ನೀವು ಈ ಜಿಯೋ ಆಪ್ ಡೌನ್‌ಲೋಡ್ ಮಾಡಿದ್ದರೇ ತಕ್ಷಣ ಡಿಲೀಟ್ ಮಾಡಿ: ಅದು ಫೇಕ್ ಆಪ್..!

ಅಧಿಕೃತ ಮಾಹಿತಿ ಇಲ್ಲ:

ಆದರೆ ಇದನ್ನೇ ಬಂಡವಾಳ ಮಾಡಿಕೊಂಡ ಕಿಡಿಗೇಡಿಗಳು ಜಿಯೋ ಕಾಯಿನ್ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿಯೂ ಹೊರ ಬರುವ ಮುಂಚೆಯೇ ಜಿಯೋ ಕಾಯಿನ್ ಹೆಸರಿನಲ್ಲಿ ಫೇಕ್ ಆಪ್‌ ವೊಂದನ್ನು ಸೃಷ್ಟಿಸಿ ಪ್ಲೇ ಸ್ಟೋರಿನಲ್ಲಿ ಹರಿ ಬಿಟ್ಟಿದ್ದಾರೆ. ಜಿಯೋ ತನ್ನ ಕಾಯಿನ್ ಬಿಡುಗಡೆ ಮಡುವ ಕುರಿತು ಯಾವುದೇ ಅಧಿಕೃತ ಮಾಹಿತಿಯನ್ನು ಬಿಡುಗಡೆ ಮಾಡಿಲ್ಲ. ಅದಲ್ಲದೇ ಭಾರತದಲ್ಲಿ ಇನ್ನು ಕ್ರಿಪ್ಟೋ ಕರೆಸ್ಸಿಗೆ ಮಾನ್ಯತೆ ಸಿಕ್ಕಿಲ್ಲ ಎನ್ನಲಾಗಿದೆ.

ಜಿಯೋ ಕಾಯಿನ್ ಆಪ್ ಫೇಕ್:

ಈಗಾಗಲೇ ಗೂಗಲ್ ತನ್ನ ಪ್ಲೇ ಸ್ಟೋರಿನಲ್ಲಿ ಇರುವಂತಹ ಫೇಕ್ ಆಪ್‌ಗಳನ್ನು ನಿರ್ಮೂಲನೆ ಮಾಡುವ ಕಾರ್ಯಕ್ಕೆ ಮುಂದಾಗಿದೆ. ಆದರೆ ಇದೇ ಸಂದರ್ಭದಲ್ಲಿ ಪ್ಲೇ ಸ್ಟೋರಿನಲ್ಲ ಜಿಯೋ ಕಾಯಿನ್ ಹೆಸರಿನಲ್ಲಿ ಆಪ್ ವೊಂದು ಕಾಣಿಸಿಕೊಂಡಿದ್ದು, ಗ್ರಾಹಕರನ್ನು ವಂಚಿಸಲು ಶುರು ಮಾಡಿದೆ. ಬಳಕೆದಾರರು ಇದರಿಂದ ಎಚ್ಚರಿಕೆ ವಹಿಸುವುದ ಅಗತ್ಯ.

ಸುಮಾರು 10000 ಡೌನ್‌ಲೋಡ್:

ಜಿಯೋ ಕಾಯಿನ್ ಹೆಸರಿನಲ್ಲಿ ಬಿಡುಗಡೆಯಾಗಿರುವ ಫೇಕ್ ಆಪ್ ಅನ್ನು ಸುಮಾರು 10000 ಮಂದಿ ಡೌನ್‌ ಲೋಡ್ ಮಾಡಿಕೊಂಡಿದ್ದಾರೆ ಎನ್ನಲಾಗಿದೆ. ನೀವು ಸಹ ತಿಳಿಯದೆ ಡೌನ್‌ ಲೋಡ್ ಮಾಡಿಕೊಂಡಿದ್ದರೇ ಶೀಘ್ರವೇ ಅದನ್ನು ಡಿಲೀಟ್ ಮಾಡಿ ಇಲ್ಲವಾದರೆ ನೀವು ಭಾರೀ ನಷ್ಟವನ್ನು ಅನುಭವಿಸಬೇಕಾಗಬಹುದು.

Jio-Fi ಪಾಸ್‌ವರ್ಡ್ ಬದಲಾಯಿಸುವುದು ಹೇಗೆ,,?

ಎಚ್ಚರ:

ಜಿಯೋ ಕಾಯಿನ್ ಹೆಸರಿನಲ್ಲಿ ಮೋಸ ಮಾಡುತ್ತಿರುವ ಹಿನ್ನಲೆಯಲ್ಲಿ ರಿಲಯನ್ಸ್ ಎಚ್ಚರಿಕೆಯ ಸಂದೇಶವನ್ನು ನೀಡಿದ್ದು, ಯಾರು ಜಿಯೋ ಹೆಸರಿನಲ್ಲಿ ಮೋಸ ಮಾಡಲು ಮುಂದಾಗುವರೋ ಅವರಿಗೆ ಕಾನೂನಿನ ಮೂಲಕ ತಕ್ಕ ಪಾಠವನ್ನು ಕಲಿಸುವುದಾಗಿ ತಿಳಿಸಿದೆ.

ಅಧಿಕೃತ ಮಾಹಿತಿ:

ಜಿಯೋ ತನ್ನ ಸೇವೆಗಳನ್ನು ನೀಡುವ ಮೊದಲು ಅಧಿಕೃತ ಮಾಹಿತಿಯನ್ನು ಮಾಧ್ಯಮಗಳ ಮೂಲಕ ನೀಡಲಿದೆ ಎನ್ನಲಾಗಿದೆ. ಇದನ್ನು ಬಿಟ್ಟರೇ ಯಾವುದೇ ರೀತಿಯಲ್ಲಿಯೂ ಸೈಲೆಂಟಾಗಿ ಕಾರ್ಯವನ್ನು ಮಾಡುವುದಿಲ್ಲ. ಹೀಗೆ ನಕಲಿ ಸೇವೆಗಳಿಂದ ನೀವು ಎಚ್ಚರ ವಹಿಸುವುದು ಅಗತ್ಯ.