ಕರೆಯನ್ನು ಎನ್ಕ್ರಿಪ್ಟ್ ಮಾಡಲು ಐದು ಆ್ಯಂಡ್ರಾಯ್ಡ್ ಮತ್ತು ಐಒಎಸ್ ತಂತ್ರಾಂಶಗಳು.

ರೆಡ್ ಫೋನ್.

ರೆಡ್ ಫೋನ್ ಆ್ಯಪ್ ಉಪಯೋಗಿಸುವ ಮೂಲಕ ನೀವು ಎನ್ಕ್ರಿಪ್ಟೆಡ್ ಕರೆಗಳನ್ನು ಮಾಡಬಹುದು. ಈ ತಂತ್ರಾಂಶದಲ್ಲಿ ಸುರಕ್ಷತೆಯೇ ಮುಖ್ಯ, ಹಾಗಾಗಿ ಓಪನ್ ಸ್ಟ್ಯಾಂಡರ್ಡ್ ZRTP ಮೇಲೆ ಇದನ್ನು ನಿರ್ಮಿಸಲಾಗಿದೆ.

ಈ ತಂತ್ರಾಂಶವನ್ನು ಇನ್ಸ್ಟಾಲ್ ಮಾಡುವುದು ಬಹಳ ಸುಲಭ, ಬಳಕೆದಾರರು ತಮ್ಮ ಫೋನ್ ನಂಬರ್ ಉಪಯೋಗಿಸಿ ಲಾಗಿನ್ ಆಗಬಹುದು; ಹೊಸ ಬಳಕೆದಾರರ ಖಾತೆಯನ್ನು ತೆರೆಯುವ ಅವಶ್ಯಕತೆಯಿಲ್ಲ, ಕರೆಗಳು ಸುರಕ್ಷಿತವಾಗಿರುತ್ತವೆ.

ಸಿಮ್ಲಾರ್.

ಇದು ಆ್ಯಂಡ್ರಾಯ್ಡ್ ಮತ್ತು ಐಫೋನ್ ಬಳಕೆದಾರರಿಬ್ಬರಿಗೂ ಲಭ್ಯ. ಸಿಮ್ಲಾರ್ ಓಪನ್ ಸೋರ್ಸ್ ತಂತ್ರಾಂಶ, ತಂತ್ರಾಂಶದ ಮೂಲಕ ಮಾಡುವ ಕರೆಯು ಎನ್ಕ್ರಿಪ್ಟೆಡ್ ಆಗಿರುತ್ತದೆ.

ZRTP ಪ್ರೋಟೋಕಾಲ್ ಮೇಲೆ ನಿರ್ಮಿತವಾದ ಈ ತಂತ್ರಾಂಶದಲ್ಲಿರುವ ಕ್ರಿಪ್ಟೊಗ್ರಾಫಿಕ್ ಕೀ ಒಪ್ಪಂದದ ಕಾರಣದಿಂದ ನೀವು ಮಾಡುವ ಕರೆಯನ್ನು ಸಿಮ್ಲಾರ್ ನವರೂ ಕೇಳಲಿಕ್ಕಾಗುವುದಿಲ್ಲ.

ವೈಪರ್.

ವೈಪರ್ ಡೌನ್ ಲೋಡ್ ಮಾಡಿಕೊಂಡು ನಿಮ್ಮ ಸ್ನೇಹಿತರೊಂದಿಗೆ ಹರಟಿ. ಇತರೆ ತಂತ್ರಾಂಶಗಳಿಗೆ ಹೋಲಿಸಿದರೆ ಇದರಲ್ಲಿ ನೀವು ಕರೆ ಮಾಡಿದ ದಾಖಲೆಯೂ ನಿಮ್ಮ ಫೋನಿನಲ್ಲಿ ಉಳಿಯುವುದಿಲ್ಲ.

ಸಂಪರ್ಕಪಟ್ಟಿಯಲ್ಲಿರುವವರಿಗೆ ಸಂದೇಶ ಕಳುಹಿಸಬಹುದು, ವೈಪ್ ಆಯ್ಕೆಯನ್ನು ಉಪಯೋಗಿಸಬಹುದು.

ವೈಪರ್ ಸರ್ವರ್ ನಲ್ಲಿರುವ ಸಂದೇಶಗಳನ್ನು ತಂತ್ರಾಂಶವನ್ನು ಉಪಯೋಗಿಸಿ ಅಳಿಸಿ ಹಾಕಬಹುದು, ಅದನ್ನು ಮತ್ತೆ ಪಡೆಯಲು ಸಾಧ್ಯವಾಗುವುದಿಲ್ಲ.

ಝಾಯ್ಪರ್.

ಎಲ್ಲಾ VoIP ಕರೆಗಳನ್ನೂ ಟಿ.ಎಲ್.ಎಸ್/ಎಸ್.ಆರ್.ಟಿ.ಪಿ ಮತ್ತು ZRTP ಪ್ರೊಟೋಕಾಲ್ ಉಪಯೋಗಿಸಿ ಎನ್ಕ್ರಿಪ್ಟ್ ಮಾಡಲಾಗುತ್ತದೆ. ಆ್ಯಂಡ್ರಾಯ್ಡ್ ಮತ್ತು ಐಫೋನ್ ಬಳಕೆದಾರರಿಬ್ಬರಿಗೂ ಝಾಯ್ಪರ್ ಲಭ್ಯ. ಇದನ್ನು ಲಿನಕ್ಸ್ ಮತ್ತು ವಿಂಡೋಸ್ ಕಂಪ್ಯೂಟರ್ ಬಳಕೆದಾರರೂ ಉಪಯೋಗಿಸಬಹುದು.

ಕವರ್ ಮಿ.

ಇದನ್ನು ಉಪಯೋಗಿಸಿಕೊಂಡು ಕರೆಗಳು, ಸಂದೇಶಗಳು, ದಾಖಲೆಗಳು, ಫೋನಿನ ಸಂಗ್ರಹವನ್ನೂ ಎನ್ಕ್ರಿಪ್ಟ್ ಮಾಡಬಹುದು. ತಂತ್ರಾಂಶವು ಕರೆ ಮತ್ತು ಸಂದೇಶಗಳನ್ನು ಎನ್ಕ್ರಿಪ್ಟ್ ಮಾಡುತ್ತದೆ ಮತ್ತು ಸ್ಮಾರ್ಟ್ ಫೋನಿನಲ್ಲಿ ಎನ್ಕ್ರಿಪ್ಟೆಡ್ ವಾಲ್ಟ್ ಅನ್ನು ಸೃಷ್ಟಿಸುತ್ತದೆ.

ಹೊಸ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