಗಳನ್ನು ನಾವಿಲ್ಲಿ ನೀಡುತ್ತಿದ್ದು ಆ ಕೆಲಸಗಳನ್ನು ನೀವು ಮಾಡುತ್ತಿದ್ದೀರಿ ಎಂದಾದಲ್ಲಿ ಅದನ್ನೀಗಲೇ ತ್ಯಜಿಸಿ.

#1

ನೀವು ಹೊಸದಾಗಿ ಯಾವುದಾದರೂ ವ್ಯವಹಾರ ಮಾಡುತ್ತಿದ್ದೀರಿ ಎಂದಾದಲ್ಲಿ ಅದನ್ನು ಒಮ್ಮೆ ಪೋಸ್ಟ್ ಮಾಡಿ ಆದರೆ ಆಗಾಗ್ಗೆ ಇಂತಹುದೇ ಪೋಸ್ಟ್‌ಗಳನ್ನೇ ಅಪ್‌ಡೇಟ್ ಮಾಡುವುದು ಫೇಸ್‌ಬುಕ್ ಗೆಳೆಯರಿಗೆ ಕಿರಿಕಿರಿಯನ್ನುಂಟು ಮಾಡಬಹುದು.

#2

ನಿಮಗೆ ನಿಮ್ಮ ಮಕ್ಕಳು ಮುದ್ದಾಗಿರಬಹುದು. ಆದರೆ ಅವುಗಳು ಮಾಡುವ ಸಣ್ಣ ಸಣ್ಣ ಸಂಗತಿಗಳನ್ನೇ ಹಿರಿದಾಗಿಸಿ ಅದನ್ನು ಪೋಸ್ಟ್ ಮಾಡಲು ಹೋಗದಿರಿ. ಇದರಿಂದ ನೋಡುಗರಿಗೆ ಇರಿಸು ಮುರಿಸಾಗುವುದು ಖಂಡಿತ.

#3

ಸುಮ್ಮ ಸುಮ್ಮನೇ ಬೇಕಾ ಬಿಟ್ಟಿ ಫೋಟೋಗಳಿಗೆ ಸ್ನೇಹಿತರನ್ನು ಟ್ಯಾಗ್ ಮಾಡದಿರಿ. ಈ ಸ್ನೇಹಿತರಿಗೆ ನೀವು ಟ್ಯಾಗ್ ಮಾಡುವುದು ಇಷ್ಟವಾಗದೇ ಇರುವ ಸಂಗತಿಯಾಗಿದ್ದಲ್ಲಿ ಇದು ನಿಮಗೆ ತೊಂದರೆಯನ್ನುಂಟು ಮಾಡಬಹುದು ಅಂತೆಯೇ ನಿಮ್ಮ ಗೆಳೆತನ ಕೊನೆಯಾಗಬಹುದು.

#4

ನಿಮ್ಮ ಹೊಸ ಕೆಲಸದಲ್ಲಿ ನಿಮಗುಂಟಾದ ತೊಂದರೆ ಇಲ್ಲವೇ ನಿಮ್ಮ ರಜಾದಿನಗಳಲ್ಲಿ ನೀವು ಅನುಭವಿಸಿದ ಕಷ್ಟಗಳನ್ನೇ ಸುಮ್ಮನೇ ವಿವರಿಸಿ ಫೇಸ್‌ಬುಕ್‌ನಲ್ಲಿ ಬರೆಯದಿರಿ.

#5

ನಿಮ್ಮ ಫೋನ್‌ನಲ್ಲಿ ಫೇಸ್‌ಬುಕ್ ಇದೆ ಎಂದ ಮಾತ್ರಕ್ಕೆ ಮೆಸೇಜ್ ಮಾಡುವುದನ್ನೇ ನಿಮ್ಮ ಕೆಲಸವಾಗಿಸಬೇಡಿ. ಬೇಕಾದಲ್ಲಿ ಮಾತ್ರವೇ ಸಂದೇಶಗಳನ್ನು ರವಾನಿಸಿಕೊಳ್ಳಿ

#6

ನಿಮ್ಮ ನೆರೆಹೊರೆಯವರ ಇಲ್ಲವೇ ಸ್ನೇಹಿತರ ಮಕ್ಕಳ ಫೋಟೋವನ್ನು ಅವರಿಗೆ ತಿಳಿಸದೆಯೇ ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡದಿರಿ. ಅವರಿಗೆ ಈ ವಿಷಯವನ್ನು ತಿಳಿಸಿ ನಂತರವಷ್ಟೇ ಅದನ್ನು ಫೇಸ್‌ಬುಕ್‌ನಲ್ಲಿ ಹಾಕಿ.

