ಯೂಟುಬ್ 'ಗೋ' ಆಪ್: ಆಪ್‌ಲೈನ್ ವಿಡಿಯೋ ನೋಡಿ, ಸ್ನೇಹಿತರ ಮೊಬೈಲ್‌ಗೆ ಶೇರ್ ಮಾಡಿ..!

ಗೂಗಲ್ ವಿಡಿಯೋ ಪ್ರಿಯರಿಗಾಗಿಯೇ ಹೊಸದೊಂದು ಆಪ್ ಬಿಡುಗಡೆ ಮಾಡಿದ್ದು, ಯೂಟುಬ್ ಬಳಕೆದಾರನ್ನು ಗಮನದಲ್ಲಿ ಇಟ್ಟುಕೊಂಡು ಯೂಟೂಬ್ ಗೋ ಎನ್ನುವ ಹೊಸ ಆಪ್ ನಿರ್ಮಿಸಿದೆ, ಈ ಆಪ್ ಮೂಲಕ ಆಫ್‌ಲೈನ್ ವಿಡಿಯೋ ನೋಡಬಹುದಾಗಿದ್ದು, ನೋಡಿದ ವಿಡಿಯೋ ಗಳನ್ನು ನಿಮ್ಮ ಸ್ನೇಹಿತರ ಮೊಬೈಲ್‌ಗೆ ಶೇರ್ ಮಾಡಬಹುದಾಗಿದೆ.

ಓದಿರಿ: ಬಿಡುಗಡೆಯಾಗಲಿರುವ ಹೊಸ ಐಪೋನ್‌ಗೆ ವೈರ್ ಚಾರ್ಜರ್ ಬೇಡವಂತೆ..!!

ಕಳೆದ ಸೆಪ್ಟೆಂಬರ್ ನಿಂದಲೇ ಕಾರ್ಯಚರಣೆ ಆರಂಭಿಸಿದ ಯೂಟೂಬ್ ಗೋ, ಸದ್ಯ ಸಂಪೂರ್ಣವಾಗಿ ಬಳಕೆಗೆ ಮುಕ್ತವಾಗಿದೆ. ಭಾರತೀಯ ಮಾರುಕಟ್ಟೆಯನ್ನು ಗಮನದಲ್ಲಿಟ್ಟುಕೊಂಡು ಈ ಆಪ್ ನಿರ್ಮಾಣಗೊಂಡಿದ್ದು, ಈ ಆಪ್‌ ನಲ್ಲಿ ಆಫ್‌ಲೈನ್ ವಿಡಿಯೋ ನೋಡಬಹುದಾಗಿದ್ದು, ಅಲ್ಲದೇ ಸೇವ್ ಮಾಡಿಕೊಂಡಿದ್ದ ವಿಡಿಯೋ ಗಳನ್ನು ಬೇರೆ ಮೊಬೈಲ್‌ಗಳಿಗೆ ಶೇರ್ ಮಾಡುವ ಅವಕಾಶವನ್ನು ಮಾಡಿಕೊಡಲಿದೆ.

ಸದ್ಯ ಭಾರತದಲ್ಲಿ ಈ ಆಪ್‌ ಡೌನ್‌ಲೋಡಿಗೆ ಲಭ್ಯವಿದ್ದು, ಈ ಬ್ರಾಂಡ್ ನ್ಯೂ ಆಪ್ 8.5 MB ಇದ್ದು, ಸದ್ಯದ ಎಲ್ಲಾ ಆಂಡ್ರಾಯ್ಡ್ ಆವೃತ್ತಿಯಲ್ಲಿಯೂ ಕಾರ್ಯನಿರ್ವಹಿಸಲಿದೆ. ಅಲ್ಲದೇ ವಿಡಿಯೋಗಳನ್ನು ನಮಗೆ ಬೇಕಾದ ಗುಣಮಟ್ಟದಲ್ಲಿ ಡೌನ್‌ಲೋಡ್ ಮಾಡಿಕೊಳ್ಳುವ ಅವಕಾಶವನ್ನು ಈ ಆಪ್ ಮಾಡಿಕೊಡಲಿದೆ.

ಓದಿರಿ: ರಿಲಯನ್ಸ್ ಜಿಯೋದಿಂದ ಮತ್ತೊಂದು ಆಫರ್...!

ಯೂಟುಬ್ ಗೋ ಆಪ್‌ ವಿಡಿಯೋ ಗಳನ್ನು ಶೇರ್ ಮಾಡುವ ಅವಕಾಶವನ್ನು ಹೊಂದಿದ್ದು, ಶೇರಿಟ್ ಮಾದರಿಯಲ್ಲಿ ಕಾರ್ಯನಿರ್ವಹಿಸಲಿದೆ. ಈ ಆಪ್ ವಿಡಿಯೋಗಳನ್ನು ಬ್ಲೂಟೂಟ್ ಮೂಲಕ ಕಳುಹಿಸಲಿದೆ.