ಕೆಲವೇ ನಿಮಿಷಗಳ ಕಾಲ ವಾಟ್ಸ್‌ಆಪ್ ಸ್ಥಗಿತ: ಪರದಾಡಿದ ಬಳಕೆದಾರರು..!

ಸರಿಪಡಿಸಲು ಮುಂದಾದ ವಾಟ್ಸ್‌ಆಪ್:

ವಾಟ್ಸ್ಆಪ್ ಸರ್ವರ್ ಕ್ರ್ಯಾಶ್ ಆಗಿರುವ ಹಿನ್ನಲೆಯಲ್ಲಿ ಬಳಕೆದಾರರು ಕ್ಷಮೆ ಕೋರಿರುವ ವಾಟ್ಸ್ಆಪ್, ಈ ಸಮಸ್ಯೆಯನ್ನು ಪರಿಹರಿಸಲು ಟೆಕ್ನಿಕಲ್ ಟೀಮ್ ಕೆಲಸ ಮಾಡುತ್ತಿರವುದಾಗಿ ತಿಳಿಸಿದೆ.

ಶುಕ್ರವಾರ ಮಧ್ಯಾಹ್ನ ಸ್ಟಾಪ್:

ವಾಟ್ಸ್‌ಆಪ್ ಶುಕ್ರವಾರ ಮಧ್ಯಾಹ್ನ ಸ್ಟಾಪ್ ಆಗಿದೆ ಎನ್ನಲಾಗಿದೆ. ಇಂದು ಮಧ್ಯಾಹ್ನ ವಾಟ್ಸ್‌ಆಪ್ ಮೂಲಕ ಸಂದೇಶ ಕಳುಹಿಸಲು ಸಾಧ್ಯವಾಗದೆ ಪರದಾಡಿದ್ದಾರೆ ಎನ್ನಲಾಗಿದೆ. ಈ ಕುರಿತು ಜಗತ್ತಿನ ವಿವಿಧ ಮಾಧ್ಯಮಗಳು ವರದಿ ಮಾಡಿದೆ.

ಸುಮಾರು 40 ನಿಮಿಷಗಳ ಸೇವೆ ಸ್ಥಗಿತ:

ಸುಮಾರು 40 ನಿಮಿಷಗಳ ಕಾಲ ವಾಟ್ಸ್‌ಆಪ್ ಕ್ರ್ಯಾಶ್ ಆಗಿದ್ದು, ಬಳಿಕ ವಾಟ್ಸ್‌ಆಪ್ ಟೀಮ್ ಸಮಸ್ಯೆಯನ್ನು ಸರಿಪಡಿಸಿ, ತನ್ನ ಸೇವೆಯನ್ನು ಮತ್ತೆ ಕಾರ್ಯಾರಂಭಿಸಿದೆ ಎಂದು ವರದಿ ಮಾಡಲಾಗಿದೆ.

ಈ ದೇಶಗಳಲ್ಲೇ ಹೆಚ್ಚು ಸಮಸ್ಯೆ:

ಭಾರತ, ಸಿಂಗಾಪುರ್, ಮೋಝಾಂಬಿಕ್, ರಷ್ಯಾ, ವಿಯೆಟ್ನಾಮ್, ಇರಾಕ್ ಸೇರಿದಂತೆ ಜಗತ್ತಿನಾದ್ಯಂತ ವಾಟ್ಸಆಪ್ ಸೇವೆ ಸ್ಥಗಿತಗೊಂಡಿದೆ. ಇದರಿಂದಾಗಿ ಮೊಬೈಲ್ ಗ್ರಾಹಕರು ಸಂದೇಶಕ್ಕಾಗಿ ಬೇರೆ ಬೇರೆ ಆಪ್‌ಗಳ ಮೊರೆ ಹೋಗಿದ್ದಾರೆ.

ವಾಟ್ಸ್‌ಆಪ್‌ಗೆ ಹೊಡೆತ ಎನ್ನಲಾಗಿದೆ:

ಇದು ವಾಟ್ಸ್‌ಆಪ್ ಇತಿಹಾಸದಲ್ಲಿ ಕಪ್ಪು ಚುಕ್ಕೆಯಾಗಿದೆ ಎನ್ನಲಾಗಿದ್ದು, ಈಗಾಗಲೇ ವಾಟ್ಸ್‌ಆಪ್ ಬಳಕೆದಾರರು ಬೇರೆ-ಬೇರೆ ಆಪ್‌ ಕಡೆಗೆ ತಕ್ಷಣ ಮುಖ ಮಾಡಿದ್ದು, ಇದರಿಂದ ಮುಂದೆ ದೊಡ್ಡ ಹೊಡೆತ ಸಾಧ್ಯತೆ ಇದೆ.