ನೀವು ಫೇಸ್‌ಬುಕ್‌ನಲ್ಲಿ ಎಷ್ಟು ಸಮಯ ಕಳೆಯುತ್ತಿರಿ ಎಂಬುದು ಗೊತ್ತಾ?!

ಫೇಸ್‌ಬುಕ್‌ನಲ್ಲಿ ಎಷ್ಟು ಸಮಯ ಕಳೆಯುತ್ತಿರಿ?

ವಿಶ್ವದ ಜನಪ್ರಿಯ ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ನಲ್ಲಿ ನೀವು ಎಷ್ಟು ಸಮಯವನ್ನು ಕಳೆಯುತ್ತಿರಿ ಎಂಬುದನ್ನು ತಿಳಿಯಲು ಪ್ರಯತ್ನಿಸಿದ್ದಿರಾ? ನಿಮಗೆ ಗೊತ್ತಿಲ್ಲದೇ ಇರಬಹುದು ಆದರೆ ಫೇಸ್‌ಬುಕ್‌ ಎಲ್ಲವನ್ನು ನಮೂದಿಸಿರುತ್ತದೆ. ಪ್ರತಿ ದಿನ ಎಷ್ಟು ಸಮಯವನ್ನು ನೀವು ಫೇಸ್‌ಬುಕ್‌ನಲ್ಲಿ ಕಳೆದಿರುವಿರಿ ಎಂಬುದನ್ನು ತಿಳಿಯಬಹುದು. ಇದರೊಂದಿಗೆ ಒಂದು ವಾರದಲ್ಲಿ ನಿಮ್ಮ ಫೇಸ್‌ಬುಕ್ ಬಳಕೆಯ ಶೇಖಡಾವಾರು ಅನುಪಾತವನ್ನು ಸಹ ತಿಳಿಯಬಹುದು.

ಈ ಹಂತಗಳನ್ನು ಅನುಸರಿಸಿ ಫೇಸ್‌ಬುಕ್ ಬಳಕೆಯ ಸಮಯ ತಿಳಿಯಿರಿ

ಹಂತ.1 ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ನಿಮ್ಮ ಫೇಸ್‌ಬುಕ್‌ ಖಾತೆ ತೆರೆಯಿರಿ.
ಹಂತ.2 ಬಲ ಭಾಗದ ಮೂಲೆಯಲ್ಲಿರುವ ಮೂರು ಗೆರೆಗಳಿರುವ ಮೆನು(ಹ್ಯಾಮ್‌ಬರ್ಗರ್ ಮೆನು) ಆಯ್ಕೆಯನ್ನು ಒತ್ತಿರಿ.
ಹಂತ.3 ಕಾಣಿಸುವ ಆಯ್ಕೆಗಳಲ್ಲಿ 'ಸೆಟ್ಟಿಂಗ್ಸ್ ಮತ್ತು ಪ್ರೈವಸಿ' ಆಯ್ಕೆಯನ್ನು ಒತ್ತಿರಿ
ಹಂತ.4 ಯೂವರ್‌ ಟೈಮ್‌ ಆನ್‌ ಫೇಸ್‌ಬುಕ್ ಆಯ್ಕೆಯನ್ನು ನೋಡಿರಿ.
ಹಂತ.5 ಸೆಟ್ಟ್ ಡೈಲಿ ರಿಮೈಂಡರ್ ಆಯ್ಕೆಯ ಮೂಲಕ ಫೇಸ್‌ಬುಕ್ ಬಳಕೆಯ ಸಮಯವನ್ನು ನಿಯಂತ್ರಿಸಬಹುದು.

ಫೇಸ್‌ಬುಕ್‌ ಬಳಕೆಯ ನಿಯಂತ್ರಣ ಸಾಧ್ಯ!

ಅತೀಯಾಗಿ ಫೇಸ್‌ಬುಕ್‌ ಬಳಸುತ್ತಿದ್ದೆನೆ ಎಂದೆನಿಸಿದರೇ ನಿಯಂತ್ರಿಸಲು ಫೇಸ್‌ಬುಕ್‌ನಲ್ಲಿಯೇ 'ಸೆಟ್ಟ್ ಡೈಲಿ ರೆಮೈಂಡರ್' ಆಯ್ಕೆ ಇದ್ದು, ಒಂದು ದಿನಕ್ಕೆ ಇಷ್ಟೇ ಸಮಯ ಫೇಸ್‌ಬುಕ್ ಬಳಕೆ ಮಾಡುವೆ ಎಂದು ನೀವು ಸಮಯ ಸೆಟ್ಟ್‌ ಮಾಡಿದರೇ ಸಾಕು. ಸೆಟ್ಟ್ ಮಾಡಿರುವ ಸಮಯ ಮೀರಿ ನೀವು ಫೇಸ್‌ಬುಕ್ ಬಳಸಲಾರಂಭಿಸಿದರೇ ಫೇಸ್‌ಬುಕ್ ನಿಮಗೆ ಅಲರ್ಟ್ ಮಾಡುತ್ತದೆ. ಇದರೊಂದಿಗೆ ಫೇಸ್‌ಬುಕ್ ಮಿತ ಬಳಕೆ ಮಾಡಲು ನೀವು ಗಟ್ಟಿ ಮನಸ್ಸು ಮಾಡಬೇಕು.