ಚೀನಾದಂತೆ ಭಾರತದಲ್ಲಿಯೂ ಶೀಘ್ರವೇ ಫೇಸ್‌ಬುಕ್‌ ಮತ್ತು ವಾಟ್ಸ್‌ಆಪ್ ಬ್ಯಾನ್‌.?!

ಜುಲೈನಿಂದಲೇ ತಯಾರಿ:

ಜುಲೈ 18 ರಂದು ಟೆಲಿಕಾಂ ಅಪರೇಟರ್ಸ್ ಮತ್ತು ಇಂಟರ್ನೆಟ್ ಸರ್ವೀಸ್ ಪ್ರವೈಡರ್ ಅಸೋಷಿಯೇಷನ್ ಹಾಗೂ ಇನ್‌ಡಸ್ಟ್ರಿ ಬಾಡಿ ಸೆಲ್ಯೂಲ್ ಆಪರೇಟರ್ಸ್ ಅಸೋಷಿಯೇಷನ್ ಗೆ ಪತ್ರವನ್ನು ಬರೆದಿರುವ ಟೆಲಿಕಾಂ ಇಲಾಖೆ (ಡಿಒಟಿ) ಈ ಸೋಶಿಯಲ್ ಮೀಡಿಯಾ ಆಪ್‌ಗಳನ್ನು ಹೇಗೆ ಬ್ಲಾಕ್ ಮಾಡುವುದು ಎನ್ನುವ ಕುರಿತು ಮಾಹಿತಿಯನ್ನು ನೀಡುವಂತೆ ಮನವಿಯನ್ನು ಮಾಡಿದೆ ಎನ್ನಲಾಗಿದೆ.

ಸೆಕ್ಷನ್ 69A IT ಆಕ್ಟ್:

ಟೆಲಿಕಾಂ ಇಲಾಖೆ (ಡಿಒಟಿ)ಯೂ ಮೊಬೈಲ್ ಆಪ್‌ಗಳಾದ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ವಾಟ್ಸ್‌ಆಪ್, ಟೆಲಗ್ರಾಂ ಸೇರಿದಂತೆ ಸೋಶಿಯಲ್ ಮೀಡಿಯಾ ಆಪ್‌ಗಳ ಮೇಲೆ ಸೆಕ್ಷನ್ 69A IT ಆಕ್ಟ್ ಅನ್ವಯ ನಿಯಂತ್ರಣವನ್ನು ಹೇರಿ ಬ್ಲಾಕ್ ಮಾಡಲು ಯೋಜನೆಯನಜ್ನು ರೂಪಿಸಲು ಮುಂದಾಗಿದೆ.

ರೂಮರ್‌ಗಳು ಹೆಚ್ಚು:

ಸೋಶಿಯಲ್ ಮೀಡಿಯಾ ಮೊಬೈಲ್ ಆಪ್‌ಗಳಾದ ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್, ವಾಟ್ಸ್‌ಆಪ್, ಟೆಲಿಗ್ರಾಂ ಸೇರಿದಂತೆ ಇತರ ಆಪ್‌ಗಳಿಂದಾಗಿ ಸುಳ್ಳು ಸುದ್ದಿಗಳು ಹೆಚ್ಚಿನ ಪ್ರಮಾಣದಲ್ಲಿ ಹರಡುತ್ತಿದೆ. ಇದಲ್ಲದೇ ಕೋಮುಗಲಭೆಗಳಿಗೂ ಇದು ಕಾರಣವಾಗುತ್ತಿದೆ. ಈ ಹಿನ್ನಲೆಯಲ್ಲಿ ಅವುಗಳನ್ನು ಬ್ಲಾಕ್ ಮಾಡುವ ಹಿಡಿತವನ್ನು ಪಡೆಯಬೇಕು ಎನ್ನುವುದು ಟೆಲಿಕಾಂ ಇಲಾಖೆಯ ನಿರ್ಧಾರವಾಗಿದೆ.

ಫೇಸ್‌ಬುಕ್‌ ಕಂಪನಿಯಿಂದಲೇ ಹೆಚ್ಚು:

ದೇಶದಲ್ಲಿ ಫೇಸ್‌ಬುಕ್ ಒಡೆತನದ ಕಂಪನಿಗಳ ಪ್ರಭಾವವೇ ಹೆಚ್ಚಾಗಿದ್ದು, ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಮತ್ತು ವಾಟ್ಸ್‌ಆಪ್ ಗಳು ಅತೀ ಹೆಚ್ಚಿನ ಪ್ರಮಾಣದ ಬಳಕೆದಾರರನ್ನು ಹೊಂದಿದೆ ಎನ್ನಲಾಗಿದ್ದು, ಇವುಗಳಿಂದಲೇ ಹೆಚ್ಚಿನ ಪ್ರಮಾಣದ ತೊಂದರೆಯೂ ನಿರ್ಮಾಣವಾಗುತ್ತಿದೆ. ಹಲವು ಸಾವು ನೋವುಗಳಿಗೂ ಇದು ಕಾರಣವಾಗುತ್ತಿದೆ. ಈ ಹಿನ್ನಲೆಯಲ್ಲಿ ಇವುಗಳಿಗೆ ಮೂಗುದಾರ ಹಾಕಲು ಮುಂದಾಗಿದೆ.