ಈ ಆಪ್‌ ಆಪ್‌ಡೇಟ್ ಮಾಡಿದ್ರೆ ಬೆಂಗಳೂರಿನ ಬೈಕ್‌ ರೈಡರ್ಸ್‌ ಟ್ರಾಫಿಕ್ ಸಿಗ್ನಲ್‌ನಲ್ಲಿ ನಿಲ್ಲಬೇಕಾಗಿಲ್ಲ...!

ಹೊಸ ದಾರಿಗಳ ಹುಡುಕಾಟ:

ಮಹಾನಗರಗಳಲ್ಲಿ ಟ್ರಾಫಿಕ್ ಜಾಮ್ ಕಿರಿಕಿರಿ ಹೆಚ್ಚು. ಈ ಹಿನ್ನಲೆಯಲ್ಲಿ ಅಡ್ಡದಾರಿಗಳು ಮತ್ತು ಒಳದಾರಿಗಳು ಕೆಲವೇ ಕೆಲವು ಬೈಕ್ ಸವಾರರಿಗೆ ತಿಳಿದಿರಲಿದೆ. ಆದರೆ ಎಲ್ಲಾರಿಗೂ ತಿಳಿದಿರುವುದಿಲ್ಲ. ಈ ಹಿನ್ನಲೆಯಲ್ಲಿ ಬೈಕ್ ಸವಾರರಿಗೆ ಹತ್ತಿರದ ದಾರಿಯನ್ನು ತೋರಿಸಿಕೊಡಲಿದೆ ಹೊಸ ಮ್ಯಾಪ್‌.

ಟ್ರಾಫಿಕ್‌ ಬಗ್ಗೆ ಮಾಹಿತಿ:

ನೀವು ಸಾಗುವ ಹಾದಿಯಲ್ಲಿ ಎಷ್ಟು ಟ್ರಾಫಿಕ್ ಇದೆ. ಅಲ್ಲದೇ ದಿನದ ಯಾವ ಅವಧಿಯಲ್ಲಿ ಹೆಚ್ಚಿನ ಜಾಮ್ ಸಂಭವಿಸುವುದು ಎನ್ನುವುದನ್ನು ಈ ಮ್ಯಾಪಿನಲ್ಲಿ ತೋರಿಸುವ ಪ್ರಯತ್ನವನ್ನು ಮಾಡಲಾಗುತ್ತಿದೆ. ಒಟ್ಟಿನಲ್ಲಿ ಮ್ಯಾಪ್ ಬಳಕೆದಾರರಿಗೆ ಸಾಧ್ಯವಾದಷ್ಟು ಹೊಸ ಆಯ್ಕೆಗಳನ್ನು ನೀಡುತ್ತಿದೆ.

ಕನ್ನಡದಲ್ಲಿ ಸ್ಥಳಗಳು:

ಕರ್ನಾಟಕದಲ್ಲಿ ಯಾವುದೇ ಮೂಲೆಯಿಂದ ಇನ್ಯಾವುದೇ ಮೂಲೆಯನ್ನು ಹುಡುಕಿದರೆ ಗೂಗಲ್ ನಲ್ಲಿ ಸ್ಥಳಗಳನ್ನು ಕನ್ನಡದಲ್ಲೇ ತೋರಿಸುವ ಬದಲಾವಣೆಯನ್ನು ಮಾಡಲಾಗಿದೆ. ಈ ಮೂಲಕ ನಮ್ಮೂರಿನ ಸ್ಥಳಗಳನ್ನು ಕನ್ನಡದಲ್ಲೇ ಕಾಣಬಹುದು.