ಹೊಸ ಆಯ್ಕೆಗಳು ನೀವು ವಾಟ್ಸ್‌ಆಪ್ ಬಳಸುವ ವಿಧಾನವನ್ನು ಬದಲಾಯಿಸಲಿದೆ

ಟೆಕ್ಸ್ಟ್ ಫಾಂಟ್ ಬದಲಾವಣೆ:

ವಾಟ್ಸ್ಆಪ್ ಚಾಟಿಂಗ್ ವೇಳೆಯಲ್ಲಿ ನೀವು ಬರೆಯುವ ಪದಗಳಲ್ಲಿರುವ ಅಕ್ಷರಗಳನ್ನು ಬೋಲ್ಡ್ ಮಾಡಬಹುದು, ಸ್ಕ್ರಾಚ್ ಮಾಡಬಹುದು, ಇಟಾಲಿಕ್ ಸ್ಟೈಲ್ ಅನ್ನು ನೀಡಬಹುದು. ಈ ಹಿಂದೆ ಇದಕ್ಕಾಗಿ ಕೆಲವು ಕೋಡ್ ಗಳನ್ನು ಬಳಸಿಕೊಳ್ಳಬೇಕಾಗಿತ್ತು. ಆದರೆ ಈಗ ನೀವು ಪದವನ್ನು ಸೆಲೆಕ್ಟ್ ಮಾಡಿಕೊಂಡರೆ ಸಾಕು ಕಾಪಿ, ಪೇಸ್ಟ್ ಮಾದರಿಯಲ್ಲಿ ಬೋಲ್ಡ್, ಇಟಾಲಿಕ್, ಸ್ಕ್ರಾಚ್ ಆಯ್ಕೆಗಳು ಬರಲಿದೆ. ಆಯ್ಕೆ ಮಾಡಿಕೊಳ್ಳುವುದು ಸುಲಭ

ಎಮೋಜಿ ಕೀ ವರ್ಡ್:

ಇದೇ ಮಾದರಿಯಲ್ಲಿ ನೀವು ಯಾವುದಾರು ಎಮೋಜಿಗಳನ್ನು ಸೆಲೆಕ್ಟ್ ಮಾಡಿಕೊಳ್ಳಬೇಕಾದರೆ ಎಲ್ಲಾ ಎಮೋಜಿಗಳನ್ನು ಹುಡುಕಬೇಕಾಗಿತ್ತು, ಆದರೆ ನೀವು ಯಾವುದಾರು ಒಂದೇ ಎಮೋಜಿಯನ್ನು ಅವುಗಳ ಮಧ್ಯ ಹುಡುಕಲು ಎಮೋಜಿ ಕೀ ವರ್ಡ್ ಮೂಲಕ ಹುಡುಕುವ ಆಯ್ಕೆಯನ್ನು ನೀಡಿದೆ. ಈ ಮೂಲಕ ನಿಮಗೆ ಬೇಕಾದ ಎಮೋಜಿಯನ್ನು ಕೀ ವರ್ಡ್ ನೀಡಿ ಹುಡುಕಬಹುದಾಗಿದೆ.

ಎಲ್ಲಾ ಮಾದರಿಯ ಫೈಲ್‌ಗಳನ್ನು ಶೇರ್ ಮಾಡಬಹುದು:

ಈ ಬಾರಿಯ ಆಪ್ಡೇಟ್ ನಲ್ಲಿ ಆಂಡ್ರಾಯ್ಡ್ ನಲ್ಲಿ ವಾಟ್ಸ್ಆಪ್ ಬಳಕೆದಾರರು ಎಲ್ಲಾ ಮಾದರಿಯ ಫೈಲ್‌ಗಳನ್ನು ಶೇರ್ ಮಾಡಬಹುದಾಗಿದೆ. ಎಂಪಿ3 ಸೇರಿದಂತೆ ಎಲ್ಲಾ ಡಾಕ್ಯುಮೆಂಟ್ ಗಳನ್ನು ಶೇರ್ ಮಾಡಲು ಬಳಕೆದಾರರಿಗೆ ಅವಕಾಶವನ್ನು ನೀಡಿದೆ.