ವಾಟ್ಸ್‌ಆಪ್ ಬಿಟ್ಟು ಬೇರೆ ಯಾಕೆ?: ಬರುತ್ತಿದೆ ಗ್ರೂಪ್ ಆಡಿಯೋ-ವಿಡಿಯೋ ಕಾಲಿಂಗ್

ಗ್ರೂಪ್ ವಿಡಿಯೋ ಕಾಲಿಂಗ್:

ಈಗಾಗಲೇ ಭಾರತದಲ್ಲಿ ಹೈ ಸ್ಪೀಡ್ ಡೇಟಾ ಬಳಕೆಗೆ ದೊರೆಯುತ್ತಿರುವ ಹಿನ್ನಲೆಯಲ್ಲಿ ಆಡಿಯೋ ಬದಲಿಗೆ ವಿಡಿಯೋ ಕಾಲಿಂಗ್ ಮಾಡುವವರ ಸಂಖ್ಯೆಯೂ ಹೆಚ್ಚಾಗಿದ್ದು, ಈ ಹಿನ್ನಲೆಯಲ್ಲಿ ವಾಟ್ಸ್‌ಆಪ್ ಗ್ರೂಪ್ ವಿಡಿಯೋ ಕಾಲಿಂಗ್ ಸೇವೆ ಸೇರಿಸಲಿದೆ.

ಗ್ರೂಪ್ ಆಡಿಯೋ ಕಾಲಿಂಗ್:

ಗ್ರೂಪ್ ವಿಡಿಯೋ ಕಾಲ್ ಮಾಡುವ ಮಾದರಿಯಲ್ಲಿ, ವಾಟ್ಸ್‌ಆಪ್ ಗ್ರೂಪ್ ಆಡಿಯೋ ಕಾಲಿಂಗ್ ಸಹ ಮಾಡಬಹುದಾಗಿದೆ ಎನ್ನಲಾಗಿದೆ. ಇದು ಕಾನ್ಫರೆನ್ಸ ಕಾಲ್ ಮಾದರಿಯಲ್ಲಿ ಕಾರ್ಯನಿರ್ವಹಿಸಲಿದೆ.

ಗ್ರೂಪ್ ವಿಡಿಯೋ ಕಾಲಿಂಗ್‌ಗೆ ಹೆಚ್ಚಿನ ಬೇಡಿಕೆ:

ಈಗಾಗಲೇ ಸ್ಕೈಪ್‌ ಲೈಟ್‌ ಆಪ್‌ನಲ್ಲಿ ಈ ಗ್ರೂಪ್‌ ವಿಡಿಯೋ ಕಾಲಿಂಗ್ ಆಯ್ಕೆಯನ್ನು ಕಾಣಬಹುದಾಗಿದ್ದು, ಇದೇ ಮಾದರಿಯಲ್ಲಿ ತನ್ನ ಬಳಕೆದಾರರ ಬೇಡಿಕೆಯಾಗಿದ್ದ ಗ್ರೂಪ್ ವಿಡಿಯೋ ಕಾಲಿಂಗ್ ಅನ್ನು ವಾಟ್ಸ್‌ಆಪ್ ಬಿಡುಗಡೆ ಮಾಡುತ್ತಿದೆ.

ಬಿಲಿಯನ್ ಬಳಕೆದಾರರು:

ಈಗಾಗಲೇ ವಾಟ್ಸ್‌ಆಪ್ ಬಳಕೆ ಮಾಡುತ್ತಿರುವವರ ಸಂಖ್ಯೆ ಬೆಳಯುತ್ತಾ ಸಾಗುತ್ತಿದ್ದು, ಸರಿ ಸುಮಾರು ಒಂದು ಬಿಲಿಯನ್ ಬಳಕೆದಾರರು ವಿಶ್ವದಾದ್ಯಂತ ವಾಟ್ಸ್‌ಆಪ್ ಬಳಕೆ ಮಾಡುತ್ತಿದ್ದಾರೆ.

ಸದ್ಯ ಪರೀಕ್ಷಾಹಂತದಲ್ಲಿದೆ:

ವಾಟ್ಸ್‌ಆಪ್ ಹೊಸದಾಗಿ ಬಿಡುಗಡೆ ಮಾಡಲು ಮುಂದಾಗಿರುವ ಆಯ್ಕೆಯ ಪರೀಕ್ಷೆ ನೆಡೆಯುತ್ತಿದ್ದು, ಶೀಘ್ರವೇ ಈ ಆಯ್ಕೆಯು ಬಳಕೆದಾರರಿಗೆ ಲಭ್ಯವಿರಲಿದೆ ಎನ್ನಲಾಗಿದೆ.

WhatsApp Tips !! ವಾಟ್ಸ್ಆಪ್ ಇದ್ದರೇ ಸಾಕು, ಏನೆನೋ ಮಾಡಬಹುದು...!!!

ಐಫೋನ್ ಬಳಕೆದಾರರಿಗೆ ಮೊದಲು:

ಈ ವಾಟ್ಸ್‌ಆಪ್ ಗ್ರೂಪ್ ವಿಡಿಯೋ ಕಾಲಿಂಗ್ ಆಯ್ಕೆಯೂ ಮೊದಲಿಗೆ ಐಫೋನ್ ಬಳಕೆದಾರರಿಗೆ ದೊರೆಯಲಿದೆ ಎನ್ನಲಾಗಿದೆ. ಇದಾದ ನಂತರದಲ್ಲಿ ಆಂಡ್ರಾಯ್ಡ್ ಫೋನ್‌ಗಳಿಗೆದ ದೊರೆಯಲಿದೆ.