ನಾಯಿಗಳ ತಳಿ ಕಂಡುಹಿಡಿಯಲು ಮೊಬೈಲ್‌ ಆಪ್‌

By Suneel

Published: Wednesday, February 17, 2016, 15:01 [IST]

ನಾಯಿಗಳನ್ನು ಸಾಕುವುದು ಅಂದರೆ ಬಹುಸಂಖ್ಯಾತರಿಗೆ ಅಚ್ಚುಮೆಚ್ಚು. ಬೇಸರ ಕಳೆಯಲು ಯಾರು ಇಲ್ಲ ಅಂದ್ರೆ ಕೆಲವರು ನಾಯಿಗಳನ್ನು ಆಟವಾಡಿಸುತ್ತಾ ಕಾಲ ಕಳೆಯುತ್ತಾರೆ. ಇಂದು ಪ್ರೀತಿಯಿಂದ ನಾಯಿಗಳನ್ನು ಸಾಕುವವರ ಸಂಖ್ಯೆಯು ಹೆಚ್ಚಿದೆ. ಆದರೆ ಕೆಲವರಿಗೆ ತಮಗೆ ಇಷ್ಟವಾದ ನಾಯಿಗಳು ಯಾವ ತಳಿ ಎಂದು ತಿಳಿಯಲು ಆಗುತ್ತಿಲ್ಲ.

ನಾಯಿಗಳ ತಳಿ ಕಂಡುಹಿಡಿಯುವ ಸಮಸ್ಯೆ ಬಗೆಹರಿಸಲು ಅಮೇರಿಕ ಮೂಲದ ಟೆಕ್ನಾಲಜಿ ದೈತ್ಯ ಕಂಪನಿಯಾದ ಮೈಕ್ರೋಸಾಫ್ಟ್‌ ಕಂಪನಿಯು ಹೊಸ ಐಫೋನ್‌ ಅಪ್ಲಿಕೇಶನ್‌ ಅಭಿವೃದ್ದಿಪಡಿಸಿದ್ದು, ಅದು ನಾಯಿ ಯಾವ ತಳಿ ಎಂದು ಹೇಳುತ್ತದೆ. ಹಾಗಾದರೆ ಅಪ್ಲಿಕೇಶನ್‌ ಯಾವುದು, ಹೇಗೆ ಬಳಸುವುದು ಎಂಬುದನ್ನು ಇಂದಿನ ಲೇಖನದಲ್ಲಿ ಓದಿ ತಿಳಿಯಿರಿ.

ನಾಯಿ ತಳಿ ಕಂಡುಹಿಡಿಯುವ ಆಪ್‌

ಮೈಕ್ರೋಸಾಫ್ಟ್‌ ಕಂಪನಿ ಅಭಿವೃದ್ದಿಪಡಿಸಿರುವ " ಇಮೇಜ್‌ ರಿಕಾಗ್ನಿಸನ್" ಆಪ್‌ ನಾಯಿಗಳು ಯಾವ ತಳಿಯವು ಎಂದು ತಿಳಿಸುತ್ತದೆ.

'Fetch' ಆಪ್‌

'Fetch'- ಐಫೋನ್‌ ಆಪ್ಲಿಕೇಶನ್‌. ಮೈಕ್ರೋಸಾಫ್ಟ್‌ ಕಂಪನಿಯ ಮೋಜಿನ ಯೋಜನೆಗಳ ಸಾಲಿನಲ್ಲಿ ಇದು ಒಂದಾಗಿದೆ.

'Fetch' ಆಪ್‌

ಮೈಕ್ರೋಸಾಫ್ಟ್‌ ಅಭಿವೃದ್ದಿಪಡಿಸಿರುವ 'Fetch' ಆಪ್‌ ಅತ್ಯಾಧುನಿಕವಾಗಿ ಕಾರ್ಯನಿರ್ವಹಿಸಲಿದ್ದು. ನಾಯಿಗಳ ಒಂದು ತಳಿ ಮತ್ತು ಇನ್ನೊಂದು ತಳಿಗೆ ವ್ಯತ್ಯಾಸ ಯಾವ ರೀತಿಯಲ್ಲಿದೆ ಎಂಬುದನ್ನು ಸಹ ತಿಳಿಸುತ್ತದೆ. ಅಥವಾ ಬಣ್ಣದಲ್ಲೂ ಸಹ ಹೋಲಿಕೆ ವ್ಯಾತ್ಯಾಸಗಳಿದ್ದರೂ ನಾಯಿಯ ತಳಿ ಯಾವುದು ಎಂದು ತಿಳಿಸುತ್ತದೆ.

ನಾಯಿ ತಳಿ ಪತ್ತೆ ಹೇಗೆ?

ಐಫೋನ್‌ನಲ್ಲಿ ಆಪ್‌ ಓಪನ್‌ ಮಾಡಿ ನಾಯಿಯ ಫೋಟೋವನ್ನು ಆಪ್‌ನ ಫೀಚರ್‌ನಿಂದ ನೋಡ ಬೇಕು. ಆಪ್‌ ತಳಿಯಾವುದು ಎಂದು, ಹಾಗೂ ಕೆಲವೊಮ್ಮೆ ಯಾವ ತಳಿ ಎಂದು ನಿರ್ಧಿಷ್ಟವಾಗಿ ಹೇಳಲು ಸಾಧ್ಯವಾಗದಿದ್ದರೆ ಯಾವ ತಳಿಗೆ ಹೋಲಿಕೆ ಯಾಗುತ್ತದೆ ಎಂದು ತಿಳಿಸುತ್ತದೆ. ಆಪ್‌ನಲ್ಲಿ ಯಾವುದೇ ಫೋಟೋ ಕಾಣದಿದ್ದರೆ ಯಾವುದೇ ನಾಯಿ ಕಾಣುತ್ತಿಲ್ಲ ಎಂದು ತೋರುತ್ತದೆ.

ಬ್ರಿಟನ್‌ ಮೂಲದ ಸಂಶೋಧಕರ ಗುಂಪು

ಮಿಚ್ ಗೋಲ್ಡ್ಬರ್ಗ್, ಕೇಂಬ್ರಿಡ್ಜ್‌ ಮೈಕ್ರೋಸಾಫ್ಟ್‌ ಸಂಶೋಧನಾ ಅಭಿವೃದ್ದಿ ನಿರ್ದೇಶಕರು "ಅಪ್ಲಿಕೇಶನ್‌ ಅನ್ನು ಬ್ರಿಟನ್‌ ಮೂಲದ ಸಂಶೋಧಕರ ತಂಡ ಅಭಿವೃದ್ದಿಗೊಳಿಸಿದ್ದಾರೆ" ಎಂದು ಹೇಳಿದ್ದಾರೆ.