#7

ಕ್ಯಾಂಡಿಕ್ರಶ್‌ನಂತಹ ಗೇಮ್ ವಿನಂತಿಗಳನ್ನು ಸ್ನೇಹಿತರಿಗೆ ಕಳುಹಿಸುವುದು ನಿಜಕ್ಕೂ ಬೇಸರದ ಸಂಗತಿಯಾಗಿದೆ. ಇದರಿಂದ ಕಿರಿಕಿರಿ ಉಂಟಾಗುವುದು ಸಹಜವೇ ಆಗಿದೆ.

#8

ನೀವು ಮಾಲ್‌ಗೆ ಭೇಟಿ ನೀಡುತ್ತಿರುವ ಸಂಗತಿ, ಸಿನಿಮಾಗಳನ್ನು ನೋಡುವುದು ಮೊದಲಾದ ನಿಮ್ಮ ಚಟುವಟಿಕೆಗಳನ್ನೆಲ್ಲಾ ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡಬೇಡಿ.

#9

ನಿಮ್ಮ ಮಾಜಿ ಪ್ರೇಯಸಿ ಅಥವಾ ಪ್ರಿಯಕರ ನಿಮ್ಮ ಮನಸ್ಸಿಗೆ ನೋವುಂಟು ಮಾಡಿರುವುದು ನಿಜವೇ. ಆದರೆ ನಿತ್ಯವೂ ಅವರನ್ನೇ ದೂಷಿಸುತ್ತಾ ಫೇಸ್‌ಬುಕ್‌ನಲ್ಲಿ ಇದನ್ನೇ ಹಾಕದಿರಿ. ನಿತ್ಯವೂ ಇದೇ ಸುದ್ದಿಯನ್ನು ಓದಲು ಯಾರಿಗೆ ಇಷ್ಟವಿರುವುದಿಲ್ಲ.

#10

ನಿಮ್ಮ ಸ್ನೇಹಿತರ ಯಾವುದೇ ಸಮಸ್ಯೆಗಳನ್ನು ತೋಡಿಕೊಳ್ಳಲು ಫೇಸ್‌ಬುಕ್ ವೇದಿಕೆಯಾಗಿದ್ದರೂ ಅದಕ್ಕೆ ತಕ್ಕುದಾದ ಸಮಯ ಮತ್ತು ಸಂದರ್ಭವನ್ನು ಅರಿಸಿಕೊಳ್ಳಿ. ಆಗಾಗ್ಗೆ ಇದರ ಬಗ್ಗೆಯೇ ನೀವು ಕೊರೆಯುವುದರಿಂದ ಇತರ ಸ್ನೇಹಿತರುಗಳಿಗೂ ಕಿರಿಕಿರಿ ಉಂಟಾಗಬಹುದು ಎಂಬುದು ನಿಮ್ಮ ಮನದಲ್ಲಿರಲಿ.

#11

ನೀವು ಹೊಂದಿರುವ ಇತರೆ ಸಾಮಾಜಿಕ ಮಾಧ್ಯಮಗಳನ್ನು ಫೇಸ್‌ಬುಕ್‌ಗೆ ಲಿಂಕ್ ಮಾಡುವುದರಿಂದಲೂ ಇತರರು ಕಿರಿಕಿರಿಯನ್ನು ಅನುಭವಿಸುತ್ತಾರೆ.

#12

ಫೇಸ್‌ಬುಕ್ ಮನರಂಜಕ ನೆಲೆಯಲ್ಲಿರುವ ತಾಣವಾಗಿರುವುದರಿಂದ ರಾಜಕೀಯದಂತಹ ತೀವ್ರ ಸ್ವರೂಪದ ವಿಷಯಗಳನ್ನು ಇಲ್ಲಿ ಚರ್ಚಿಸುವುದು ಅಷ್ಟೊಂದು ಸೂಕ್ತವಲ್ಲ. ನಿಮ್ಮ ರಾಜಕೀಯ ಆಸಕ್ತಿ ಇತರರಿಗೆ ಉಪದ್ರವಕಾರಿ ವಿಷಯವಾಗಿರಬಹುದು. ಆದ್ದರಿಂದ ಈ ಅಂಶದ ಮೇಲೆ ಗಮನ ನೀಡಿ.